သတင်းအစုံဖတ်နိုင်ရန် Wunzup News Blog သို့သွားပါ👇👇

Ad 300x250

Breaking

24 February, 2017

11:24 PM

Laiza Muklum Labau


Sumla:internet


Wunpawng Mung dan Shanglawt Asuya Kaw nna yu reng uphkang nga ai Laiza Muk Lum Mare Kaba ndai gaw lani hte lani, Laning hte laning yu nga ninglen grau grau rawt jat galu kaba dam lada tsawm htap wa nga ding yang re ai mare langai mi rai nga ai. Hpa majaw nga yang Wunpawng Mungdan a mare daju rai nga ai Myikyina Mare Kaba hte Manmaw Mare kaba lahkawng a ka-ang rai nna Miwa Gumsan Mungdan Yin Jang Mare kaba kaw nna Wunpawng Mung-dan de mawdaw lam htu Jahkrang madi tawn da ai jarit mare langai mi rai nga ai majaw, hpawt hpra kashu kasha ni a prat hta grau nna, rawt jat maden zinghka wa mai ai mare kaba langai mi rai nga ai.

Dai majaw, ndai mare rawt jat galu kaba wa ai labau hpe chye ai myit su salang ni law law nga ai zawn, ndai mare rawt jat galu gaba wa ai labau hpe n chye ai kashu kasha ni law law nga nga ai ni chye da lu na matu mare rawt jat galu kaba wa ai labau kadun hte Buga Gaw Sharawtlam labau kadun hpe lawu de na hte maren kadun mi shachyen ya dat nngai.

Laiza ngu ai shingteng amying hpe dep hkap ai made san sagawn wa yu ai shaloi mi moi ndai Laiza krung gaw Maling mala, Maling teng hkreng masha nau n shang ai jigrawng, mayan, Wawt sawng ai Ji Nat matse ai lamu ga n sa ja ai shara, Laiza Hka mung danam yak ai hka, Hka hpunla ja ai shara hkrai re.

Miwa Mung na hpaga la ni,tinang Wunpawng Mungdan kata de hpaga ga hkawm ai ni, Jinghku Jingyu jahkrum hkawm ai ni, lai sa lai wa rai yang, Hka rap ai shaloi Hka hpungla ja nna yawng si ai law law nga ai, hka n yawng si tim lamu ga nsa ja, Ji nat matse ai majaw lai wa, lai sa ni dum n’ta du wa nna, machyi si ai law law byin ai, lai wa lai sa ni za ma ai re majaw, Laiza Krung, Laiza Hka ngu nna tsun shamying wa ai re lam mi moi na n dai ginra na nga sai N’men Du kasha, Salang N’men La Raw kaw n’na tsun hkai dan ai hpe na lu ai.

Laiza ngu ai amying shingteng hpe mi moi kaw nna nga usa rai nga ai labau chye ai ni gaw n ra sharawng ma nna Laiza ngu ai mying hpe dawm kau nna ndai ginra mare n nan de hpang wa ai ten hta Hpungtau Hpaudut Yaw kaw nna, Alen Yang Mare ngu Karai Kasang kaw kyu hpyi nna mying galai shamying kau yu sai re.

Raitim daini du hkra, Alen Yang n ngu ai Laiza ngu nna gum-hkawng shamying wa ai lam gaw, 1994 ning, K.I.O hte N.W.T Hpyen Asuya gap hkat sazim ai hpang Maigan Mungdan ni de na bu hkawm masha ni langai hpang langai ndai shara de sa du gawan nna ndai Laiza hkan san sagawn nna shi laika hkan n dau, Radio hkan K.I.O a Ginjaw shara re lam ndau shabra re ai kaw nna, Alen Yang ngu ai mying shi chyu shi bai prai mat nna, Laiza Mare ngu ai shingteng amying Maigan Mungdan law law ni de gumhkawng mying pru wa nna grau grau rawt jat ai Laiza Muk Lum ngu shamying wa ai re lam shachyen ya dat n ngai rai.

Laiza Mare de hpang wa ai hta shawng nnan 1950 ning, grupyin hta ya na Ninggawn Daju Gawgap da ai Nmyen Bum kaw Lahpai Du ni rai nga ai Nmyen Du ni hte htinggaw 5,6 shawng ningnan jawm de nga pra nga yang 1958 ning, Miwa Konmyunit tara n hkam lu nna ya Miwa Mung rai nga ai Ga Du grup yin hte Sama Pungling, Wa Jau mayan na Wunpawng ni htinggaw loi li bai sa jat nga nang nna ya na Laiza Lawk (1), Hka Chyang Lawk hta Mare shawng ningnan de hpang wa ai majaw dai ni du hkra Laiza Mare Lawk (1)ngu masat masa shamying da ai re.

Laiza Mare hta 1962 ning, April shata kaw nna Wunpawng Mungdan Shanglawt Hpyen Hpung du shang wa nna 1963 ning. May shata kaw nna Mungchying Upnkang Dap hpe hpaw shabawn let, Munglai hka hte Namsan hka lapran hpe Na Lung Ninghtawn ngu, ya Laiza Mare kaw nga ai Hpungtau Maran Naw Ninghtawn Uphkang Du No.(1) galaw hpang nna Daw Hpum Yang Ginwang Daw Raw nna yu reng uphkang lai wa sai re. Dai ten Daw Hpum Yang Ginwang Daw Du ,makan lit hpe U Htang Yang Mare kaw nga lai wa sai Salang Udi Shawng gun hpai ai, Hpyen Dap hpe gaw Du Kaba Maran Brang Tawng (4) Column Commander lit la rai woi shakut hpang wa ai re lam sagawn chye lu ai.

Laiza Mare gaw, Rawt Malan magam gun dinghku ni lani hte lani law jat wa sai. 1970 ning, daram kaw nna ya na Masat (1) Mung Shawa Tsi Rung mayan hta Dap Dung (3) Hpyen Dap shara jahkrat wa ai kaw nna Numdaw (1) htinggaw law jat wa ai lam nga ai. 1982 ning, September shata, Na Lung gasat poi kaba byin ai hpang, tai hpyen wa hpe ding hkrai tawn masing ngu ai masing nga ai majaw mawdaw lam mayan, Na Lung, Dinghkung, Hka Ya, Madi Yang, Maru Kahtawng hkan na mung shawa ni htawt sit bang wa nna, No. (2) lang ngu na htinggaw grau law jat wa sai.

1987 ning, tinang GinJaw Ginra tai hpyen wa htu bang wa nna Namsan Yang maga mawdaw lam mayan na hpyen yen mung shawa ni majoi du kaput shang bang wa ai kaw nna hpyen yen dabang kaba hku nna, mung shawa htinggaw grau grau law jat wa ai hta grau nna mare kaba byin wa sai majaw, 1993 ning kaw nna Laiza Mare kaw ngang kang ai Asuya Lahta Tsang Jawng nta hpe Mungdan Asuya Ginjaw Hpaji Dap Lit la nna gaw gap da lu sai.

1994 ning, tinang K.I.O Asuya hte hpyen Asuya gap hkat sazim nna Buga Gaw Sharawt masing tatut hkrang shapraw wa ai hta Laja Yang hte Laiza mawdaw lam hpe htu jahkrang la lu saga ai. Buga Gaw Sharawt masing lani hte lani dam lada wa sai, Laiza Mare hpe mung K.I.O Ginjaw a Buga Gaw Sharawt mare kaba langai mi hku gaw gap sa wa nga sai majaw Sadung Ginwang kaw nna yu reng Uphkang nga ai hta na Laiza Mare hpe Laksan Ginjaw kaw nna dan tawk yu reng uphkang ai mare Uphkang Rung hpe Ninghtoi;-1-6-1995 ya shani hpaw shabawn nna Laiza Mare hpe Laksan Ginjaw yu reng uphkang ai kata Buga Gaw Sharawt lam hpe madung lit la woi awn sa wa nga sai re.

Laiza mare hta tinang Mungdan Asuya kaw nna Buga Gaw Sharawt matsing kata galaw gaw gap da lu ai bungli ni.

(1) 1995 ning, May shata hta HPAGA HKA AWNG LAT NINGSHAWNG Hka ninggun mi-hprap Wan Jak hpe galaw gaw gap la lu sai.

(2) 1999 ning, December shata (12) ya shani Salang Manam ni a lai wa lai sa hkring sa manam shara, SIg. Manam Jarawp nta hpe gaw gap la ngut ai hte dingshawn poi hpe kabu gara galaw la lu saga ai.

(3) 2002 ning, October shata (15) ya shani Laiza Mare shawa yawng a zuphpawng shara, Zuphpawng Gawk-nu Kaba hpe Laiza Myu Lawt Wunli Htingnu ngu shingteng amying shamying gaw gap la lu sai.

(3) 2004 ning, February shata (24) ya shani laizaMukLum kata Pru/ Shang ai bu hkawm sha ni Laiza Muk Lum kata Pru/Shang ai bu hkawm masha ni hte hpaga masha ni Jinghku jingyu jahkrum hkawm ai mung-chying shawa yawng hkring sa manam na shara Laiza Hotel kaba hpe mung gaw gapda lu sai.

(4) 2004 ning, March shata hta Laiza Muk Lum Mare, Mare ka-ang lam kaba hpe ngang kang tsawm htap ai Gatara nep ai lam mung galaw da lu saga ai.

HPAWNG SHINGRA KABA GALAW AI LAM

(1) 1994 ning, February shata praw (5) ya hte (6) ya hta Laiza Lawk (5), ya galaw nga ai Manau Pa a lam lawu maga Wunpawng Amyu sha ni dip da hkrum ai kaw na rawt malan sa wa ai (33) ning hpring (34) lang na rawt malan masat dingsat Rawt Malan Manau Poi Kaba hpe Ginjaw Ginra Pati Komiti lit la nna, woi galaw lai wa sai.

(2) 2000 ning, February shata praw (5) ya hte (6) ya shani Laiza Lawk (5), ya Manau Shadung jun da ai shara hta Ginjaw Ginra Pati Komiti lit la woi nna (39) ning hpring (40) lang na rawt malan masat dingsat manau poi kaba hpe kabu gara hte galaw awng dang la lai wa sai.

(3) 2002 ning, February shata (5) ya kaw nna (25) ya du hkra Wunpawng Mungdan Sinpraw, Sinna, Dingdung. Dingda, Ginwang Ginjaw (4) hte Ginjaw Ginra Wunpawng Mungdan Shanglawt Hpyen Dap, Dap Ba 1,2,3,4 Dap Nawng Daju shang lawm ai Ginjaw Komiti Tingnyang Up a Ningjap Ninggang gashun gawdin ginsup poi kaba hpe mung ngwi pyaw awng dang ai hte galaw la lai wa sai.

(4) 2002 ning, October shata (21) ya kaw nna (25) ya lapran Laiza Mare Myu Lawt Wunli Htingnu hta Wunpawng Amyu sha Mungbawng Zuphpawng hpe No.(1) lang ngu na myit hkrum kahkyin gumdin ai hte kabu gara galaw awng dang la nna, Wunpawng Amyu Sha Mungbawng Rapdaw hpe mung hpaw shabawn la lu saga ai.

Ndai lahta de galaw awng dang la lu ai Buga Gaw Sharawt ni yawng hte Wunpawng Amyu Sha ni a myit hkrum gahkyin gumdin lam a ningpawt rai nga ai.

Manau poi kaba, ginsup poi kaba ni yawng gaw K.I.O Ginjaw Komiti a myit mang masing jahkrat ai kata hpyen asuya hte gasat gala shazim ai hpang na pu pu si si ai mahtai malu ni re lam hpe Nu, Wa Mungchying shawa yawng de ka shaleng dat nngai law.


Maling Hkra U (Laiza Muklum)
Written By Ka ai ten
Seng ang ai ga baw ,

18 February, 2017

11:21 PM

Kachin Amyu Sha Mungshawa Zuphpawng kaba hpe galaw la ngut

sumla:facebook


Myitkyina Muklum Shatapru Manau Wang Majoi Gawknu hta WMR kaw nna woi awn galaw ai, Kachin Amyu Sha Mung Shawa zuphpawng kaba hpe February 18 ya shana daw hkying 4:30pm aten e bawngban hpawng kaba hpe galaw shangut la lu sai lam na chye lu ai.

Dai zuphpawng kaba hta WMR kawn tang shawn ai sumtang ni hpe bawngban ai lam, Kachin Amyu Sha ni a lamu ga, htingbut htingra hte seng ai magam bungli ni hpe matut galaw sa wa na salang lata san ai lam, Nomination Komiti kawn du wa na tsaban 21 panglong zuphpawng de sa na masha lata san ai lam, Kachin Foundation hte seng nna tatut hkrang shapraw sa wa lu na matu bawngban ai re lam na chye lu ai.


Ndai zuphpawng hpe February 16 hte 17 lahkawng ya galaw na matu hkyen shajin tawn ai kaw February 16 ya jahpawt Myen Asuya Balik ni kawn n-gun kaba hte zuphpawng shara hpe sa hkumpat kau ya ai majaw, masat tawn ai aten hta nlu galaw mat ai, dai ni February 18 ya hta she zuphpawng hpe lu shangut ai re lam, zuphpawng hta du sa ai masha yawng marai ( 840 ) re lam zuphpawng kaw lawm ai salang langai tsun ai kaw na chye lu ai.

#eedy


Written By Ka ai ten
Seng ang ai ga baw , , ,

11 February, 2017

11:09 PM

English -Kachin online Dictionary website matsun

Sumla 1
Computer,Mobile Phone,Tablet ni kaw na internet lang ai tsawra ai manaw manang ni hpe English laika kaw nna Jinghpaw laika de bai byan ya ai Web base English-Kachin dictionary langai hpe matsun dat lu nngai.


Sumla 2
N dai dictionary hta jinghpaw hku n lu byan da shi ai ga si ni law law nga ai.La ma na tinang jinghpaw hku lachyum a tsawm chye ai English word ni hpe mung tinang nan dai website kaw lachyum hpe  jinghpaw hku pawng ka bang da mai ai hpe mu lu ai.
Sumla 3

 N dai sumla 3 kaw mu lu ai hte maren,+add translation ngu ai shara kaw dip nna  facebook account,gmail account shing nrai Sign up kaw dip nna account langai galaw la ai nna English word ni a lachyum hpe yawng a matu jinghpaw hku byan ka bang da mai ai.

  • Sumla 4
Anhte Jinghpaw Laili laika hpe anhte amyu sha ni nan mung ta tut kup kup tsup tsup kung kyang na matu jawm shakut sa wa ra ai re.Jinghpaw raitim Jinghpaw laika n chye ka ai,n chye hti ai ni law law naw nga ai.

Bai nna ya prat gaw internet prat re sai majaw ya na zawn online base dictionary ni mung grai ahkyak nga sai re.Yawng mung Dictionary laika buk hpe shaw gayen nga na malai Digital/Electronic /Internet kaw na tam la na grau loi nga ai.

Dai hta anhte Jinghpaw laika hku hpaw da ai website/dictionary ni mung nau nnga shi ai.N pu kaw ngai chye ai Kachin Dictionary website ni hpe matsun dat lu nngai.

https://www.kachindictionary.net/ (English/Kachin/Myanmar)

http://kachindictionary.com/ (Kachin/English/Myanmar

English -Myanmar website ni gaw grai law hkra nga ai.N dai  http://www.myordbok.com/dictionary/english hta gaw grai hkum zup ai hpe mu lu ai.

Written By Ka ai ten
Seng ang ai ga baw , ,
7:30 PM

Oneline,Social media ni hpe gara hku jai lang nga a ta ? (Myit yu ga)



Ya dai ni Anhte yawng Online hpe mai kaja ai hku akyu jasawn sa wa lu na matu Online hpe shalat shapraw dat ai re.Ya bai byin wa ai masa gaw Online a majaw tinang a sak,Manu dan ai Ramma prat hpe dasang jahten la taw ai Ramma ni grai law  wa sai.Tinang hkum nan mung shim lam nnga wa sai hpe mu mada mat wa sai.Kaja wa tsun ga nga yang ndai zawn nbyin ging ai re.

Ya Wechat,Facebook hkan mada dat yu ga, tinang ya gara hku sha taw ai, gara kaw nga taw ai, yup taw ai, galaw hkawm sa taw ai lam ni hpe kadai nsan ra ai.Tinang hkrai tinang tsun dan taw nga ai re.Line ntsa na masha shagu hpe bai kam mana si,raitim kam ging ai wa hpe gaw kam u.Kaning re ai masha hpe gaw nmai kam na re hpe tinang hkrai sawn sumru ding lik yu la mai ai.Myit yu sawn yu na matu Karai Kasang gaw Wenyi Bawnu machye machyang hpaji jaw da sai re.Dai hpe chye jai lang ra ai.

Ja Ja tsun shadum mayu ai hku re.Tsaw ra hkungga ai Wunpawng shayi law malawng hpe tsun shadum mayu ai.Kanau/Kana/Kajan ni hpe re.Nanhte Num sha ni a matu shim lam tsep kawp nnga mat wa sai.Shim lam nnga na matu mung nanhte nan galaw la masai.Jam jau wa ai shaloi Asuya hpe mung mara hkum shangun Kanu/Wa hpe mung mara hkum jaw.Tinang hkum hpe sha mara mai jaw ai.Ya dai ni hten za taw ai num sha ni law malawng gaw Online a majaw re.

Anhte ni Online hpe akyu rawng ai hku sha jai lang yang nkaja na kun?Online ntsa na masha hpe myi chyaw sha nmu ga yang sumtsaw mahtai mung hkum jaw mu.Tinang gaw jaw kau ai kaja wa ta tut mu hkat wa ai shaloi myi sai bai nhtuk wa jang manghkang kaba wa ai.Maigan la ni hpe grau hkrit tsang ra na re.La ni na myit gaw (2)sha nga ai dai hpe dum mu.

Hkungga let,

Ăĥ Bà Tàñĝbãŭ
Written By Ka ai ten
Seng ang ai ga baw
7:01 PM

Myu Sha yan lam a matu Hpaji Ningmu


1.Wunpawng Mungdan Shalawt Asuya a woi awn galaw sa wa ai ni yawng grai hkrak sai.Langai mi ningmu jaw mayu ai lam hta,Anhte K.I.A shara hkan Myen dap,Yahkaing dap ,Gala dap nga nna nga ai hpe na lu ai,Kalang lang myit dat ai shaloi,myit tsang wa ai 1 mi nga ai.Dai gaw,anhte Wunpawng nkau mi pi myen hte kahpyawn nna myen spy galaw ai ,n kam mai ai aten ni hta tinang na dap shara hkan myen dap nga nna nga ai gaw myit yu hpa langai nan rai nga ai.

Nkau mi chyawm me myen Asuya hpe ninghkap ai (snr)tara masa hpe ninghkap mayu ai majaw anhte hte kapyawn nna galaw ai rai na re,Raitim mung dai zawn re ai a marang e anhte hpyen dap ni hkan myen asuya wa a tara masa hpe kaja wa ninghkap ai masha nga ai zawn ,anhte a hpyen dap ni hpe sagawn na ,myen ni a spy tai na nga nna sa wa ai ni grau law jawt wa na hpe tsang ra nga ai .

Dai majaw bungli langai masing jahkrat na nga jang sung sung myit ra ai re.Dai zawn myen dap nga nna anhte hpyen dap ni hta nga wa ai a marang e ,myen spy shang wa na mung loi dik nga ai,Grai yak ai shara hkan pi myen spy law wa ai nga yang,dai zawn re ai hpyen dap ni hta grau law ,grau shang loi wa na re ai gaw ,ga lahtum n shut rai nga ai.

Ningbaw Ningla kaba kaja ni grau hkrak ai majaw galaw ai gaw rai na re.Raitm kalang bai myit dum lu na matu nye a hpaji ningmu san san hpe sha tang madun dat ai.

Yawng hpe grai hkungga arawng la ai,


Wunpawng Ramma .
Written By Ka ai ten
Seng ang ai ga baw ,

07 February, 2017

Written By Ka ai ten
Seng ang ai ga baw , , ,

06 February, 2017

Written By Ka ai ten
Seng ang ai ga baw , , ,
12:08 PM

Mobile Phone,Tablet ni kaw na mai hpaw lang ai Nawku Mahkawn Mangwi Buk (Jinghpaw Hkalup Hpung)

       Android phone,Tablet hte iPhone,iPad ni kaw mai hpaw yu ai  Nawku Shakawn Mahkawn Mangwi Buk (Jinghpaw Hkalup Hpung )software   hpe ra taw ai nga nna hpyi shawn da ai ni a matu PDF file hpe garan jaw dat nngai.N dai PDF file hte galaw da ai mahkawn buk hpe Mobile Handset,Tablet ni hte grai lawan ai hku mai hpaw yu ai.Naw ku jawng de mahkawn buk n kam lang sa ai ni a matu mung tinang lang ai handset or tablet kaw n dai hpe bang da jang n tsang ra sai.

        Android phone lang ai ni gaw Android Ebook reader langai ngai (ex.Adobe reader for android,Office suite) hpe bang da nna PDF file hpe SD card (shing nrai) Phone storate ,tam n yak na matu tinang matsing loi na folder kaw bang da nna mai hpaw hti ai.iOS lang ai ni mung shi hte seng ai reader hpe bang da nna Ebook kaw n dai PDF hpe bang da jang mai hpaw hti sai hku re.

       N dai PDF hpe aten la galaw da ai mying n chye ai wa hpe mung grai chye ju dum ai lam tsun mayu nngai.Yawng hpe grai chye ju kaba sai.
        
Download jahkrat ai shaloi Direct Download link ngu ai shara kaw dip nna jahkrat la ga.
        
    




Download Here 

View Here & Download


Written By Ka ai ten
Seng ang ai ga baw , ,
11:00 AM

Computer,Mobile Phone kaw bang nna mai lang ai Jinghpaw Nawku Mahkawn Mangwi Buk (RCM) PDF file

                                     
        Mobile phone,Tablet computer ni kaw bang let lu hkawn na matu Jinghpaw Nawku Mahkawn Mangwi buk (Kahtawlik Nawku Hpung) PDF hpe  manaw manang ni a matu garan ya dat ai.N dai PDF file hpe tinang a SD card kaw bang da nna Office Reader ,PDF Reader ni hte hpaw nna mai lang ai re.
       Ndai pdf hpe Mungdan shara shagu kaw nga ai Hpu nau kahtawlik hpung masha ni yawng a matu ngu nna,Malaysia kaw na sara Poul Kaiji Naw Naw hku nna lit la galaw da ai re.Npu kaw Google download link hte hpawn,zip,rar file hte dinghkyawm nna download galaw la n yak na matu mara da ya sai.
       La ma na download n lu jahkrat ai rai yang bai shana ya rit.Myitkyina Mare kaw nga ai ni n dai mahkawn buk PDF file hpe lu mayu ai rai yang Phone 07429394 kaw set nna mai bang la ai.Yawng hpe karai Kasang shaman ya  uga.

                                  

                                  

                                  

       Google Doc download link

       Download link 2

       Download link 2
         
KBC Mahkawn Shakawn Laika buk (PDF) hpe N Dai Link  kaw na download jahkrat la mai ai.

                          (download site de du na matu n pu na link kaw dip u)
Written By Ka ai ten
Seng ang ai ga baw ,
10:26 AM

Ya Prat hta Self Marketing A hkyak Ai Lam


Marketing လို ့ေျပာလိုက္တိုင္း ေစ်းကြက္ရွာေဖြစနစ္ ကို ေတာ္ေတာ္ မ်ားမ်ား သေဘာေပါက္ နားလည္ထားၾကပါၿပီ။
တခ်ိ ဳ  ့ေတြကလည္း ငါက Marketing field ဘက္က မဟုတ္ဘူး မလိုဘူး စသည္ျဖင့္ ေခါင္းခါ မိမွာပဲ။ ဒါေပမ့ဲ အလုပ္တိုင္း ၊ လူမႈေရးတိုင္း မွာ တိတ္တဆိတ္ ပါဝင္ ပါတ္သက္ လာတာကေတာ့ self marketing ပါ။
                Self Marketing ရဲ႕ ဆိုလိုရင္းက "လူသတင္း လူခ်င္းေဆာင္" ပါပဲ။ ဒါေၾကာင့္ မိမိ အနီးနား မွာ ရိွေသာ၊ ဆက္စပ္ လုပ္ကိုင္ေနေသာ လုပ္ေဖာ္ ကိုင္ဖက္မ်ားကို ဂ႐ုစိုက္ ပါ၊ ကတိ တည္ပါ၊ အခ်ိန္ေလးစားပါ၊ Respect ရိွပါ၊ အလုပ္ေပၚ ထားရမယ့္ စြမ္းေဆာင္ရည္ ျမင့္တင္ပါ၊ အေရးၾကီးဆံုး တခုက ကိုယ့္ရဲ႕ EQ ပါပဲ။
                ဘာေၾကာင့္ လိုအပ္ပါသလဲ ? ဒီေမးခြန္းက  ေအာင္ျမင္ၾကိဳးစားလိုစိတ္ ရိွေသာ သူမ်ားအတြက္ ေတာ့ အေျဖ ရိွႏွင့္ၿပီးသားပါ။ မိမိရဲ႕ စြမ္းေဆာင္ႏိုင္တ့ဲ network ကို ခ်ဲ့ထြင္ ထားျခင္းက တစ္ပင္လွဲ တစ္ပင္ထူ ရန္ အျမဲ အဆင္သင့္ရိွထားျခင္းပါပဲ။ လူ ့ေလာက သေဘာ သဘာဝ အရ တေနရာ တခုတည္း အျမဲ ႐ွင္သန္ဖို ့ ခက္ခဲလွပါတယ္။
ထို ့ေၾကာင့္ မိမိ အနီးနားမွာ ရိွေသာ မည္သည့္လူသူ ကို မဆို အဆင့္အတန္း သူငါ ၊ ျဖဴ မည္း ၊ မခြဲျခား မစြန္႔ပစ္ မိရန္ အထူး က႐ုစိုက္ပါ။
              မိမိ ရဲ႕ေျခ လွမ္းတိုင္းဟာ self marketing ကို မေမ့သင့္ သတိထား ျပဳမူ ေနထိုင္ ေျပာဆို က်င့္ေဆာင္ရင္း မိမိ ရဲ႕ စြမ္းေဆာင္ရည္ network ကိုခ်ဲ့ ထြင္ ႏိုင္ၾကပါေစ လို ့ဆႏၵျပဳ ႏႈတ္ခြန္းဆက္သ လိုက္ပါသည္။

                                


  Aung Li
Written By Ka ai ten
Seng ang ai ga baw , , ,
10:18 AM

K.I.A. (KACHIN INDEPENDENCE ARMY) HPAW MAT WA AI LAM



Photo:internet


K.I.O. (KACHIN INDEPENDENCE ORGANIZATION)

K.I.A. (KACHIN INDEPENDENCE ARMY) HPAW MAT WA AI LAM

1950 ning a hpang daw kaw nna Wunpawng ramma ni mungmasa hta ram ram myi hpaw myitsu myit rawt wa magang nga sai. Grau nna gaw lahta tsang hpaji sharin hkaja la lu ai ramma ni a lapran hta mungmasa hprang wa ai madang ram ram tsaw wa nga sai. Wunpawng dakkasu jawngma ni a kata e prat dep mungmasa shamu shamawt lam ni law law nga wa sai rai nga ai.

1957 ning hte 1958 ning grup yin hta e Wunpawng dakkasu jawngma ni ahkyak madung hku myit yu mang yu ai hta lawu de na lam ni mung lawm nga ai.

1. Pang Lung Ga Sadi hte n bung n pre ai hku PH.S.P.L. asuya a hkrang shapraw sa wa ai lam.

2. HP.S.P.L. asuya gaw mungdaw ni hpe Colony, mayam jasat jasa hku up sha nga ai lam (mung daw kata na nhprang kun rai ni hpe ra ai made shaw la nna mungdaw rawt jat lam hpa n galaw ya ai majaw ndai hku tsun lu ai lam rai nga ai.)

3. Munghpawm Asuya gaw mungdaw ni hpe sut masa, mungmasa hte shinggyim nga sat masa ni hta laba ga-up jum tek kau nhtawm amyu kaji ni mat mat hkra ladat amyu myu shaw let up hkang nga ai lam.

4. Mungdaw ni hten run grit nem wa nga timung Myen amyu sha ni law malawng shanu nga ai Myen Mung ginra daw rawt jat, hkik hkam galu kaba jang ram sai ngu ai masa hpe HP.S.P.L. asuya magra jum hkrang shapraw wa ai lam. (Wunpawng Mungdan daw chyen ni rai nga ai U-di U-ga Lai Sai ga hpe Myen Mung de pawng bang la kau ya ai, Hpi Maw, Gaw Lang, Kang Hpang hpe Miwa Mung de dut sha kau ya ai kumla ni hpe yu nna mung lahta na hte maren tsun lu nga ai.)

Lahta na lam ni hte seng nna rawt jat ai Wunpawng dakkasu jawngma ni gaw ta tut mungmasa bungli galaw nga ai Wunpawng salang ni hpe HP.S. P.L. asuya hte mungmasa ku ntsa e Paliman kata dara na hku law law lang shadut hpaji jaw yu nga masai.

Raitimung mungmasa salang ni hku nna lam amyu myu a majaw jawngma ni hpaji jaw ai lam hpe ta tut hkrang shapraw sa wa lu ai lam n nga ai. Ndai lam gaw Wunpawng sha ni a lu ging ai ahkaw ahkang ni hpe Myen Mung asuya hte mungmasa ku n tsa e gasat dara nna sha gara hku mung nmai byin sai ngu ai hpe adan aleng wan dan ai hte bung nga ai. Mabyin masa ndai ni gaw lam mi hku tsun yang, Wunpawng sha ni a ahkaw ahkang hpe laknak lang rawt malan nna sha lu la mai sai lam ja ja madi madun ai hte bung nga sai. Dai zawn re ai mabyin masa ni e htu ganawng ai hte maren Wunpawng dak kasu ramma ni gaw Munghpawm HP.S.P.L. asuya hpe laknak lang rawt malan nna Wunpawng sha ni lu ging ai shinggyim ahkaw ahkang ni hpe gasat la na matu tawk hprut dawdan dat masai.

7 MAJAN (7 STARS) HPUNG HPAW AI LAM

1957 ning kaw nna Rangoon dakkasu Wunpawng jawngma ni gaw laknak lang rawt malan hpung hpaw na matu tau hkyen lajang hpang wa masai. Tau hkyen lajang ai lam ma hkra hpe lit la galaw gun hpai sa wa lu na matu ningshawng hpung langai hpe 1957 ning htum wa de hpaw shabawn dat masai. Dai hpung hpe 7 Majan Hpung (7 Stars)?ngu nna shing teng masat jaw masai.

Hpung salang marai 7 san da ai hpung rai n htawm shana ningsin kaba 7 Majan shagan pru ten hta she shim dik ai hku bawngban zuphpawng galaw nna woi shamu shamawt ai hpung re ai majaw dai hpung hpe 7 Majan Hpung? ngu shamying ma ai. Dai hpung gaw K.I.O. a ningshawng hpung ngu yang mung n shut nga ai. Hpa majaw nga yang hpang e dai hpung kaw nna K.I.O. matut paw pru wa sai majaw rai nga ai.

Dai hpung hta lawm ai salang ni gaw:-

1. Salang Zau Tu. (Ningbaw)

2. Salang Hpauyu Tu Lum (Shawng na Amu Madu)

3. Salang Mali Zup Zau Mai.(Hpang e galai ai Amu Madu)

4. Salang Pung Shwe Zau Seng (Hpung Salang)

5. Salang K.D. Brang Gam (Hpung Salang)

6. Salang Na Hpaw Gun Jawng (Hpung Salang)

7. Salang Malang Shawng (Hpung Salang) ni rai nga ma ai.

Dai Salang ni hta na hpung ningbaw tai ai Salang Zau Tu gaw hpang e K.I.A. Dap Awn Daju, V.C.S. (Vice Chief of Staff) byin wa sai. Dai magam bungli gunhpai nga yang 1975 ning hta hkrat sum mat wa sai. Salang Mali Zup Zau Mai* gaw ya e K.I.O. Ginjaw Ningtau Tingnyang Up hte K.I.A. Dap, Dap Awn Daju, C.S. (Chief of Staff ) bungli gunhpai nga ai Du Kaba Zau Mairainga ai.

*2001 February 20 ya shani kaw na hkring sa mat sai.

Salang Pung Shwe Zau Seng gaw K.I.O. hpaw ai hpang K.I.O. a shawng nnan lang na Ninggawn Amu Madu (Gen. Secretary of K.I.O., Central Committee) bungli gunhpai nna Du Kaba Zau Tu hte rau 1975 ning hta rawt malan ginra shara mi kaw hkrat sum mat sai Salang Kaba Pung Shwe Zau Seng rai nga ai.

Dai 7 Majan Hpung hta lawm ai salang ni gaw ngang kang ai myit dawdan lam hte dam lada ai hku masing jahkrat nhtawm hpung a shamu shamawt lam ni hpe woi galaw hpang mat wa masai. Shawng nnan e mungshawa daw tsa a myit hpe chye lu na matu mungshawa lapran de shang nhtawm sawk sagawn ma ai. Dai zawn shanhte mungshawa a myit hpe manaw yu ai shaloi bum nga masha, yi sun hkauna masha hte matsan masha gaw yawng ngu na daram rawt malan hpung hpe tsep kawp madi shadaw ai lam mu chye lu masai. HP.S.P.L. asuya amu gun Wunpawng sha ni mung law malawng gaw n-gup aga hte myit masin hku nna rawt malan hpung hpe aja awa madi shadaw n-gun jaw ma ai. Dai zawn n-gun madung rai nga ai mungshawa a teng man ai madi shadaw lam hpe lu tawn sai majaw 7 Majan hpung salang ni gaw grau grau myit n-gun rawt ai hte rawtmalan bungli ni hpe da ting sa wa masai.

Kaga amyu sha ni a n-gun jaw madi shadaw lam hpe lu la na matu hte rawt malan hpaji hka ja la na matu 7 Majan Hpung Ningbaw Salang Zau Tu hte Amu Madu Salang Mali Zup Zau Mai yan gaw 1958- 1959 ning jawng dat laman hta shawng shawng kaw nna rawt malan nga sai Kayin rawt malan hpyendap de sa du masai. Kayin rawt malan hpyen dap kawn na bai nhtang du wa ai hpang 7 Majan hpung salang ni langai hte langai bungli lit garan nhtawm hpaji hkaja mat wa masai. Salang Zau Tu gaw hpyen lam hkaja sai. Salang Mali Zup Zau Mai gaw up hkang lam hkaja nhtawm Salang Pung Shwe Zau Seng gaw mungmasa lam hkaja la nu ai.

Shingrai 7 Majan salang ni gaw shanhte a kata tau hkyen lajang lam hkum tsup wa sai hte shanhte hpaw sa wa na laknak lang rawt malan hpung hpe ta tut woi awn na myitsu ningbaw langai jawm tam masai. Yawng myit hkrum ai hte 7 Majan hpung ningbaw Salang Zau Tu a kahpu Du Kaba Zau Seng hpe ningbaw tang san masai.

Dai ten hta Du Kaba Zau Seng gaw Kaya rawt malan hpyen dap, Dap Ba 1, Maw Chi Maing, kaw dap up galaw nga ai rai. Du Kaba Zau Seng gaw Britisha prat English tsang 10 awng tawn ai, hpaji chye masha langai mi rai nga ai. Britisha prat hta hpyen shang nna Kai Chyan Du (I.O.) bungli gun hpai yu sai. Dai hpang 1949 ning Du Kaba Naw Seng P.N.D.F. hpaw ai shaloi Dap Ba 1, (1st. Bde.) hta Major hte B.M. bungli gunhpai lai wa sai. 1950 ning hta Du Kaba Naw Seng hte hpung ni Miwa Mung de shang mat wa ai shaloi machyi kaba hkrum nna lam e hkring nga mat nu ai. Machyi mai ai hpang Kayin rawt malan dap de du mat wa nu ai. Dai hpang Kaya rawt malan dap kaw rawt malan bungli matut gunhpai nga ai wa rai nga ai. Shi gaw prat dep hpaji chye nhtawm ta tut rawt malan bungli hpe aten galu gunhpai yu sai re ai majaw Wunpawng sha ni a matu kamhpa ging ai rawt malan ningbaw langai mi byin tai lu na ngu myit mada kamhpa ai majaw 7 Majan hpung kaw nna shi hpe jawm lata sai lam rai nga ai.

7 Majan hpung ni gaw shanhte yaw shatawng shada ai lam, shanhte myitmang ai lam, shanhte dawdan ai lam ni hkum tsup hpe Du Kaba Zau Seng hpang de laika hte bawngban jahkrup dat masai. Du Kaba Zau Seng mung 7 Majan hpung ni lajin dat ai lam hpe hkap la sai lam, raitimung laknak lang rawt malan hpung langai hpaw sa wa na ngu ai gaw n loi ai majaw shi hku nna myitsu ai Wunpawng Salang law law hte naw bawngban yu ra ai lam shiga htang shana dat u ai. 7 Majan hpung salang ni mung shi ra sharawng ai hte maren Du Kaba Zau Seng hpe myitsu ai Wunpawng salang ni hte jahkrum ya masai.

1959 ning hta Du Kaba Zau Seng, Salang Zau Tu, Salang Pung Shwe Zau Seng ni Myitkyina mare de du lung wa masai. Shanhte gaw Myitkyina de du ai shaloi 7 Majan hpung Amu Madu Salang Zau Mai, K.B.H.S. jawng up Sara Kaba Brang Seng hte kaga Wunpawng myitsu salang ni lawm nna bawngban zup hpawng galaw masai. Dai zuphpawng hta salang yawng myit hkrum ai hte Wunpawng laknak lang rawt malan hpung hpaw sa wa nna rawt malan hpyen dap hpaw shagreng mat wa na lam dawdan masai. Bai, Du Kaba Zau Seng hpe rawt malan hpung ningbaw tang san nhtawm 1960 ning hta nam rawng hpang na hku yawng myit hkrum masat masai.

Nnan nam rawng hpang wa ai shaloi arang shatai na matu Du Kaba Zau Seng lu tawn ai sinat hpan hkum lau 40 gumhpraw sen 30 hte tut hkai jak (W/T Jak) langai hpe sa la na dawdan masai. Dai arung arai ni hpe Kothoolei 5th. Bde. Dap Up Du Kaba Lin Htin a lata hta ap da ai rai nga lu ai. Dai arung arai ni hpe sa la na matu Gyung Dau hte Lahkaw yan hpe Kayin Mung de dat masai. Dai yan hpe Myen ni Rangoon kaw hkap rim la kau ya ai gaw dai ni naten shiga n na lu mat sai. Dai marai 2 hpe Myen ni lu rim la nna shiga brawng mat ai jaw e dingbai dingna law mat nna 1960 ning hta nam rawng hpang na ngu ai masing hten run mat nga sai. Dai zawn re ai dingbai dingna a majaw Wunpawng myu tsaw salang ni gaw rawt malan npawt nhpang de gaw la na manghkang kaba hte hkrum kadup masai. Raitimung shanhte gaw myit n daw ai sha byin mai na ladat amyu myu tam sawk yu masai.

Wunpawng uhpawng kata laknak lang rawt malan majan langai bai paw pru ra sai lam hpe ma byin tara e nan hpyi shawn ya nga sai hte maren mungshawa a n-gun jaw, madi shadaw lam ni hpe tsep kawp lu tawn sai re majaw Wunpawng myutsaw salang ni gaw aten n garawt nga ai sha ayak ahkak law law a lapran e mai byin ai madang hte Wunpawng myutsaw dap snr. Wunpawng rawt malan hpyen dap hpe hpaw hpang na matu tawk sek dawdan dat masai.

Rawt malan hpung hpe hpaw hpang na matu Du Kaba Zau Seng gaw 1961 ning February shata praw 5 ya shani lit nga ai salang ni hte lahta Sam Mung daw, Lashio mare Lunglaw Pa kaw zuphpawng galaw nu ai. Dai zuphpawng hta du dung l


Special Thanks By - Num Ripan


Written By Ka ai ten
Seng ang ai ga baw , ,

01 February, 2017

7:00 PM

"...Jasen Amyu Lakung Ni..."



 Jasen amyu lakung ni gaw,Kumran manau dum ngut ai hpangdaw de Ning-ran ga a dingda maga de kawng jinghkang 1 mi kaw kahtawng sa de nna, shanu nga ma ai.Daini ten du hkra dai shara hpe Jasen hkang ngu shamying tsun lang nga ma ai.Dai ko na bai htot nga mat wa ai go,sinna maga de na kawng jinghkang de bai kahtawng de na shanu nga ma ai.

Dai ginra hpe Npawng mada hkang ngu shamying ton ma ai.Jasen amyu lakung ni a kaji rai nga ai Jasen Tu go, dai shara ko ugut gu ten du hkra nga nna, si mat wa sai. Jasen Tu a amyu lakung nkau mi go,Hkrang hka a sinpraw hkran de rap nna, Maudau Yang ngu ai ginra de htot nga ma ai.Nmai hka hpe rap nna, Hpu nau Lhaovo, Lachid ni hte rau jom nga wa masai.

Jasen Tu a amyi lakung ni go, daini na ten grai dam lada mat wa sai.Danai,Hu Gawng,Jasen Mai-aw,Gala Assam de du hkra shanu nga chyam wa masai. Wunpawng ni Hkrang Hku Majoi kaw naw nga pra ai ten,Amyu lakung kaga zon rai na Jasen amyu lakung ni a hpangdaw e,sinpraw hkran de bu htot hkom mat wa ai amyu lakung ni mung po pru wa sai.

Labang, Lashi,Lashi labya,Miwa Labya,Mahkaw Mahka）amyu lakung ndai ni go, Jasen Tu a amyu lakung matu mara rai nga ai.

1954 / 11 /15 hta Srk. Sumlut Gam,Duwa Htingnan Magwi La,Duwa Htingnan Ja Naw hte Agyi Ndawng Naw ni wa tam shadawn yu yang,Luphka grup-yin pe 330, gangde pe 15, sungde pe 2,3 naw sung ai hpe shadawn da lu ma ai.

Hkungga let,  
       Wunpawng Salum.
       General Kachin Researcher.

Gamung,  
Hkasha Uma Awng （MKN）

Ref:thelightone (Wechat iD)
Written By Ka ai ten
Seng ang ai ga baw ,
6:21 PM

Wunpawng Mungdan shang lawt hpung a (7)star majan labau

Sumla:Internet


Wunpawng mungdan shang lawt hpung a prat labau hta (7)star ngu gajai gum hkawng nga ai (7)star 7majan a labau hpe ngai paul naw seng chye ai daram  tsun dan hkai dan na shut yang mara raw sharai ya marit.
7 majan (7)star Hpung Hpaw ai Lam 
  1957 ning kaw nna yangon Dakkasu Wunpawng Jawng ma ni gawlaknak lang Rawt Malan Hpung hpaw na matu tau hkyen lajang hpang sa wa masai.Tau hkyen lajang ai lam mahkra hpe lit la galaw gunhpai sa wa lu na matu ningshawng hpung langai hpe 1957ning htum wa de hpaw shabawn dat masai.Dai hpung hpe 7Majan Hpung (7)star ngu nna shingteng masat jaw masai.
  Hpung salang marai 7 san da ai hpung rai nhtawm shana ningsin kaba 7Majan shagan ၇စဥ္ျကယ္pru ten hta she shim dik ai hku bawngban Zuphpawng galaw nna woi shamu shamawt ai hpung re ai majaw dai hpung hpe "7"Majan Hpung ngu shamying ma ai .Dai Hpung gaw K.I.O a ningshawng hpung ngu yang mung nshut nga sai .Hpa majaw nga yang hpang e dai hpung kaw nna K.I .Omatut paw pru wa sai majaw rai nga ai.
Dai hpung hta lawm ai salang ni gaw
(1)Salang Zau Tu        Ningbaw 
(2)Salang Hpauyu Tu Lum    shawng na Amu madu
(3)Salang Mali Zup Zau Mai    Hpang e galai ai amu madu
(4)Salang pung shwi Zau Seng    Hpung salang
(5)Salang K.D Brang Gam   Hpung salang 
(6)Salang Nahpaw Gun Jawng    Hpung salang
(7)salang Malang Shawng     Hpung salang ni rai nga ma ai .Gara hku matu galaw sawa ai ngu hpe naw hkai dan na nngai ngun jaw madi shadaw ni nga yang matut shakut ya na ngai
1959  ning hta Du Wa Zau Seng gaw Karen Mung Thai ga jarit kaw na Lashio,Sinli de mayun lung wa nna kahkyin gumdin lam bai matut galaw bang wa sai .Du Wa Zau Tu (Du wa zau seng a ganau majing )mung Yangoon ,Mandalay Dakkasu hkan na Wunpawng Jawng Ma ni hpe kahkyin gumdin na matu mahkrai jahkrai da nna 1960ning hta Lashio de Du Wa Zau Seng kaw du lung wa sai.Dai aten hta Du Wa Zau Seng hte Zau Tu gaw Wunpawng Amyu Mungdan ting hta dam lada ai hku nna masing jahkrat woi shamu shamawt sa wa na lam ni hte seng nna aja awa n'gun dat bawngban wa masai.
1960 August shata (10)ya hta Du Wa Zau Seng hte Du Wa Zau Tu gaw Lashio kaw nna rawt nhtawm Myitkyina mare de du lung wa ma ai .Lam.jarit nlu majaw Du Wa Zau Seng a lata Hkawn dut la nna lung wa ai rai ma ai (sha grau gring ai myu tsaw myit)Hugawng Ginwang Tingkawk ..Danai hkan du hkra gawan hkawm nna kahkyin gumdin matut mahkai ginrat ai lam.Rawt malan npawt jung na shara hkan yaw kaichyan ai lam ni galaw ma ai .September shata laman myitsu Du salang Myutsaw ramma nkau mi hte LEDU lam mayan danai lammayan kaw shara mi.Myitkyina mare kaw shara mi Zuphpawng nna Shanglawt Rawt MAlan lam.Jawm jahkrup ma ai .Salang PUNGSHI ZAU SENG hte K.B.S jawng   sara kaba M Brang Seng .SaraBrang Gam ni lawm ma ai .
Wunpawng Mungdan kata Shanglawt Rawt Malan npawt gaw de hpang wa na matu Du Wa Zau Seng a yaw shada ai jasat jasa (policy)Du salang nkau ni a myit lu mu madaai jasat jasa nlung nhkrum re lam hte hpyen masa mung masa lam hku nna mung nhtap htuk nmanu n maku re lam ni nga majaw Du Wa Zau Seng hte Zau Tu ni October shata praw hta Lishio de bai nhtang yu mat wa nhtawm .Sinli pa grup yin hta shara bai yaw lajang jahtuk mat wa masai.(an hte myu nkau ni gaw grai anya ai naw nga ai lam dan dawng ai)
  1960ning October(25) ya hta Du Salang myu tsaw ramma myitsu nkau mi hte Lashio mare kaw Zuphpawng galaw nhtawm Wunpawng Mungdan Shanglawt Rawt Malan a matu Kahkyin gumdin lam htep lahti matut galaw lahkam jat hrang shapraw mat wa lu na matu hte Wunpawng Shanglawt Hpung(K.I.O KACHIN INDEPENDENCE ORGRANIZATION)Kachin independence orgranization)ngu nna.Mung masa hpung hpe salat shangai hkrang shapraw dat na matu
(1)Komiti hpaw ai lam
(2)Bungli garan gun hpai lam ni hpe jawm bawngban dawdan jahkrup masat da sai.
1KOMITI HPAW AI   LAM
1Komiti Nibaw       (Du Wa ZAU  SENG )
2.Ningbaw malai    (Du wa Zau Tu)
3.Komiti Amu madu    (lamaLa Ring)
4.Komiti salang ni gaw   
    (1)Pungshwi zau seng
    (2)Lamung Tu Jai 
    (3)Dumhpau Gawng
     (4)Zau Dan (a)Zau Hkyen
       (5)Mali.Zup Zau Mai
     (6)MaRan Brang Seng
      (7)HkangDa Brang Gam 
      (8)NamSu Zau Tawng
       (9)HkangSau Kum Htoi
         (10)Luk Tang ji
         (11)Malang Shawng  rai ma ai 
Gara hku bungli garan gun hpai mat ai lam matut na la nga ya marit

Matsing:Wechat Group kaw na manang langai sa ai hpe bai garan ai lam re.
(Madukokyu)
Written By Ka ai ten
Seng ang ai ga baw ,