Kachin Channel Blog hpe 2013, March shata praw 1 ya shani kaw nna Jinghpaw Mungdaw, Myitkyina, Shatapru Mare kaw nga ai '611 Internet & Game Center " hta bungli galaw let jawng lung nga ai Shadang Thomas Chyahkyi Mung Hpan kaw nna gin shalat hpaw hpang da ai rai nga ai.
N-nan hpaw hpang wa ai shaloi 'Kachin Music Lover' ngu ai mying hte hpaw nna Jinghpaw Mahkawn ni hpe madung dat mara ya ai. Bai nna, Jinghpaw Mung hte seng ai shiga ni, Jinghpaw ni a lam labau,makam masham , galaw lu galaw sha lam,Rawt Malan wa ai lam laika ka Sara ni ka da ai hpe n- dai blog kaw garan kachyan ya ai hta sha n-ga, Computer , IT , Mobile Phone hte seng ai machye machyang ni hpe mung garan gachyan ya lai wa sai rai nga ai.(Dai laika ni hpe ya n dai blog kaw tam yu mai nga ai.) Dai hpang 2014 ning hta, Kachin National Channel ngu mying bai galai nna, Facebook laika man ni hpe mung hpaw rai matut ka ai. 2015 ning kaw nna "Kachin Channel' ngu kalang bai mying galai let Kachin Channel Facebook Page, Kachin Channel Youtube Account ni hpaw nna Yungwi Mahkawn ni hte kaga lawng lam amyu myu hpe ya du hkra dang di lu ai daram blog kaw gam garan ya nga ai rai nga ai.
N-dai blog kaw mara da ai laika ngau ni hte sumroi ni law malawng gaw Kachin Channel kaw nna ka da ai lam ni n re ai sha, Internet gan hkau ntsa hta mu hti ai ni hpe bai gam garan ya ai lam sha rai nga ai.Dai zawn copy galaw la nna n dai blog kaw bai mara ai shaloi laika ka ai Sara ni a mying hte laika ku la ai source (မူရင္း) link ni hpe shalawm da ya ai.Yungwi mahkawn hte File ni hpe manu jahpu n jaw ai sha majoi lu mai ai file garan kachyan Website (Free File Sharing site) ni hkan mara da ai re majaw aten ladaw na wa jang download link ni hten mat (majoi mara da shangun ai aten htum mat) nna download n mai galaw ai mang hkang nga nga ai.Raitim mp3 mahkawn n kau ni hpe chyawm gaw aten na na lu mai ai MP3 Sharing site hkan mara da ai re majaw kade na tim naw mai madat ai.MTV, Karaoke ni hpe chyawm gaw Youtube kaw mara da ai re majaw galoi n mat nga ai.Kachin Channel blog gaw maigan Mungdan de du nga ai Jinhpaw Wunpawng Myu sha ni hpe akyu jaw ya ai Blog langai mung rai nga ai hta sha n-ga, tinang Myanmar Mungdan kata na Myu sha ni a matu mung nhkum zup shi tim ra ai aten hta Internet n tsa kaw nna Jinghpaw Mahkawn hte kaga lali laika hpaji lam ni hpe lu la, hka ja la mai ai shara langai mi rai nga ai.
Ya dai ni, Mungkan hta Internet hpaji gaw lani hte lani madang tsaw wa nga sai hte maren Kachin Channel mung du dep na aten hta grau grau galu kaba maden jat wa lu na matu shakut sa wa na re ai majaw, n-gun jaw, hpaji jaw madi shadaw la marit. Awngdang ai Blog,Website langai byin tai lu na matu ahkyak dik rai nga ai laika (contents) ka na, Shiga mara na masha (Contents Creators) ni hpe mung saw lajin dat nngai. Bai nna, BLog, Website ka ai hta myit lawm ai manaw manang ni nga ai rai yang rau jawm galaw sa wa lu na matu , matut mahkai wa marit ngu saw lajin shana dat nngai law.
9 August, 2018
MATUT MAHKAI HKRINGDAT
MD-33.Shatapru Qtr.Myitkyina ,Kachinland,Myanmar.
kachinchannel2018@gmail.com, loveaffair.mph@gmail.com
Wechat id - munghpan11
+95-09764004555, 09440004556
N dai n-pu na form hta ra ai ni hpe ka jahpring nna matut mahkai ,hpaji jaw laika ni mung mai ka ai.
.jpg)
