FACEBOOK kaw nnan bai jat bang ai 'TRUSTED CONTACTS' a lam

An hte Jinghpaw Wunpawng Myu sha manaw manang ni mun mi jan ram lang taw ai Mungkan hta kaba dik htum social website rai nga ai FACEBOOK kaw na tinang lang ai facebook account Lock hkrat mat ai shaloi tinang kam mai ai kam da ai manang,tinang hte hkau dik htum manang ni garum nna tinang a account hpe bai lu hkra galaw ya ai baw'Trusted Contacts' ngu ai feature langai hpe bang jat sai lam chye lu ai.

Tinang a Acount Security hpe manang ni a lata hta ap tawn da ai lam rai nga ai.Lama na tinang a Account lock hkrat mat nna n mai lang jang ,manang ni garum nna account hpe bai mai lang hkra galaw ya lu na rai nga ai.

Facebook kaw na 'Trusted Contacts' ngu ai feature hpe bang jat sai re.N dai feature gaw hku hkau ai manang ,hkau dik htum manang ni a garum nna tinang a facebook account password ni hpe bai mai gram la galai la mai na hku re nga ai. N dai feature gaw ningnan gaw n re tim 2011 ning hta jat bang ai 'Trust Friends' ngu ai feature hpe bai gram da ai hku galaw jat nna Mungkan ting kaw lu lang hkra galaw ya ai  re lam chye lu ai.N dai feature hpe galaw da sai kaw na gaw tinang facebook de Login shang ai shaloi yak hkak wa jang n dai 'Trusted Conntacts' kaw na  kam mai dik htum manang masum shing nrai manga du hkra lata la nna,shan hte ni kaw na tinang a account hpe bai lu lang hkra galaw garum ya na rai nga ai.

Account Lock hkrat mat jang mi sha tinang lada da sai manang ni hpang de security Codes ni hpe sa ya na ra ai.Shan hte ni kaw na tinang hpang de Security Codes ni bai sa ya na rai nga ai.Tinang a Account bai lu la na matu Codes yawng pawng masum ra na re.Dai hta n-ga 'Trust Contacts' hpe lang ai majaw shawng na zawn Security Question ni a mahtai hpe matsing da  nra sai hku re.Tinang Kadai wa re ai ngu ai hpe htawk madun dan na matu Form galu lu re ai ni htai taw n ra sai nga nna Facebook kaw na n dau da sai hku re.

1. Open your Facebook profile Go To – Settings.
2. Choose Security Settings and then ‘Trusted Contacts’.
3. Click on ‘Choose Trusted Contacts’ and going forward you can add 3-5 friends whom you trust can help you in need.

N dai feature hpe lang na rai jang Security Setting de shang nna tinang kam mai ai ni hpe lata la u.Tinang lata da sai ni hpe notifications (chye shangun ai laika)

notification hpe sumla hte madun da ai

ni sa ya na rai nga ai.Facebook kaw na gaw kaja wa nan kam mai ai masha ni hpe sha lata da na matu sadi jaw  n dau da ai hpe mu lu ai.Dai gaw tinang a n ta zaw si  shajan hpe jaw da ai hte bung nna tinang a zaw mat mat jang zaw shajan jaw da ai manang wa kaw na bai sa hpyi la ai hte bung ai hku rai nga.N dai feature gaw yu yang grai mau (strang)na zawn re tim ya prat na madang hte nga yang kaja nan akyu rawng ai feature langai re nga ai lam hpe mu lu ai.Facebook lang ai ni hpe hpa n yak ai sha grai shim ai hku tinang a Account hpe bai lu la hkra galaw da ya ai hku re.N dai feauture hpe n kam lang yang mung,  shawng de na zawn Security Questions ni hpe bai htai ai lam hpe naw mai lang ai lam chye lu ai.

Credit to: MYMC