KIA Masat (12) Dap Dung ginra hta Myen hpyen dap Hk.L.Y (56,86,142), Hk.M.Y (321) dap na pawng hpawm hpyen hpung ni hte KIA Masat (1,2) pawng hpawm hpyen ni May (18) shana maga hkying (3:00)pm hte hkying (7:30)pm aten laman Nam Lim Pa jawng grup yin hta gasat poi byin ai lam na chyelu ai.
Bai nna, KIA Masat (1) Dap Dung ginra, Man Je hte Han Hten lapran Yi Hku Man Hkam grup yin hkan ginra makawp hkam tawn ai hkam bawm (1) ngoi wa ai majaw Man Je (စခန္းကုန္း) kaw nga ai Myen hpyen dap Hk.M.Y (601) dap ni (81)mm laknak hte, May (17) ya jahpawt hkying (1:00) aten daram hta KIA hpyen hpung ni shara jahkrat nga ai Pa Daw post maga de (2) lang, Lung Ja Hkyet post maga de (2) gap bun ai lam hpyen shi sawk ni shiga jaw la ai kaw na chye lu ai.
.jpg)
