သတင်းအစုံဖတ်နိုင်ရန် Wunzup News Blog သို့သွားပါ👇👇

Ad 300x250

Breaking

Showing posts with label mung masa. Show all posts
Showing posts with label mung masa. Show all posts

19 August, 2018

8:50 PM

AMYU SHA NINGBAW DUWA ZANHTA SIN A ဒီမိုကေရစီေျပာင္းျပန္ NGU AI HPA RAI LU TA?

Duwa Zahta Sin

(Anhte a Mung masa labau mabyin a shingnip shingna loi sha mi mu let shawng lam matu myit nshat shapraw lu na yaw shada nngai)
Ndai laika buk hpe 1958 (first printing), 1989 (second printing) hku dip shapraw nna, Myen mung masa kata kaw nna tinang Wunpawng Amyu sha hte Kachin State a akyu ara matu Ginjaw Asuya Hkringmang Daju U Nu a demockresi a manu hpe n-gawn nsawn galaw nna Kachin State a lam hpe shi myit ra ai hku de le, kajam, wushoi jum ai hpe, njaw ai lam madi madun, dinglun, jahpoi, ninghkap adawt ai laika rai nga ai. Anhte law law wa hti ngut na saga ai. Ahkyak ai lawnglam NKAU mi gaw lawu na lam ni rai nga ai:
1. Myen Hkawhkam ni Galoi N-up sha hkrum ai Kachin Ni
Myen hkawhkaw kade galai lung dung wa tim, Kachin ni hpe galoi n-up yu ga ai lam, Kachin Duwa ni the Myen hkawhkawm ni gaw majan mahpan hkan karum shingtau hkat ai hta jan nna, Kachin ni gaw tinang a shadip jahpang yan awmdawm hte nga ai re hpe Duwa Zanhta Sin hkrak tsun madi adeng dat nu ai.
2. Masu Magaw ai Ginjaw Asuya
Awng San wa e, 1946 November hta Kachin Du Salang ni hpe jaw da ai ga sadi hta lam kaba lahkawng lawm ai (1) shanglawt rau la tim, Kachin ni gaw Shanglawt lu ai hpang self-determination, self-autonomy hte hkrak nga na (2) Kachin–Myen lapran equality, justice nga na (Kachin dakyat, Bamar dakyat) ngu tsun apyaw ai majaw, Kachin ni Myen hte pawng nna shanglawt la na dawdan sai lam tsun madi nu ai. Shanglawt lu ai hpang, Aung San jaw da ai ga sadi hpe U Nu Asuya n-gawn nsawn galaw kau sai hpe, Duwa Zanhta Sin ndai hku madi sai, “U Nu a Hp.S.P.L Asuya gaw Mungdaw ni a lam hpe ahkyak ntawn sai, tang madun yu tim, hpa ahkyak nla ya ai jahtum, Mungdaw na ni gaw Munghpawm hpe tsawra ai ninghkan e, hpa kasu kabrawng n-galaw ai sha zim nga mat ai” ngu nu ai. Shingre kaw pyi, Lawu Myen mung de kasu kabrawng hpung ni rawt marawng nna Myen mung hpe jashuk dat ai aten Kachin ni sadi dung let gasat manga lawm wa sai hpe mung madi madun nu ai.
Ndai kaw, Myen Asuya a ‘Ga Sadi Ndung’ ai lam hpe madun nga ai. Ga sadi tawn da nna, ga sadi ndung jang, Wunpawng a htung gaw shawa sha ra ai; dawq wa ra ai htung (Customary law) rai nga ai. Kaga langai mi gaw dai zawn ga sadi ndung ai majaw, anhte ‘masu sha hkrum ai’; ndai gaw English hku gaw (offend/insult) ngu na rai nga ai. Roi sha hkrum ai lam rai nga ai. N-gawn n-sawn di hkrum ai lachyum rai nga ai.
Duwa Zanhta Sin, Aung San a ga sadi hte shai wa ai hpe madi madun ai gaw, ga sadi ndung ai hka hpyi ai lachyum hte, nanhte anhte Kachin hpe roi sha nga myit dai, ngu asan tsun madi bun ai lam rai nga ai.
3. Vote Nlaw ai Ni Asuya tai ai Ra Lata Poi
Demokresi manu hpe n-gawn nsawn galaw ai hta 1951-52 ra lata poi e sakse madun ai lam Zanhta Sin ka shaleng nu ai. Myen mung Ginjaw de HP.S.P.L vote law dang nna Asuya tai sai. Kachin State kaw mung vote law dang ai ni Mungdaw Asuya hpaw lu na hpe Duwa Zanhta Sin hkrak kam nu ai. Dai nan Demokresi a akri re hpe shi chye nga ai. Shi ning nga ai: “Jum gaw hkawhkam hkawseng the sahti kummi ni mata yang shum ai zawn, yi sun hkauna galaw sha ai wa mata tim shum nga ai. Galanggyi ana kap ai wa mata dat tim, maren sha shum nga ai. Majoi Shingra Bum pungding e lung dung nna mata dat dat, Panglai hkin-gau e tsap nna wa mi mata ta, jum gaw jum sha re; shum ai lam langai sha re; dai the maren, demokresi jet a namchyim gaw pa layang, bumga, matsan lusu yawng a matu langai sha rai nga ai” nga shaleng nu ai. Ndai 1951-52 ra lata poi hta Kachin State party ni kaw na Zanhta Sin lawm ai KNC (7), Kachin member nlawm ai Kachin State Hp.S.P.L (5), Sama Sinwa lawm ai P.Y.K.Hp (4), Zau Rip lawm ai P.Y.R.Hp (3). Lahta na shi kam ai demokresi a akri manu hku KNC gaw Kachin State a Asuya hpaw lu na matu 1952 March hta Rangoon de yu wa sai. U Nu e hkap tsun jaw dat ai gaw, ‘Nanhte KNC ni vote law dang ai gaw rai sai; ngai mung n ningdang nngai; raitim, ngai hku nna gaw Sama Sinwa hpe sha Kachin State ningbaw shatai na hkyen nga nngai; nanhte Sama hpe nsawn nsang hkum di sa, nanhte shada myit hkrum nga mu” ngu vote law ai KNC ni Kachin State Asuya tai na hpe agrip jahkring kau sai. Ndai zawn re nhkan e, Duwa Zanhta Sin the KNC ni gaw Kachin State kaw ataik ahkan party hku nga mat ra ai lam tsun nga ai.Tinang amyu shada lapran noyaw nngawn lam shabyin ya ai ladat mung rai nga ai.
Sama Duwa a Masing: Kachin State a hpang hkrat nga ai sut masa, hpaji masa, hkamja lam ni hpe gaw sharawt na malai, Sama wa gaw, mawdaw galaw shapraw masing, jet nbungli galaw masing, sanghpaw li, wanleng baw galaw masing ni the ja htu sha na masing ni mahtang jahkrat wa sai (*Sama Wa a masing hpe yu yang, mani mayu ai zawn hkamsha nngai). Ndai masing ni hpe U Nu nan pyi ndai zawn bai tsun kau ya sai lam mu ai, “E, dai nan gaw Sama shi shut sai, shi a masing ni hpe jahkring nna mung shawa akyu masing ni galaw na matu ngai tsun jahkring kau na” ngu Zanhta Sin ni hpe bai tsun jahpra nu ai.
Hpang e, HP.S.P.L lahkawng brang re ten na Kachin State Council hta mung, vote n law ai U Nu lawm ai (Nu-Tin) party na Duwa Zau Rip hpe mahtang Mungdaw ningbaw san dat nu ai. Duwa Zau Rip yan Sama Sinwa Naw yan gaw Aung San yan U Nu hte ni kahtep ai hku hkuhkau wa masai hpe mung sakse mu lu nga ai.

4. Kachin State hpe shamat kau mayu ai U Nu
1957 March 7 na U Nu a Mungga hta Mungdaw ni hpe jahten kau mayu ai lam adan aleng tsun shapraw ai hpe Duwa Zanhta Sin ‘Mungdaw ni hpe jahten mayu ai U Nu’ ngu ka madun da nga ai. “Nanhte Kachin State, Kayah State ni masat ya ai shaloi, grai kam galaw ya nna nre hpe dum u” ngu U Nu tsun sai. Kachin State a ja gumhpraw lam ni hpe shingdu tawn kau ai lam ni hpe madi tsun nu ai.
Ndai kaw, Panglong Ga Shaka hta tsam mari myit hkrum ka shalawm, 1947 Constitution hta ja ji dara kanyet nna 1948 January 10 ya shani Kachin State shangai pru wa sai raitim, 1948–1957 du hkra gaw, Kachin State Council rung majing hpe Rangoon e she tawn da ai; hkawmsa jarik, dum nta shap rawng jarik jaga maq ai. 1958 ning hta she, Myitkyina de dai rung hpe htawt la sai. Ndai zawn Kachin State rung hpe Kachin State kaw tawn da ging nga ninglen, Rangoon e mahtang tawn da shangun wa ai lam ni gaw ntara ai lam re hpe Zanhta Sin azin ayang madi deng dat nu ai.
5. Hpimaw, Kangfang, Gawlam manghkang hta,
Kachin State mung shawa maga tsap let, ja ja ni ninghkap nu ai. Ndai lam hpe Kachin ni sha nrai; Myen mung na ni mung myit nhkrum ai hpe sakse mu ai. 1956 Decmeber 11 shani Miwa ningbaw Chou En-lai, Rangoon de dai jahpawt du nna, Hkringmang Daju U Ba Swe the gahti galai Mungga jaw, hkuhkau lam shangang hkat nga ai kaw, Yangong Kachin jawngma ni gaw, “We do not want peaceful co-existence by ceding our country to China” ngu ai laika lang let tsap dingren dan masai. Dai ten na Myen mung English shilaika, The Nations kaw mung, Miwa ni ndai lamu ga masum hpe hpyi ai gaw, ‘blackmail’ (‘jahkrit shama, shagyeng ai lam’) the ‘insult’ (roi ai lam) re ngu ka bang masai.
Ndai mabyin kaw na anhte bai sharin la na lam kaba lahkawng gaw, (1) Duwa Zanhta Sin a tinang amyu sha ni ntsa kangka sadi dung nna, mung shawa maga ngang ngang tsap ai lam kasi kamang rai nga ai; njaw ai mu tim tinang a kanwang akyu hpe yu nna n gup pat, yau lawm, zim rai nga ai kaw Duwa Zanhta Sin NLAWM ai.
(2) kaga langai mi gaw, kade ninghkap tim ahkaw ahkang jum manat tawn ai Mungdan Asuya ngu ai wa gaw, shi galaw mayu ai lam n byin byin hkra galaw lu nga ai. Ndai lam gaw dai ni mung grai sadi maja ra ai lam nan rai nga mali ai. Nre hpe re, n jaw ai hpe jaw ai, jaw ai hpe n jaw ai, re hpe n re ai, tsun shagrin lu ai power shi kaw rawng nga lu ai. Ndai masa gaw dai ni mung anhte a ginra na masing kaba (e.g., Malizup Madim, Letpadawngtaung masing etc.,) ni a maka sat lawat mung hkrit tsang hpa rai nga ai. Asuya wa n-gup hpaw jang, ‘byin wa ai’, ‘n byin wa ai’ lahkawng sha nga ai. Anhte a lam hpe mung dai maka sat lawat kata kaw sha bang na re majaw, anhte hkyen lajang galaw sa wa ai lam gaw, dam lada, sung lagra, ningsam kaba, mahkri hkrawn ra nga mali ai, ngu myit dum nngai.
***DAI NI NA KACHIN PARTY HTE WUNPAWNG MYUSHA NI KAW 
ZANHTA SIN KADE NAW PAW PRU NA GA AI KUN?

*** Shing nrai, npaw pru ra sai kun?****
@@@@ nrau la let

0
Written By Ka ai ten No comments:
Seng ang ai ga baw , ,

11 August, 2018

1:46 PM

Laiza Muklum Hta KIO Tingnyang Up A, Share Shagan Masat Nhtoi Mungga Madat Hkam La Hpawng Galaw




Laiza kaw galaw ai Share shagan n htoi lamang / Photo :Kachinnet
Mungdan hte amyu a matu asak ap nawng mat wa sai myit rum  share shagan ni hte mungdan a magam bungli a majaw tai hpyen wa a lata hta asak ap nawng mat wa sai mungchying mungshawa ni hpe hkungga, masat masa ai Share Shagan Masat nhtoi lamang hpe Wunpawng mungdan shara shagu kaw galaw nga ai rai nna Laiza muklum Sinpraw Majoi Gawknu kaw mung August (10)ya jahpawt hkying 9:00Am hta galaw la lu sai re.
KIO tingyang Up a Share Shagan ninghtoi shatsam mungga hpe Laiza muklum Uphkang Du Slgkb Sabaw La Zau hti shalai ai hta Shanglawt magam gun ni yawng share shagan ni a tsawm htap ai myit masa, magrau grang ai myit marai, mungdan hte amyu a ntsa sadi dung ai myit jasat, ningtawn ai zai ladat ni hpe kasi kamang la nhtawm tinang gun hpai nga ai Shanglawt Magam bungli hta padang dip ginchyum dat kaja hkra shakut shaja ra ai lam, mungga kaw na na chye lu ai.
Asak ap nawng mat sai share shagan ni hpe hkungga jaw ai masat masa hku nna  KIO asuya rung ni jawngni pat ai hte Amyusha Dawn Hkawn , Hpyen Dap Dawng Hkawn ni hpe mung shadaw ka-ang kaw shayu hkungga masat masa jaw ai lam galaw ai.
Share Shagan Masat nhtoi hpe Ningbaw Kaba GOC Lahtaw Zau Seng hkrat sum ai nhtoi  1975 August (10) ya hpe lakap la nna Amyu, Mungdan a matu asak ap nawng mat sai Share shagan yawng a matu myit dum hkungga ai masat nhtoi rai nga ai.
Ndai Masat Nhtoi hpe Laiza muklum kaw sha n-ga, Ginwang Ginjaw , Ginwang Shara Shagu hte mare buga ni hkan mung galaw nna KIO Tingnyang Up a shatsam mungga madat hkamla akyuhpyi ai lam galaw ai re hpe chye lu ai.

                                                                           Watch video!

                                                                  Mungga PDF Download galaw la na

0
Written By Ka ai ten No comments:
Seng ang ai ga baw , , ,
Written By Ka ai ten No comments:
Seng ang ai ga baw , , ,

10 August, 2018

12:55 AM

LABAU HPE HKA JA GA

Labau hpe hka ja ga ...,hti ga

Du Kaba Lahpai Naw Seng
Pawng Yawng Amyu Makawp Dap (P.N.D.F)


Du kaba Lahpai Naw Seng: Pawngyawng National Defense Force (PNDF) Ningbaw:
Prat Nnan Myen hpe Shawng Ninghkap Gasat ai Wa.

Du kaba Naw Seng gaw Lahkum Lahpai kasha re. Lahpai Nhkat Naw Seng nga ma ai. Shi a dai daw shara gaw Sam mung, Kutkai Loihkang, mare re. 1941 ning hta Zawng Buk kasha Nai Kai (Sumpra bum, Pin Sau mare na) hte Tanghpre mare kaw hkungran la nu ai.

Ya Mungmyit Sinli shabrang wa Du Naw Seng Hkahku ga de lung wa ai gaw Bochuk Awng San shaga shang wa ai Hpetsit Japan hpe gasat na matu re. Shi gaw  nau npawt ja ai. Myi tu tu le le rai nna, (5 pe 4 lema) daram tsaw ai. Makam masham grai kaba ai re, akyu hpyi ai, nawku jawng sa ai. Hpung Up sara Ndau Tang kaw Hkalup hkam la sai. Shi gaw nawku jawng sa yang shi nan alu kawk lang nna alu htaq ai. Hpung mangam hta grai shakut mayu wu ai. Ndai zawn makam masham hte hkrak re ai Du Naw Seng hpe hkanhpa lu ai majaw, sinat gap yang n hkra hkraw ai ngu ai gaw n teng ai lam sha re. Raitim Du Naw Seng gaw lak lak lai lai re ai Jinghpaw langai mi re.

Descreption in the photo


Jinghpaw Mungdaw kaw du bang wa ai Japan ni hpe gasat shachyut ai hta magrau grang dik re. Sumpra Bum lam na Waring kawng gasat ai shaloi, Japan hpyen la na 6 gadoi la lu ai. Nsawp gasat ai shaloi mung Japan hpyen la na 6 bai gadoi la ai wa re. Dai majaw Wunpawng Levis Hpyen Dap kaw B.G.M (Burma Gallantry Medal) shagrau ai hkrum nu ai. Dai ten hta shi gaw Subedar tsang kaw rai nga sai re.

Du Naw Seng hte rau Kachin Levis hpyen hpung ni gaw 1944 ning shaning kaang daram hta Myitkyina Ginwang mahkra hpe Japan a lata kaw na gasat di la lu sai. Japan hpe dang kau lu ai hte padang manau hpe dai shaning October shata hta Namkoi Yang kaw galaw masai.

Du Lahpai Naw Seng


Ya Japan wai mat sai hpang Myen mung shanglawt lu sai. Gade n na yang lawu Myen mung de shanglawt hpan law law pru wa sai. K.N.U ngu ai Kayin Shanglawt, Dawnghkawn hkyen, dawnghkawn hpraw ngu ai Myen shanglawt ni re. Dai majaw lawu Myen mung gaw mazang n nang rai nga sai. Raitim Jinghpaw hpyen dap ni gaw zim she rai nna dai lawu Myen mung na shanglawt rawt ai ni hpe sha hkan gasat nga ai aten te. Dai kaw Du Naw Seng lawm ai. 1948 ning htaq Kutkai kaw na Jinghpaw Hpyen Dap (1) hpe U Nu woi awn ai Hp.S.P.L gaw Myen Kummyunit ni nga ai Pyin Mana de sa htim gasat shangun u ai. Dai hpyen hpung hpe Du Naw Seng woi awn u ai. Pating kaw nga ai Jinghpaw Hpyen dap lahkawng hpe mung Kayin ni (KNU) hpe gasat na matu U Nu asuya gaw matsun dat u ai. Ndai zawn Myen hpyen du ni matsun ai hte maren, mara kata hpunau Kayin ni hpe sat, mare nat, rim lu ai ni hpe galaw masai.

Du Naw Seng hpe hpunggyi jawng kaw sinat gap ai ngu nna Captain kawn Lientienant tsang de rank jahkrat kau ya ai. Raitim Kayin ni hpe gasat ra ai majaw rank bai jaw nna bai gasat shangun sai. Gasat ra ai de gaw shi hpe hkrai sa shangun nna kaga du ni gaw hpyen dap kaw num ni hte pyaw nga ai hpe yu ka-un wu ai. Asuya gaw shanhte aq Myen hpyen dap Myen hpyen du ni hpe gaw n gasat shangun nna ngai hpe hkrai shawng lam sa shangun nna si hkam shangun ai; kachyi mi pyi myit yu ai lam n nga ai; ngai si hkam ai kade aq matu rai???; Kayin ni hte anhte Kachin ni gaw kahpu kanau she re; labau htaq Kachin hte Kayin ni gasat hkat ai lam nna nga ai. dai majaw Kayin ni hpe gasat ai lam gaw lachyum n pru ai lam re, ngu myit la nhtawm, shi aq myitrum hpyen ma ni hpe tsun dan u ai. Shanhte yawng myit hkrum ai hte “Anhte Kayin ni hpe n gasat sai, Kayin mung Kayin ni up nga u ga, anhte gaw Jinghpaw mung de lung wa saga, nga myit hkrum daw dan sai.

Dai majaw shi hpe Tawng-ngu de sa gasat shangun ai shaloi, Bokalay du ai hte Kayin Du ni hte zuphpawng galaw nna, Tawati ngu ai mare kaw Kayin ni hte pawng mat nu ai. Du Sumlut La a hpyen ma chyen mi hpe mung woi mat wa wu ai. Miktila hpe shanhte dang la lu ai shani masha htaw nbungli langai mi hpe rim jawn nna Maymyo de apyaw sha lung wa sai. Maymyo, Anizahkan kaw na hpyen du ni mung shi hpe shanhte a du manang zawn nawn nna hkap tau ai kaw sin at zin la kau ya sai.

Dai hpang shi gaw mawdaw  langai bai rim la nna Maymyo de lung wa sai. Dai Maymyo kaw nga ai Kayin hpyenla ni hte pawng nna Maymyo hpe apyaw sha zin la kau sai. Du Naw Seng Maymyo hpe zin la ai hpe yawng mau ai. Mungkan hta nbungli No.1 shawng rim jawn ai mung Jinghpaw Naw Seng re ai lam dai ni du hkra mying kaba nga sai. Dai hta n ga, Myen hpyen du kaba Tin Maung ngu ai wa shi ka ai laika buk (Taing pyi ka nu nu mungdai ka htan htan) page 168 hta hpyen ni raitim Ngai Du Naw Seng hpe n shakawn ai gaw n nga lu nngai nga nna shakawn shagrau ka da wu ai.

1949 nign March 11 ya shani Mandalay hpe gasat htim zing la lu sai. Du Naw Seng aq hpyen hpung ni Myen mung a Nambat 2 kaba htum mare hpe zing la kau sai majaw myen mung ting kajawng let hkrit kahpra mat masai. U Nu asuya hpe pyi Yangung mare langai sha up hkang lu sai majaw mungkan kaw nna Yangung asuya ngu masat ya ai hkrum mat sai. Du Naw Seng lawm ai majaw kayin ni gaw Myen mung hpe Yanggung (Insein) sha ngam hkra gasat la wa ma ai re.

Yanggung dang la mahka e Kayin ni shada da hpawng ai zuphpawng htaq Kayin ni gasat ai lam gaw Kayin Mung shanglawt lu na matu sha re ai lam hte Kachin ni aq matu hpa n lawm ai hpe asan sha chye u ai majaw ai kaw myit n pyaw hkat ai majaw Du Naw Seng gaw shi a manang ni rai nga ai Gam Di, Hting Ra Hpung, NChyaw Tang, Htang Tu ni hpe, “ Anhte mung Jinghpaw Mung de rawt saga, Kayin ni zawn anhte aq Jinghpaw mung hpe anhte up nna prat dep ai mungdan gaw gap ga,” nga tsun let Kayin ni kaw nna garan pru mat wa sai.



1949 ning August shata htaq Taung Ngu sinpraw maga kaw na Loikaw, Taunggyi, Loi Lin, Lashio, Kutkai de gasat htim bang wa sai. Tawngyi na gumhpraw dum  ni adup hpaw rai nna namhkam kaw wa nga nga sai. Du Naw Seng ni Jinghpaw Mungdaw de n shang wa lu hkra hkan gasat na matu hpyendu Dabang Naw Hpyen hpung 1 mi sa shangun dat ai. Ndai ni bai wa tsun ai shiga gaw, shanhte Du Naw Seng a hpyen ni nga ai kaw du hkra mam yi, hkindu yi, hkan mayun saw ai shaloi, Du Naw Seng pru wa nna, “He! aw-ra ramma ni hpa galaw nga ma ta? Ngai gaw Jinghpaw shada da gaw n gap ai yaw, maw nanhte gap mayu yang gap mu” nga nna sinda jen ya ai. Dai majaw shanhte mung kaning n chye di nna bai nhtang mat wa ai nga tsun ma ai. Du Naw Seng gaw tsirung kaw mung myi man nsam jashai kau nna, tsi rung sa rawng la nu ai. 1949 ning August (19) ya shani Kutkai Tsi rung htaq Sinli Zawbwa, Howa Duwa Hkun Hpung, Waje Tu, Garam Hkam hte kaga du salang marai (20) hte zuphpawng woi galaw u ai. U.M.P kaw na Du kaba Zau Seng, Du Bala Gam, ni Naw Seng hpe Jinghpaw mung de n shang wa hkra lam lapran kaw na di hkap gasat na matu lung wa ma ai.

Pawngyawng National Defense Force (PNDF) hpe lawu de na myitsu ni hte rau hpaw hpang sai.
1. Du kaba Zau Seng
2. Du kaba Maran Gam Di
3. Du kaba Hkam Man
4. Du kaba Zau Seng (1st Brigade BM)
5. Du kaba Ndawng Chyan (2nd Brigade BM)
6. Maran Zau Tawng (Police)
7. Duwa Zau La
8. Sara Waje Naw
9. Sara Hpauna La Gawng ni rai ma ai.

Ndai PNDF hpe Sam mung Kutkai mare e hpaw ninghtan da sai. Ndai uhpung hpe ninghkap ai ni law law rai ma ai. Dai ten hta Sama wa gaw Jinghpaw shada da gaw n gasat ga ngu ai laika pa ni hkan garan ma ai. Dai laika gaw, “MUNGMYIT SINLI HPUNAU NI E, DUWA NAW SENG AQ HPANG HKAN AI HPU NAU NI, ASUYA E JUM N DUT JAW YANG HPA HTE SHA NA TA? DAP SHA NA HKU I? NDAI LAIKA LU HTI AI HTE NTA GA BAI WA MU”. Ndai laika ka jahtuk ai gaw Manmaw ga na sara Ugyi Hting Nan ka ai re lam chye lu ai.

Kaja wa nga yang Du Naw Seng gaw Jinghpaw hpyen dap hte pawng nna Jinghpaw mung hpe atsawm sha makawp maga let Jinghpaw mung hpe madu nan uphkang nna prat dep ai mungdan gaw gap na matu rai nga  ai. Raitimung, Jinghpaw ni mung masa myi n hpaw shi ai ngu tsun kau da nna Miwa hkran de yawng mat wa sai. Miwa hkran de 17 ning tup hpaji hpan amyu my sharin la nna 1967 ning hta Myen mung de bai shang wa let Myen mung Kum-myu-nit ni hte pawng nna Ne Win asuya hpe gasat sai. Majan (1709), zing la lu ai sinat hpa amyu myu (1912) hte myen hpyen la (7569) hte hpe gasat shamit kau nu ai. Du wa Naw Seng gaw 1972 ning February (2) ya shani Thai-Myen lamu ga jarit shara ni kaw asak sum mat sai rai.

Mahtaq ai lam ni:-
1. Dujan Nai Kai hte sanhtai (1995)
2. Hpt. Hkangseng Tu (Nawng Nang) hte sanhtai (1995)
3. ရွယ္လီဆိုင္း - က်မႏွင့္ေတာ္လွန္ေရးခရီး
4. ေမၿမိဳ႕ခ်စ္ေဆြ - သူရမခ်စ္ပို
၅. တင္ေမာင္ - တိုင္းျပည္ကႏုႏု မုန္တိုင္းကထန္ထန္

La Kumhtat
0
Written By Ka ai ten No comments:
Seng ang ai ga baw , ,

07 August, 2018

12:46 AM

HKRISTAN MAKAM HTE MUNG MASA (2)



Mung masa a lachyum hpe shawng na laika kaw shaleng dan ni ai. Shinggyim masha nan mung masa re majaw, shinggyim masha nga ai kaw mung masa nga ai lam mu lu saga ai. Ning ngu ai shaloi, ga san bai kahtap san ra wa ai. Hkristan ni gaw kadai ni rai ma ta? Mung masa galaw ai ni gaw kaning re laklai ai ni rai ma ta? Hkristan ni mung, mung masa galaw ai ni mung ‘SHINGGYIM MASHA’ sha n rai ma ni?

Hkristan ni mung wenyi kade hpring, hkru kat tim, hkum hkrang a matu shat nsha nna gaw kadai nlu nga ai. Si na gaw yawng hkrit ai hkrai rai nga ai. Si nhkrit ai wa gaw lama ma ra rawng ai wa sha a rai nga ai. Dum nta mung gap rawng ra nga ai. Bu hpun palawng mung tsawm tsawm hpun mayu nga ai. Tsawm mayu nga ai; dai majaw, nkau mi gaw tinang a hkum hkrang hpe pyi hpya shatsawm, di shakap, kapa rai kyin bu nga ma ai. Myit simsa lam, hkamja asak galu na lam hpe yawng wa ra nga ai. Aten hpe shachyut nna bungli galaw sha ra nga ai. Akyu hpyi sai majaw, ndai lam ni n-galaw ra sai, kadai n nga na re. Lama nga dam tim, myit ana kap ai ni sha rai na nhten!
Ndai hta loi lung nna myit ga nga yang, Karai Kasang hpe nawku ai pyi, tinang a ga hte nawku jang she ai htep nga dum nga ai. Dai nan, amyu rusai hpe manu shadan, myit mangoi ai lachyum rai nga ai. Tinang a ga hpe Tsawra ai, tinang a ga shaga mayu ai nga yang, dai zawn myit bung ai ni kahkyin majaw wa jang, ga nbung ai ni hte shi hkrai shi kaga san san rai mat ai. Dai kaw nna, amyu, ru sai ngu ai de bai matut lung mat wa ai. Dai kaw nna gaw, amyu rusai nbung ai shinggyim masha ni a lapran na mahku mara mahkrun, namnak shadang hpe bai yu wa ai. Lachyen lahka, dip kamyet ai lam hpe hkamsha jang, nhkru ntra lam re ngu gumlang mayu wa ai. Lawt pru mayu wa ai. Tinang a laksan rudi maka (identity) hpe grau mazing sumhting mayu wa ai. Ndai hku byin na matu nan, Karai Kasang hpan da hpajang da nga ai (NN.10; 11). Ndai tsun lai wa sai lam ni nan ‘mung masa’ hpe shangai shaprat ai jakrung rai nga ai zawn, makam masham (religion) a hkadeng mung rai nga ai. Yawng gaw shinggyim maka (human nature) kaw ningpawt nga ai.
Hkristan rai nna, wenyi lam san san sha ngu ai gaw, majoi mi a tsun ai lam sha rai nga ai. Hkumhkrang lagaw lata, n-gup, kan, myi na hte asak hkrung ai mungkan shinggyim masha rai da nga nna me, wenyi lam san san ngu ai gaw, ‘makam jahten’ a agung katut nna bri ai ni a ga sha rai nga ai. Chyum Laika buk ting gaw, shinggyim labau, shinggyim Manghkang hpe gara hku hparan na lam sharin ya nga ai. Wenyi lam san san ngu ai masa hpe n mu lu ai. Ndai lam ni gaw, mung masa lam hte Hkristan makam hpe kaga ga di karan kau nmai ai lam a sakse ni rai nga ai.
Hkristan ni gaw kaga Hkristan nre ai shinggyim masha ni hte nbung ai hkumhkrang lu da ai ni nrai nga ai. Kaga ni hte maren sha rai nga ai. Dai majaw, shinggyim masha – humanity hte seng ai lam ni yawng hte matut mahkai, mahkri shawn asak hkrung nga ai ni re. Nre, nga tsun ningdang ai wa gaw, madu hkum madu a lam nchye na ai wa sha rai nga ai. Shing nrai, ahkaw ahkang lama ma a majaw, tsun shakut ai lam sha rai nga ai. Kadai nchye ai ladat hku gumrhpaw grau mahkawng shakut ai wa pyi rai nga ai. Hkristan ni mung kaga ni hte maren shinggyim masha sha rai nga ai hpe malap masu nmai nga ai. Nang akyu hpyi shaja nna lama ma lu jang, Karai Kasang hpe Chyeju dum ra ai gaw teng ai; raitim, nang hpe sa jaw ai wa hpe shawng Chyeju kaba sai yaw, ngu tsun na hprai kau jang, nang hpe Karai Kasang jaw ai shinggyim lit hpe hprai kau ai lam rai nga ai.
Hkristan re majaw machyi ti mung tsi n sha ra, tsi rung n sa ra ai hku n rai nga mali ai. Machyi makaw lam yawng gaw tsi rung e hparan ra ai manghkang rai nga ai, nawku jawng de hpai sa ai baw nrai nga ai. Tsi rung greng grak kaja na, ra ai tsi mawan hkum hkum tsup tsup lu na, tsi lajang ai lam hta myit masin hpraw san ai hte machyi mai tsai wa na matu madung dat tsi lajang ai lam, shing nrai, gumhpraw n lu jaw jang si yang si n lu tsi lajang ya ai lam ni gaw mung masa lam yan a mahtai rai nga ai.
(bai matut na)

Written By Ka ai ten
Seng ang ai ga baw , , ,
12:00 AM

HKRISTAN MAKAM HTE HKRISTAN NI (1)


GA HPAW
Dai ni anhte Kachin Hkristan ni law malawng wa anhte a lawt lam magam hta kasang kalang rai shang lawm shakut shaja nga ai ten hta, maga mi de ninghkap adawt nna, Karai Kasang yaw shada ai lam hta mung masa nlawm ai hku online media ntsa hkan tsun jaw ai anhte amyu ni, bai, dai zawn tsun ai kaga amyu sara ni a hkaw tsun ai lam ni hpe facebook kaw shared galaw ai, Amen! Amen! nga yin la, Halleluyah, Halleluyah ngu ka dat jang wan wan nga dum ai Kachin Hkristan ni law law nga ai hpe mung mu lu ai. Dai majaw, ‘Mung masa amu hte Hkristan makam’ gara hku matut hkat nga ai lam hpe shawng de ka da sai laika kaw na kalawk shaw la nna facebook kaw daw karan nna mara dat na nngai.Aten lu ai ni hti nna, akyu hkam sha lu na myit mada nngai.Ndai hpe hti yang, 'Amen! Amen!' 'halleluyaj! halleluyajh' nga marawn ai hte sha gaw anhte a ruyak bum hpe n sit kau lu ai hta n-ga, shinggyim masha nan, Karai jaw ai shinggyim lit hpe n-yit n hprai ai gunhpai let, Karai Kasang hte rau jawm kanawng yang chyu sha anhte a ruyka bum hpe sit kau lu na lit kaba lu ai hpe mu lu nga rai nga ai.
Daw 1
GA SI RUDI (Etymology)
Hkristan ni hte mung masa gara hku matut mahkai nga ai lam, Hkristan ni mung masa hte seng ai lam ni hta shang lawm mai n mai ngu ai hpe sang lang ai hku mu mada chye na lu na matu, “mung masa – politics” ngu ai ga a lachyum hpe shawng hka ja yu mai nga ai.
Mung masa ngu ai ga hta yu maya hku ga si lachyum hpyan ga nga yang “mung” – gaw ‘mungdan,’ ‘mungdaw’ ngu ai hku chye na mai nna, “masa” ngu ai gaw dai mungdan kata na mabyin masa, sat lawat lam ni rai nga ai. Mung masa - politics ngu ai ga si a lachyum rudi hpe gawn yu ai shaloi, Greek ga politika ngu ai kaw na sa wa ai rai nna, de a lachyum gaw "affairs of the cities – mare hte seng ai lam ni” ngu ai lachyum rai nga ai. Ndai kaw “politic” kaw “s” bang jat nna “politics” ngu ai law law masa hku lang ai gaw, Aristotle wa a the Politics ngu ai laika buk hta ka da ai lam hpe mahta nna “affairs of the cities” ngu lang ai re lam chye lu ai. Politics hpe ‘s’ n lawm ai sha politic ngu ai atai masa hku bai yu sa nga jang, French ga politique ngu ai kaw nna Latin ga de politicus, dai hpe Greek ga hku politikos ngu bai lang mat wa ai lam chye lu ai. Dai politikos a lachyum gaw "of, for, or relating to citizens," "civil," "civic," "belonging to the state," dai kaw nna Greek polites "citizen" hte polis "city" ngu ai lachyum ni pru wa ai hpe mu lu ai. Ginchyum nna chye na lu ai gaw mung masa ngu ai gaw mung masha ni hte ading tawk matut nga ai myo, mare, mungdan a masa rai nga ai. Aristotle shaleng ai hta, politics ngu ai gaw “practical science” rai nga ai; hpa majaw nga yang mung masa gaw mung masha ni hpe ngwi pyaw shangun na lam hte seng nga ai, ngu shaleng ai hpe mu lu ai. Dictionary of Politics and Government laika hta “politics” hpe “theory and practice of governing a country - mungdan uphkang masa hte lai” ngu shaleng da ai hpe mu lu ai. Ndai gaw uphkang ai masa hte matut ai hku chye na lu nga ai.
Dai hta n-ga, dai ni na aten hta “politics” ngu ai ga hpe lam amyu myu hku, shara law law hta jai lang nga ma ai hpe mung mu ai. Ga shadawn, church politics, geo-politics, economic politics zawn re ai hku lang nga ma ai. Yesu Hkristu a aten hta e the politics of purity – sanseng masa hte the politics of compassion yan garang hkat ai lam, Yesu a ladat gaw the politics of compassion rai nna, dai aten na nawku htung salang ni a masa gaw the politics of purity rai malu ai nga Marcus J. Borge ngu ai Ga Shaka Ningnan sara kaba wa tsun da nga ai. The politics of purity ngu ai gaw Chyoi Pra Tara ngu na rai nga ai. Chyoi Pra Tara gaw karan ginhka ai - separation lachyum rai nga ai. Grau hkum tsup ai lachyum hku gaw, karan ginhka ai, jarit gaiwang kum ai, madang ginhka ai, san seng ai ni gaw n san n seng ai ngu masat kau ai ni hte kaga hkrai hkrai rai nga ai. Dai majaw, Chyoi Pra Tara – the politics of purity gaw Yesu Hkristu gawgap na Tsawra Tara – the politics of compassion hte nhtan shai nga ai, nga tsun ai.
Ndai lahta na lam ni gaw Englik ga si “politics” ngu ai a ga si lachyum rudi (etymology) gawn shayu hkrat wa ai shaloi, dai ni dai ga hpe kara hku jai lang sa wa nga ai, ngu ai hpe dep lu daram gawn yu ai lam rai nga ai. Lachyum yawng hpe ginchyum ga nga yang, Shinggyim masha nga ai kaw mung masa nga ai; amyu rusai nga ai kaw mung masa nga ai; lamu ga nga ai kaw mung masa nga ai. Lu na sha na myit ai kaw nna mung masa rai wa sai. shinggyim masha gaw nsa sha a sa nga a yang gaw mung masa kaw na n lawt nga ai. Makam masham mung masa mung laru hkaleng amyu myu hku du shang wa ai kata kaw, ndai lahta na lachyum ni hpe lata hta la nna, anhte a magam bungli hpe n-gun shadat sa wa gaw Hkristan makam nan rai nga mali ai law..
( bai matut na nngai)


Written By Ka ai ten
Seng ang ai ga baw , , , ,

06 August, 2018

1:18 PM

Shaning 60 Ning a Mahtai Hpe Shapraw Na aten Rai Sai Kun ? (Opinion) - By Jan Khone



Photo : https://goo.gl/cnCYnK

Daw. l

Galoi ma ngai ninghkap ai lam gaw aten mung na nna shawng lam masing hkrak rai ai n nga ai sha majan gap na lam...gap ga ngu tsun da ti Mung shawa kawn ta tut n hkan lawm wa ai hpe re. 
1)
Lai wa sai 2011 garai n du shi ai ten myen hpyen dap ni BGF shadut taw ai shaloi, myu kata nga WP malawng hte shaga yu ai.. Yawng gaw "Ndai lang bai gap wa yang gaw anhte yawng rawt sai" nga ai chyu rai nga ai. 

Kaja wa majan byin wa ai shaloi gaw KIO/KIA hpe madi shadaw ai ngu ai n'gup aga hta lai nna malawng gaw shanglawt dap de n gale wa ma ai. 

Majan gaw laja she laja wa rai tim tinang a kashu kasha ni hpyen lahkawn lawm mat yang pyi hkan tsun shaw la ai kanu kawa she law ai. 

Mi shawng e tsun ai gaw asak 50 ning ram rai sai ni pyi sinat sa hpai na nga nna shawu ai lam re. Tim dai ni langai pyi n gale wa ai. 

Bai NCA htu/n htu hte seng ai zuphpawng kaw Ramma ni mun kaba sa wa na re, NCA hkum htu nga ti tsun ai. KIO mung na kabu ai hte NCA hpe tawn kau da sai. Tim NS masing hpang ai shaloi gaw masha Hkying lam a matu hkyen da ai shara ni gaw kaya jahpa rai mat sai. 

Ndai lam ni hpe yu ai shaloi gaw Anhte WP ni hta tatut hpyen magam sa gun na matu n gwi ai ngu ai hpe mu mada ai. Ya du hkra nga taw ai Shanglawt hpyen la malawng gaw lahkawn la ai ni rai taw ai gaw sakse langai mi rai nga ai.

2)
Shanglawt hpyen dap ginjaw ginra hta ya yang Nang sinat 2 she hpai na i ? nga sai.
Lak nak kaba 105 mm, 107 mm, 120 mm ni ra ai ram sha gaw nga sai. Ndai gaw Dukaba CS wa hte ginjaw salang ni ma-ja wa n'gun dat ai majaw re. Ndai zawn laknat shalaw da ai lam gaw..ra wa yang WP sha ni yawng hpyen dap de yan bang wa na mara ai nga ti tak kaba da ai majaw mung re. Mi shawng e tinang hpai na sinat n law na tsang ti n sa wa ai ni a matu sinat gu sai. Ra taw ai gaw ntsa de gap ai baw sha rai sai. 
3)
Ap nawng ai ngu ai gaw aten na yang jin wa ai, n kam wa ai. Rawt malan chyinghkraw nau galu wa ai majaw Hpyen Hprawng mung grai law mat sai. Miwa mung de hprawng bang mat ai hpyen la nau law ai majaw Miwa hkran dap ba nga ti pyi tsun kajai taw nga masai.
Nkau gaw Kawa da kasha da Hpyen la tai ma ai. Shanhte a shawng lam gaw chyip mak re hku hkam sha nga ma ai. Sharang u sharang u nga nna, tinang a lahta tsang na Du salang ni hte sut hpaga, dum nta, kasha ni a hpaji masa ni grai shai wa ai shaloi gaw kaun wa ai masa rai nga ai. Ndai mabyin masa gaw Rawt malan chyinhkraw nau galu ai majaw re ngu mu mada ai. 
4)
Hpyen dap kata hta sha n ga Mungshawa kaw mung shada ngumu ngamai ai lam n rap ra wa ai. Nkau hpyen yen, n kau MHH hpyen la a nta masha, bum nga matsan masha ni hte gayin gaye loi ai Asuya wunhtan amat, CSO, Hpung Sara, Lauban zawn re ai ni ngamu ngamai lam hta n bung ai. Asuya kata kaw mung wunhtan nga yang she tsamai ai ngu nna Wunhtan amat ni tsun ai. Hpyen yen karum katum a matu,ana ahkya a matu CSO ni ahkyak ai ngu ti CSO ni tsun ai. 

Shingdu kaw na kyu hpyi garum na hte hpung masha ni hpe zinlum woi na matu hpung sara ni nga ra ai ngu nna Hpung Sara ni tsun ai. Ja Gumhpraw madi shadaw na matu
lauban launa ni nga ra ai ngu ti Hpaga la ni tsun ai. Yawng gaw jaw nga mali ai. Tim dai kaw sinat lang mai ai masha Sen hku rai mat sai.

5)
Ya myen mung hta R2P shang na zawn rai taw sai. Shaning 60 ning ram anhte grai shakut tim Mungkan mungdan ni anhte hpe nau ahkyak n la ya ma ai. Ya Gala ni maw dat ai kaw Mungkan mungdan ni a myi gaw myen mung de azi yu taw nga masai.
Anhte ra ai hpa ta ?
Dai hpe htai ra sai.
Anhte ra ai gaw mungkan mungdan ni a myi hta madi shadaw lawm na zawn mung rai ra ai.

6)
"Myen hte pawn/ n pawng"
Dai hpe shawng lachyum san ra ai.
* Ya ya galaw na gaw "myen asuya kata na lawt ai shadip jahpang lu ai mungdan" i ?
* Myen hte n pawng ngu ai hta myen mungshawa mung lawm ai i ? 

Dai lahkawng hpe shawng htai yu yang,.Shadip jahpang lu ai mungdan lu na matu
mungkan mungdan ni a madi shadaw ai lam ra ai. Mungdan kade wa anhte hpe madi shadaw hkra lu galaw na ngu ai gaw ahkyak dik re. Grau nna Miwa a madi shadaw ai lam gaw 80% ahkyak dik rai nga ai. 

Myen asuya a up hkang ai kawn laksan up hkang ai masa hpe gin shapraw na nga tim pyi Sam Hkyeng hte kaga bawsang ni hte myit hkrum hkra naw jahkrup ra na re.
Myen mungshawa hte nan nan rau n nga ga nga yang gaw ladat htum ai maga de re.
N'gun hte atik anang gawt yang anhte mahtang "Ethnic Cleansing" mara hpe lu na. 

(Daw. II de bai yu ga)
Ntsa na ginlam ni hpe ginchyum dat ga nga yang
1) Tatut hpyen magam gun na yak na re.
2) Laknak kaji law ai. Laknak kaba 140mm,155mm ni, Nbungli gap sinat ni ra ai.
3) Majan ten n mai galu ai
4) Yawng hkra Hpyen la galaw na mung n mai byin ai
5) R2P hta anhte a matu ahkaw ahkang nga ai.
6) Anhte a "Ya hkyak hkyak Pandung" hpe lam masan ra ai.
==================

Daw. ll
 
Anhte a pandung kaba yang arang kaba na.Padung kaji yang arang kaji na. 

1)
Myen masha ni hte nan nan kanawn n mai sai., nga yang gaw du daw sai hkaw hpe shabyin ra sai. Myen hte WP ni a lapran hta kaba dik ai conflict hpe shabyin ra sai.
Dai gaw mu mamu myen hpe adup na...myen n ta ni nat na.. (Gala a ladat)
Mungkan mungdan ni yu yang
"Aw ndai ni rau n mai nga sai ahka" ngu ai de du ra ai.
Arang bang ai hta WP hkying kaba/ mun a
du baw ni ra na re.Sam hkyeng hte kaga zinlum n loi taw ai bawsang ni a majaw mung anhte a Kachin State lamu ga sumla shai wa na hpe tau myit da ra ai. 
 
2)
Myen Asuya a uphkang ai kawn tinang up hkang ai de.
Myen shawa hpe gaw n gau ai. Tim tinang gam maka tinang ginshalat lu ai (Wa a madang) de nga yang gaw arang nau kaba na re.
Tim R2P shang nan shang hkra ginjang tam la ra sai.
Dai gaw majan kaba baw ai lam re.
Aten kadun hte gap na re majaw masha arang hkying 1 / 2 dang bang ra na re.
Shaloi Gala ni maw da ai R2P kaja nan shang sai. 

3)
Myen asuya hpe sharai naLoi grau loi na gaw myen mung Asuya kawn mungkan mungdan ni zawn rap ra ai UP Hkang Ladat hpe woi galaw wa hkra
shadut na lam re. Arang n kaba ai. Tim R2P Shang hkra gaw majan baw ra na re.
Ya nga taw ai Shanglawt n'gun hpe Ja Gumhpraw madi shadaw let mungshawa ni shanglawt ai masa hku. Mungshawa  ni a dum nta ni hkra machyi ra na. Shanglawg hpyen la tsa lam asak ap nawng ra na. Dai gaw arang rai na re.
-
Ginchyum dat yang
1) Sovereign mungdan lu na matu arang du baw mun lam (Kachin State nga dum nta malawng hten ra na), Vietnam a ladat hte yawng hpyen la galaw ra na.

2) Wa a madang lu na matu arang du baw hkying lam (Myu kaba langai dang hten ra na). Ramma yawng hpyen la galaw ra na. Kaba ai ni hpyen la malai Ja Gumhpraw arang bang ra na. 

3) Asuya galai shai wa na matu arang du baw tsa lam (dum nta n kau hten na). Hpye la n la ai ni yawng WP shagu Hpyen la malai Ja Gumhpraw Arang bang ra na. 

Ndai lam yan 3 hta na tinang ra ai madang langai mi gaw, ya ya nan galaw yang she awngdang na bungli rai mali ai.
Arang n bang na gaw hpa mung n mai lu nga ai.
WP a hkrun lam Karai Bausin ya nga u ga. 

 By Jan Khone

Written By Ka ai ten
Seng ang ai ga baw , ,

11 December, 2017

8:44 PM

Christmas Meal for IDPs (Internally Displaced Persons) စစ္ေဘးေရွာင္ ျပည္သူမ်ားအတြက္ ခရစၥမတ္ ထမင္းတစ္နပ္


ရည္ရြယ္ခ်က္။ ။ စစ္ေဘးေရွာင္ျပည္သူမ်ားအား ေယရႈခရစ္ေမြးဖြားလာျခင္း အထိမ္းအမွတ္ ေမတၱာ လက္ေဆာင္ (ဝမ္းေျမာက္ျခင္း၊ ေပ်ာ္ရႊင္ျခင္း၊ ခ်စ္ျခင္း) ေဝမွ်ႏုိင္ရန္။

ေနာက္ခံအေၾကာင္းအရာ။ ။ ယခုႏွစ္ ဒီဇင္ဘာလသည္ ကခ်င္ျပည္နယ္ႏွင့္ ရွမ္းျပည္နယ္မ်ားတြင္ ျပည္တြင္းစစ္ ျပန္လည္စတင္ ျဖစ္ပြားခဲ့သည္မွာ ေျခာက္ႏွစ္ခြဲ ကာလသို႕ေရာက္ရွိၿပီ ျဖစ္ပါသည္။ 

ျမန္မာ့တပ္မေတာ္ႏွင့္ ကခ်င္လြတ္ေျမာက္ေရး တပ္မေတာ္ (ေကအိုင္ေအ )၊ တအာန္းအမ်ိဳးသား လြတ္ေျမာက္ေရး တပ္မေတာ္ အစရွိေသာ တိုင္းရင္းသားလက္နက္ကိုင္အဖဲြ႕မ်ားအၾကား ပဋိပကၡမ်ားေၾကာင့္ ေဒသခံ ျပည္သူ မ်ား ၁၂၀,၀၀၀ ေက်ာ္ခန္႕သည္ ကခ်င္ျပည္နယ္ႏွင့္ ရွမ္းျပည္နယ္ရွိ စစ္ေဘးေရွာင္စခန္း စုစုေပါင္း (၁၆၇) ခု သို႕ ေရႊ႕ေျပာင္း ေနထိုင္ၾကရပါသည္။ ယခုႏွစ္ ေနာက္ပိုင္းတြင္ ၂၁ ရာစု ပင္လံု ၿငိမ္းခ်မ္းေရးညီလာခံ အပါအဝင္ မ်ားစြာေသာ ၿငိမ္းခ်မ္းေရးစကားဝိုင္းမ်ားကို က်င္းပခဲ့ေသာ္လည္း ထုိၿငိမ္းခ်မ္းေရးေဆြးေႏြးမႈမ်ားက စစ္ေဘးေရွာင္ျပည္သူမ်ား ေနရပ္သို႕ျပန္ရန္ လုံုၿခံဳမႈ မေပးႏိုင္ရံုသာမက စစ္ေဘးေရွာင္စခန္းမ်ားတြင္ လူေနမႈအေျခအေန တိုးတက္ရန္ပင္ ျဖည့္ဆည္းေပးႏိုင္ျခင္းမရွိပါ။ ထိုေနရာ ေဒသမ်ားတြင္ ထိုးစစ္ဆင္ျခင္း၊ တပ္မ်ား တုိးျမင့္ခ်ထားျခင္းေၾကာင့္ အခ်ဳိ႕ေသာ စစ္ေဘးေရွာင္စခန္းမ်ားကို အျခားေနရာေဒသမ်ားသို႕ ထပ္မံေရႊ႕ေျပာင္းခံခဲ့ရပါသည္ ။ လူသားခ်င္းစာနာေထာက္ထားမႈ အေထာက္အ ပံ့မ်ား ေလ်ာ့နည္းလာျခင္းေၾကာင့္ စစ္ေဘးေရွာင္ ျပည္သူမ်ား၏ လူေနမႈ ဂုဏ္သိကၡာႏွင့္ ၎တို႕၏ အေျခခံလိုအပ္ခ်က္မ်ားျဖစ္ေသာ အမိုးအကာလုံၿခဳံမႈႏွင္ ့ အစားေသာက္ ဖူလံုမႈမ်ား နည္းပါလာပါသည္။

ကခ်င္ျပည္နယ္ႏွင့္ ရွမ္းျပည္နယ္မ်ားတြင္ ေနထိုင္သူအမ်ားစုမွာ ခရစ္ယာန္မ်ားျဖစ္ၾကသျဖင့္ ခရစ္စၥမတ္ အခ်ိန္အခါသည္ ၎တို႕အတြက္ အလြန္အေရးပါေသာ ပြဲေတာ္တစ္ခုပင္ျဖစ္ပါသည္။ ထိုအခ်ိန္ကာလသည္ ခရစ္ေတာ္ေမြးဖြားလာျခင္းကို မိသားစုမ်ားႏွင့္ အသင္းအဖြဲ႕မ်ား စုေပါင္းက်င္းပသည့္ အခ်ိန္ကာလျဖစ္ပါသည္။ ဤအခ်ိန္ကာလတြင္ မိသားစုမ်ားႏွင့္ ေဆြမ်ိဳးမ်ား အတူအကြခ်က္ျပဳတ္ျခင္းႏွင့္ မိမိတို႕လယ္ယာမ်ားမွ ရိတ္သိမ္း ရရွိထားသည္မ်ားကို ေဝမွ်ၾကသည့္ အခ်ိန္ကာလလည္းျဖစ္ပါသည္။ ဝမ္းနည္းစရာေကာင္းစြာပင္ ထို စစ္ေဘး ေရွာင္မ်ားက ဤကဲ့သို႕အဖိုးတန္ အခ်ိန္အခါသမယအား မက်င္းပရသည္မွာ ႏွစ္ေပါင္းမ်ားစြာ ၾကာၿပီျဖစ္ပါ သည္။ ၎တို႕ ေနအိမ္မ်ား ဖ်က္ဆီးခံရျခင္း၊ မိမိတို႕ခ်စ္ခင္ရသူမ်ား အသတ္ခံခဲ့ရျခင္း၊ မွဒိန္းမႈမ်ား၊ ႏွိပ္စက္ညွင္းပမ္းခံရျခင္းႏွင့္ အျခားအမ်ိဳးမ်ိဳးေသာ ကံမေကာင္း၊ အေၾကာင္းမလွျခင္းမ်ား ျဖစ္ခဲ့ရသည့္တြက္ ခရစ္စၥမတ္မွာ ဝမ္းနည္းပူေဆြးစရာျဖစ္လာပါသည္။

ထို႕ေၾကာင့္ မိတ္ေဆြမ်ားအား ဤကဲ့သို႕ေသာေန႕ထူးေန႕ျမတ္တြင္ သင္တို႕၏ ခရစ္စၥမတ္ လက္ေဆာင္မ်ားကို မွ်ေဝရန္ ဖိတ္ေခၚလိုပါသည္။ ကၽြႏု္ပ္တို႕၏ ထည့္ဝင္ျခင္းမ်ားမွ တဆင့္ ၎တုိ႕၏ ပူေဆြးဝမ္းနည္းမႈမ်ားကိုု သတိတရ မွ်ေဝခံစားၾကပါစို႕။ ကၽြႏု္ပ္တို႕၏ အနည္းငယ္ေသာ ထည့္ဝင္ျခင္းမ်ားျဖင့္ ဤကဲ့သို႕ေသာ ေန႕ထူးေန႕ျမတ္တြင္ ၎တို႕ကို ကၽြႏု္ပ္တို႔သတိတရရွိေၾကာင္း အမွတ္ရေစမည္ျဖစ္ပါသည္။ ကၽြႏု္ပ္တို႕၏ စည္းလံုးညီညြတ္မႈကို ထုတ္ေဖာ္ျပသရန္ ဖိတ္ေခၚလိုပါသည္။

သင္ဘာလုပ္ႏိုင္ပါသလဲ?
တစ္ဦး အတြက္ တစ္နပ္စာ ျမန္မာက်ပ္ ၁၀၀၀ သုိ႔မဟုတ္ အေမရိကန္ေဒၚလာ ၁ ေဒၚလာ လွဴဒါန္းႏိုင္ပါသည္။
မည္ကဲ့သို႕လွဴဒါန္းႏိုင္မည္နည္း?
၁။ အလွဴေငြလက္ခံျဖတ္ပိုင္းေပၚတြင္ လက္မွတ္ထိုးျခင္းအားျဖင့္ေသာ္လည္းေကာင္း၊
၂။ ေဖာ္ျပထားေသာ ဘဏ္စရင္းသို႔အလွဴေငြလႊဲေပးျခင္းအားျဖင့္ေသာ္လည္းေကာင္း၊
၃။ ကခ်င္ ၿငိမ္းခ်မ္းေရးကြန္ယက္သို႔ဆက္သြယ္ျခင္းအားျဖင့္ေသာ္လည္းေကာင္း၊
ဆက္သြယ္ရန္။ Concern, Care and Contribute to IDPs NOW
လိပ္စာ။ အမွတ္ ၂၂၊ ၃လႊာ၊ ၾကံခင္းလမ္း၊ ရန္ကုန္၊ ျမန္မာ။
အီးေမးလ္။ cccforidps@gmail.com
Phone:+95 94211 16 714, 09 2562 40 990, 09 2500 82 779, 09 9723 43 050
Bank:AYA Bank
Number: 0144202010010523
Holder’s name: Daw Zin Zin Kyaw + 1


Written By Ka ai ten
Seng ang ai ga baw , , , ,