Hong Kong sahti kaba rai nga ai Li Ka-shing tsun dan ai matsing hpa ga kaba ni rai nga ai.Shi gaw Canada mungdan masha langai mi mung re.US$ 31 billion (2012) ram lauban ai hpe chye lu ai.Shi tsun dan ai ga ni hpe manaw manang ni mung lu hti na matu dang lu ai daram translate galaw nna garan dat nngai.
 |
| Li Ka-shing (2012) |
Tsa lam shadang 20 hte 80 (20 % and 80% Law)
Shingyim masha ni hta na 20% gaw Du (neck)kaw na n tsa lam hte gumhpraw tam ai ni ,80% gaw Du kaw na n pu maga hte gumhpraw tam ai ,20% gaw a ten hpe mari ai ni ,80% gaw a ten hpe dut ai ni,20% gaw bungli kaba kaba dik ai hpe galaw ai,80% gaw bungli galaw ai,20% gaw tinang a shawng lam a matu yaw shada da masat da ai lam galaw ai ni ,80% gaw yup rawt jang she dai ni hpa galaw na ngu ai hpe myit ai ni ,20% gaw tinang nan tinang galai shai ai ni ,80% gaw makau grup yin hpe galai shai kau ai ni hte,20% gaw lu su ai ni ,80% gaw matsan ai ni re ai.Nang gaw 20% galaw na i or 80 galaw na i?.
3 Lang na hkying hkum 8 tup( Third 8 hours of a day)
Karai Kasang gaw masha shagu hpe lani mi na hkying hkum 24 hpe garan nna hkying hkum 8 na ai daw 3 maren mara jaw da ai hta,daw 1 lang ngu na hkyinghkum 8 hta bungli galaw ai,2 lang ngu na hkying hkum 8 hta yup ai.Masha langai hte langai n bung mat ai lam gaw 3 lang ngu na hkyinghkum 8 hpe a kyu jashawn jai lang ai hta hkan ai re.
Lam Lahkawng(Two Way)
Masha shagu kaw hkawm sa na lam lahkawng nga ai.Lam langai mi gaw hkawm nan hkawm ra na lam,hpang langai mi gaw tinang hkawm mayu ai lam.N hkawm n mai hkawm nan hkawm ra na lam hpe tsawm tsaw, htap htap ngwi pyaw ai hku hkawm ngut jang she tinang hkawm mayu ai lam kaw mai hkawm na re.
Kam Hpa Ai Lam (Believe,Trust)
Kam hpa ai lam ngu gaw laika pa langai hte bung ai.Je mat jang gaw gara hku matut tim shawng na zawn n mai byin sai.
Myit Malai Lu ai Lam(Regret)
Shaning 20 ning na mat ai hpang nang grau myit ru myit n pyaw na ,myit malai lu na gaw nang galaw lai wa sai lam ni hpe n re.Nang n galaw ai sha lai mat kau sai ni hpe she grau myit malai lu na ra ai.
Shara (Place)
Cold Drink gawm langai hpe lam makau kaw lap 10 hte dut ai,Hotel kaw lap 30 hte dut ai.Dai hte maren masha langai a manu gaw shi du taw ai shara hta hkan nan manu nga ai.
Sadi Sahka ai lam(Concentration of the mind)
Ga hkaw mi hpe nang n tsun shi yang nang gaw dai ga a madu rai nna, shaga ngut sai hte gaw nang tsun dat ai ga a mayam nang rai sai.(ga shaga na rai jang n shaga shi yang shawng myit yu ra ai)
Lata la ai lam(Choice)
Mungkan ga kaw grai hkrit hpa ga si (Word) lahkawng nga ai.Langai mi gaw myit ja ai,langai mi gaw shakut shaja ai.Shakut shaja ai wa gaw shi hkum hpe shi galai shai kau ai,myit ja ai wa gaw shi a kam maga hpe shi galai shai kau ai.Hpang jahtum hta nang kam ai hta hkan nna nang byin na re.
Manawn masham ai lam hte Kasi la ai lam
Nang masha ni hta na kachyi mi sha grau awngdang taw ai shaloi nang hpe manawn na ra ai.Shan hte ni hte n mai shadawn hkra grai awng dang wa jang nang hpe yu n-gun lu nna kasi la mayu na ra ai.
Hpang Jahtum na Sumsai Mi Man (The Last Smile)
Nang kadai hpe mung n lu shingjawng ai ten hta hkum myit kaji nga u.Nang gaw shingyim masha langai re ngu hpe dum nga u.Masha ni yawng mani sumsai hte pyaw taw ai hpe mu tim Mungkan ga n tsa hta nang hkrai sha myitru myit myit tsang let nga ai ngu nna hkum shadunga u.Kaja wa nga yang masha ni gaw nang hta grau masu chye ai (Gesture) ni re majaw nang hpe garum na masha kadai nnga ai ten hta hkrap kau dat u.Raitim hkrap ngut jang gaw myit shaja let bai rawt u.Yawng mayawng ngu na ram hta nang hkrat sum tim nang na mani sumsai myi man hpe gaw nmai shamat ai.
Awngdang Ai Lam hte Rawt Jat Wa Ai Lam (Success and Progress)
Nang n awng dang tim hpa n tsang ra ai.Raitim rawt jat ai lam nnga yang gaw n mai ai.Nang na awng dawng ai lam hpe jahten sharun mayu ai ni nga tim nang na rawt jat galu kaba ai lam hpe kadai mung pat shingdang ya ai lam nga na nre.
Gamyet N -gun hte Kanawng dat ai n -gun a lam (Pressure)
Shinggan kaw na gayat dat ai n-gun hte ga mat wa ai U di gaw shat mai ma mi sha lu tai tim Kata kaw na shakut shaja le kanawng dat ai n-gun (Struggle) a majaw ga nna pru wa ai u di kaw na asak langai byin wa shangun nga ai.Masha langai a prat mung dai u di hte bung nga ai.Shinggan kaw na n-gun hte gayat na hpe sha dung la taw yang nang gaw masha ni a shat mai ma mi byin mat na sha rai nga ai.Tinang a n-gun atsam marai hte yak hkak ai kata kaw na pru lu hkra shakut yang tinang a galu kaba sak hkrunglam gaw asak langai nnan bai shangai paw pru wa ai hte bung ai ngu hpe mu lu na rai nga ai.
*N dai laika hpe byan ai hta shut shai ai gasi ni lawm yang sharai la nna hti ga.
.jpg)
