Tsawra kamhpa ging ai W.P myu sha ni hpang de
kabu hpa shi ga langai mi shana dat mayu
ai.Ninghtoi;-26/6/2014,aten;-10am
jahpawt hta masat(6)Dapdung Hpakan Ginwang Komti kaw woi awn galaw ai Mungkan
Ka-ni nang hpam pat jasan zuphpawng hpe mung shawa marai(89),magam marai(106)
yawng pawng marai(195)yup shang lawm nna K.K achyeju majaw angwi apyaw awng ai
hte galaw la lu sai lam shana dat mayu ai.
Dai zuphpawng hta Masat(6) Dapdung
shingtau Dapup 2/ic a mungga hta"w.p mungdan hte mai gan shara shagu hta du taw nga ai w.p amyu sha ni
e,nahte w.p amyu sha ni gaw moi kaw nna hpaji chye ai,majan grai byin ai,atsam
marai grai rawng ai myu sha ni rai ga ai.
Ya tai hpyen myen atsuya gaw dai hpe
hkrit ai majaw,anhte w.p myu sha ni hpe makam msham hku lam mi,ndai ka-ni nang
hpam hte lam mi hku nna amyu shamat masing hku gasat taw nga ai hpe yawng dum
hprang ra saga ai law.ya gaw anhte w.p mungdan asuya magam gun ni hpe mung ndai
nang hpam ka-ni lu sha ai ni hpe gaw ja ja ahkyak la wa na re.
Mung shawa ni hpe
mung dut mari,lu sha ai lam nga yang gaw ja ja ahkyak la sa mat wa na re majaw
yawng jawm sadi,shading sharai la ga.ngu yawng hpe saw lajin dat mayu ai hku
re.Ya tai hpyen wa a yaw masing jahkrat taw nga ai gatsi majan hta anhte myu
sha ni nhtum lawm mat na matu nang ngai yawng dum hprang shading sharai la saga
ngu yawng hpe saw lajin dat mayu ai hku re"nga na n gun jaw mungga shaga
mat wa ai lam hpe mung chye lu ai.Ngai shadang sha mung Video sa dem let n gun
mi alu shang lawm sai majaw mung grai kabu ai hku re.
.jpg)
No comments:
Post a Comment
N dai post hpe hti ya ai majaw chye ju kaba sai.Ning mu ka da ga.Download link mat taw ai rai yang comment ka da ya rit.Link nnan bai jaw na re.