'Kawa' ngu ai gaw ..(Kawa n-htoi masat post)

Father Means apotector of his own children.

   Kawa ngu ai gaw  kasha ni hpe makawp maga ya ai wa re.Kawa ngu ai nga yang shim lum ai.Hkrit tsang nra ai.Kawa ngu ai nga yang kadai mung dang sha n lu ai hta n-ga Kawa nga yang kasha ni hta n-gun atsam ni shi na shi rawng nga ai.Hpa majaw nga yang Kawa gaw  kasha ni a shawng lam kaw na ja ja tsap let makawp maga ya nga taw ai majaw re.

Father means a lover of his own children.

    Kashu kasha ni hpe tsawra ai majaw 'A wa' ngu na shaga ai rai nga ai.Kawa gaw grai pu ba ai hte bungli kaw na wa tim anhte kasha ni a myi man hpe mu lu ai rai yang pu ba ai lam ni hkoi mat nna tsawra myit ni lwi pru nga ai.

Father means a supporter of his own children.

     Kawa langai gaw kasha ni hte Kanu ni hpe tam jaw tam ya ai wa rai nga ai.Tinang a kasha ni shat n kaw si kan bau ya ai.Tsawm htap hkra bu hpum sum raw ya ai.Ma ni a prat hta kung kyang tsawm htap hkra hpaji sharin ya ai,tinang a kasha ni lam n dam mat hkra,sumnung shingdi myit su wa na matu pawt let,mani let sharin shaga ya ai wa rai nga ai.Wa gaw an hte kasha ni hpe kaning re ai a mwi(heritage) ni hpe jaw na nga nna myit taw nga ai.Anhte dinghku a magam lit ma hkra hpe gun hpai let yak hkak ai lam hta hkawm nga ai wa re.Mungkan ga kaw nga ai Kawa ni law malawng gaw anhte kasha ni kaw tawn da ai myit ni bung nga ma ai.N kau kawa ni kasha ni a n tsa hta  shan hte galaw ya ra ai ni hpe n lu galaw ya ai lam ni,ma ni hpe sharin shaga shalat shapran ai lam hta ning ra mat ai ni mung nga ma ai.Raitim Kawa ngu ai nga ai majaw masha ni n dang sha gwi ma ai.Kasha ni hpe tsaw ra ai myit gaw dai zawn re kawa langai hta raitim rawng nga nga ai.

       Dai majaw Kawa nga ai ni mung ,nnga mat sai ni mung Kawa ni a nhtoi hta tinang a Kawa hpe myitdum nga ga.Kawa hpe chyeju htang ga.Chyeju htang na myit ga.Shimlum ai,shada tsawra ai myit madun hkat ga.Kawa a ga hpe madat mara ai hku nna tinang a prat hta masha kaja langai byin tai lu hkra shakut ga ngu yawng hpe n-gun jaw dat nngai.