ဆန်တာကလော့ ဖြစ်ပေါ်ပြောင်းလဲလာပုံ (The history of Santa Claus)

ဒီဇင်ဘာလ ၂၄ ရက် ညဆိုရင် ကလေးတွေရှိတဲ့ အိမ်ထဲကို ခပ်ဝဝနဲ့ ဆန်တာ ကလောက်စ် Santa Claus ဆိုတဲ့ လူကြီးဟာ မီးခေါင်းတိုင်ကနေ ဝင်လာပြီး လက်ဆောင်တွေ လာပေးသွားတယ်လို့ ယုံကြည်ကြပါတယ်။

ဘယ်လိုဖြစ်လို့ ဒီလို ယုံကြည်မှုတွေ ပေါ်ပေါက်လာရတာပါလဲ ???

ဥရောပတိုက် နိုင်ငံတွေကနေ ဒီထုံးတမ်းအစဉ်အလာ ပေါ်ပေါက်လာတယ်လို့ အချို့က ပြောကြပါတယ်။ ဥရောပတိုက် မြောက်ပိုင်းဒေသ ဆောင်းတွင်းကာလတွေဟာ ယေဘူယျအားဖြင့် အေးခဲ၊ မှောင်မဲ၊ စိတ်ညစ်စရာကောင်းလှပါတယ်။ နှစ်တစ်နှစ်မှာ နော်ဝေးနဲ့ အင်္ဂလန် မြောက်ပိုင်းလို ဒေသတွေမှာ ဒီဇင်ဘာလ ၂၁ ရက်၊ ၂၂ ရက်ဆိုရင် နေမြင်ရတဲ့ အချိန်နာရီဟာ အင်မတန်မှ တိုတောင်းလှပါတယ်။

ဒီအတွက်ကြောင့် သူတို့ဟာ ပျင်းရိစဖွယ် မှောင်မဲ အေးခဲနေတဲ့ ဆောင်းတွင်းကာလကို ကျော်လွှားနိုင်အောင် သူတို့ကို သူတစ်ဦးဦးက လက်ဆောင် လာပေးတယ်ဆိုတဲ့ ပွဲလေးတစ်ခုကို ကျင်းပ ပြုလုပ်ကြပါတယ်။

(၁) လူသိများတဲ့ ဇာတ်ကောင် Sinterklaas (ဟော်လန်ဒေသ အခေါ် - ဘိရှော့ စိန့်နီကိုးလပ်စ်)

ပထမ တစ်ဦးကတော့ ကက်သလစ် ခရစ်ယာန်အသင်းတော်ရဲ့ ရဟန္တာ စိန့်နီကိုးလပ်စ်ပါ။ သူဟာ ပိန်ပိန်ပါးပါးနဲ့ ခပ်တန်းတန်း နေထိုင် ဆက်ဆံတယ်လို့ သူ့အကြောင်း ရေးသားဖော်ပြကြပါသော်လည်း သူဟာ ကလေးငယ်များအတွက် ဒီဇင်ဘာလဆိုရင် လက်ဆောင်တွေ သွားရောက်ပေးလေ့ရှိတဲ့ သူဖြစ်ပါတယ်။

သူဟာ ကက်သလစ် ဆရာတော် တစ်ပါး၊ ဘိရှော့ ဖြစ်ပြီး အနီရောင် သင်္ကန်းကို ဝတ်ဆင်ပါတယ်။ အဖြူရောင် လက်ကိုင်တုတ်ရှည် ကျိုင်းကို ကိုင်ဆောင်ပြီး Amerigo အမည်ရှိ မြင်းကို စီးပါတယ်။ ဒက်ရှ် (ဟော်လန်) ကလေးငယ်များဟာ ဆရာတော် နီကိုးလပ် လာပြီဆိုရင် စီးတော်မြင်း Amerigo ကို မုန်လာဥနီ ကျွေးကြပါတယ်။ ဒက်ရှ် Dutch (ဟော်လန်)စကားအရ စိန့်နီကိုးလပ်စ်ကို Sinterklaas (ဆင်တာ ကလော့စ်)လို့ အသံထွက် ခေါ်ကြပါတယ်။

(၂) ဒုတိယ လူသိများသည့် ဇာတ်ကောင် Father Christmas

(ဖာသာရ် ခရစ္စမတ် - ဘုန်းတော်ကြီး ခရစ္စမတ်)သူကတော့ အင်္ဂလန်မှ ဖာသာရ် ခရစ္စမတ် ဖြစ်ပါတယ်။ ဖာသာရ် ခရစ္စမတ်ဟာ လူကောင်ကြီးကြီးနဲ့ အစိမ်းရောင် ဝတ်ရုံကြီးကို ဝတ်တတ်ကာ ခေါင်းမှာလည်း ပန်းအရွက်တွေ စီခြယ်ထားတဲ့ ခေါင်းစွပ် ဝတ်ထားပါတယ်။ ဖာသာရ် ခရစ္စမတ်ကတော့ ကလေးများအား လက်ဆောင်ပေးသည်ထက် စာလျှင် အစားအသောက်ကောင်း၊ ဝိုင်ကောင်းကောင်းဖြင့် အများအားဖြင့် ခရစ္စမတ် အချိန်မှာ စားသောက်ပျော်ပါးကြရန် ရည်ရွယ်ပါသည်။

နာမည် ၂ ခု ရောထွေးလက်ခံလာပုံ

ဒီဥရောပက အတွေးအခေါ်တွေဟာ ဥရောပတိုက်မှာ ကွဲပြားပေမယ့် ဒီအတွေးအခေါ်တွေကို ကိုလိုနီချဲ့တဲ့ ဥရောပသားများ အမေရိကားတိုက်ရောက်တဲ့ အခါမှာတော့ Father Christmas ဖာသာရ် ခရစ္စမတ် နဲ့ Sinterklaas ဆင်တာ ကလော့စ် နှစ်မျိုးဟာ စတင် ရောထွေးလာပါတယ်။ ဒါကြောင့် အမေရိကန် နိုင်ငံမှာ ဆန်တာ ကလော့နဲ့ ပတ်သက်ပြီး နာမည် အများကြီး ရှိနေတာ ဖြစ်ပါတယ်။

အမေရိကန်မှာဆိုရင် ယေဘူယျအားဖြင့် ဆန်တာကလော့ကို နာမည် လေးမျိုးလောက် ခေါ်ဆိုကြပါတယ်။

Santa Claus ဆန်တာ ကလော့၊

St. Nick စိန့်နစ် (စိန့်နီကိုးလပ်စ်)၊

Father Christmas ဖာသာရ် ခရစ္စမတ်နဲ့
Kris Kringle (ဂျာမန် အခေါ်) ကရစ် ကရင်ခ်ျတို့ အစရှိသဖြင့် ခေါ်ဆိုကြပါတယ်။

အမေရိကန် နိုင်ငံမှာ ဆန်တာနဲ့ ပတ်သက်ပြီး ဆင့်ကဲ ပြောင်းလဲမှုတွေ ရှိတဲ့အကြောင်းနဲ့ သူ့ကို အနောက်နိုင်ငံများက မူပိုင်ပြုဖို့ ကြိုးပမ်းကြတယ်ဆိုတဲ့ အကြောင်းလေးတွေ ဝေမျှလိုပါတယ်။

အမေရိကန် နိုင်ငံမှာ ဆန်တာကလော့ ဖြစ်ပေါ်ပြောင်းလဲလာပုံ

ဆန်တာ ကလော့ အကြောင်းကို ဦးစွာ ပုံနှိပ်ဖော်ပြတာကတော့ ၁၈၂၃ ခုနှစ်၊ နယူးယောက်မြို့မှာ

“The Night Before Christmas” ခရစ္စမတ် မတိုင်မီ ညဆိုတဲ့ ကဗျာ စာအုပ်လေးတစ်အုပ် ထွက်လာပါတယ်။ အဲဒီမှာ အိမ်တွေထဲ ခရစ္စမတ် မတိုင်မီ ညဆိုရင် လူတစ်ဦး ဝင်လာပြီး ချိတ်ထားတဲ့ ခြေစွပ်တွေထဲ ကလေးများအတွက် လက်ဆောင်တွေ ပေးတယ်လို့ ဖော်ပြထားပါတယ်။ ဒါပေမယ့် ကဗျာမှာ ဖော်ပြတဲ့ သူဟာ ဥရောပမြောက်ပိုင်း Nordic ဒေသတွေက လူပုလေး Elf တစ်ဦး ဖြစ်ပါတယ်။ သူဟာ အလွန်သေးငယ်ပြီး သမင်တွေကို အသုံးပြုထားတဲ့ လှည်းကို စီးကြောင်းနဲ့ အိမ်မိုးခိုးခေါင်းတိုင်အတွင်းကနေ အိမ်ထဲဝင် အရုပ်တွေ ပေးတတ်ကြောင်း ဖော်ပြထားပါတယ်။

အဲဒီ ပထမဆုံး ကဗျာလေးမှာ ဆန်တာ ကလော့ဆိုတဲ့ အမည်ကို မဖော်ပြခဲ့ပါဘူး။ မူရင်းကဗျာ ဒုတိယ ခေါင်းစဉ်က “A Visit from St. Nick (St. Nicolas)” စိန့် နီကိုးလပ်၏ လာရောက်လည်ပတ်ခြင်း ဆိုပြီး ဖြစ်ပါတယ်။

သို့ပေမယ့် နောက်ပိုင်းမှာ အမေရိကန် စာရေးဆရာတွေက စိန့်နစ်ကိုးလပ် (စိန့်နစ်)ဆိုတဲ့ နာမည်တွေကို အသုံးမပြုတော့ပဲ ဆန်တာ ကလော့လို့ သုံးလာပြီး ဆန်တာမှာ အရုပ်ထုတ်လုပ်ပေးတဲ့ Elf မှင်စာ လူပုလေးတွေ ရှိကြောင်း၊ ဆန်တာမှာ ဇနီးမယားရှိကြောင်းပါ ရေးသားပုံဖော်လာကြပါတယ်။

ဆန်တာကလော့နှင့် ကိုကာကိုလာ အချိုရည် ကုမ္ပဏီကြား ချိတ်ဆက်မှုဆန်တာ ကလော့ရဲ့ ဝတ်စုံ အရောင် အနီရောင်ဟာ Coca Cola ကိုကာကိုလာ အချိုရည် ကုမ္ပဏီကြောင့် နှောင်းပိုင်း အသုံးပြုလာတာ၊ ကိုကာကိုလာ ကုမ္ပဏီကြောင့် ဆန်တာ ကလော့ဆိုတာ ဖြစ်လာတယ်ဆိုတဲ့ အဆိုတွေဟာ မမှန်ကန်ပါဘူး။ သို့ပေမယ့် Coca Cola ကုမ္ပဏီဟာ ဆန်တာကလော့ကို သူတို့ရဲ့ ကြေညာလုပ်ငန်းတွေမှာ တွင်တွင်ကျယ်ကျယ်နဲ့ ထိရောက်စွာ အသုံးပြုတာကြောင့် ကမ္ဘာအဝှမ်း ပိုမို သိရှိလာတာ ဖြစ်ပါတယ်။ သို့ပေမယ့် ကိုကာကိုလာ Coca Cola ဟာ အချိုရည် စီးပွားရေး ကြေညာတာ ဖြစ်တာကြောင့် ကက်သလစ် ဘိရှော့ ရဟန္တာ စိန့်နီကိုးလပ်ဟာ ဆန်တာကလော့ ဖြစ်ကြောင်း နည်းနည်းမှ ဖော်ပြခြင်း မရှိပါဘူး။

အမေရိကန်နိုင်ငံမှာ အခုလို ဆန်တာကလော့ ဆိုတဲ့ ဇာတ်ရုပ်တစ်ခုကို တီထွင်ပြီးတဲ့ အခါမှာတော့ ဥရောပတိုက်ကော၊ ကမ္ဘာအဝှမ်းမှာပါ ဆန်တာကလော့ ပုံကို လက်ဆောင်ပေးတဲ့ ခရစ္စမတ် ဘိုးဘိုး အဖြစ် ပုံဖော်လာတာ ဖြစ်ပါတယ်။ မြောက်ပိုင်း ဥရောပတိုက်သားတွေကတော့ သူတို့ရဲ့ ဒေသခံ ရိုးရာ ခရစ္စမတ် အယူအဆကို အမေရိကန်က ပုံဖော်ထားတဲ့ ဆန်တာကလော့နဲ့ သတ်မှတ်ခံရတာကိုတော့ မကြိုက်ဘူးပေါ့။

ဥပမာဆိုရင် အင်္ဂလန်နိုင်ငံရဲ့ အစိမ်းရောင်ဝတ် ဖာသာရ် ခရစ္စမတ်ဟာ ဆန်တာ ကလော့ အနေနဲ့ ပြောင်းလဲ ပုံဖော်ခြင်း ခံလိုက်ရပါတယ်။ ဗြိတိန်သားတွေကတော့ တဖြည်းဖြည်းနဲ့ ဖာသာရ်ခရစ္စမတ်ဟာ ဆန်တာကလော့ အဖြစ် ပြောင်းလဲ ပုံဖော်ခြင်းခံရတယ်ဆိုတာ သတိတောင် မထားမိလိုက်ပါဘူး။

နယ်သာလန် (ဟော်လန်)မှာတော့ ဆန်တာကလော့ဆိုတဲ့ အယူအဆကို ဘေးဖယ်ပြီး စိန့်နစ် (စိန့်နီကိုးလပ်စ်)ဟာ သီးခြား ခရစ္စမတ်ရဲ့ အမှတ်သင်္ကေတအဖြစ် မားမားမတ်မတ် ရှိနေပါသေးတယ်။

ဆန်တာကလော့အား နိုင်ငံအလိုက် အပြိုင်အဆိုင် မူပိုင်ပြုကြခြင်း။

အခုခေတ်မှာတော့ ဆန်တာကလော့ ဘယ်မှာ နေသလဲဆိုတာကို နိုင်ငံတွေအကြား အငြင်းအခုံလုပ်ကြပါတယ်။အေဒီ ၁၈၀၀ ခုနှစ်များမှာပေါ့ ဆန်တာကလော့ဟာ မြောက်ဝန်ရိုးစွန်းတည့်တည့်မှာနေထိုင်တယ်၊ သူ ကောင်းကင်ကို မော့ကြည့်လိုက်ရင် သံလိုက်ဓာတ်ကြောင့် ဖြစ်လာတဲ့ Aurora Borealis အစိမ်းရောင်လဲ့တဲ့ ကောင်းကင်ကို တွေ့ရမယ်လို့ ယူဆကြပါတယ်။

ဒါပေမယ့် မြောက်ဝင်ရိုးစွန်းဆိုတာ ပင်လယ် သမုတ္တရာရဲ့ အလယ်တည့်တည့်မှာ ရှိနေတဲ့ အတွက် ကုန်းမြေလည်း တိတိပပ မရှိဘူး။ ကလေးတွေအတွက် အရုပ်စက်ရုံတည်ဖို့လည်း မဖြစ်နိုင်တဲ့ နေရာပါ၊ ဆိုပြီး ကနေဒါနိုင်ငံက ဆန်တာကလော့ရဲ့ အရုပ်စက်ရုံဟာ သူတို့ နိုင်ငံအနီးက Nunavut ဆိုတဲ့ ဒေသမှာ ဖြစ်တယ်ဆိုပြီး ဆန်တာကလော့ကို ကနေဒါ နိုင်ငံသား အဖြစ် ကြေညာလိုက်ရုံမက သူ့အတွက် Post Code စာတိုက် အမှတ်တွေ သတ်မှတ်ပေးလိုက်ပါသေးတယ်။ ဆန်တာကလော့ရဲ့ ကနေဒါ စာတိုက်အမှတ် Postal post ကတော့ HOH OHO ဖြစ်ပါတယ်။

USA အမေရိကန်နိုင်ငံကတော့ ကနေဒါ အရှေ့ဘက်ကမ်းခြေကော၊ မြောက်ဝန်ရိုးစွန်းပါ လူနေဖို့ မဖြစ်နိုင်တဲ့ နေရာတွေမို့ ဆန်တာကလော့ဟာ အမေရိကန် နိုင်ငံ အနောက်မြောက်ပိုင်း အလာစကား Alaska မြို့မှာ ဖြစ်ပါတယ်လို့ ကြေညာပါတယ်။Denmark ဒိန်းမတ်နိုင်ငံကတော့ ဆန်တာကလော့ဟာ သူ့ရဲ့ ယခင်ကိုလိုနီဖြစ်ခဲ့ဖူးတဲ့ ဂရင်းလန်း Greenland ကျွန်းကြီးပေါ်မှာ ဖြစ်ပါတယ်လို့ ကြေညာတော့ ဂရင်းလန်းနိုင်ငံကလည်း ထောက်ခံပါတယ်။

ဥရောပတိုက် မြောက်ပိုင်း စကင်ဒီနီးဗီးယားနဲ့ အနီးအနားနိုင်ငံများကလည်း ဆန်တာကလော့က သူတို့ နိုင်ငံ တစ်ခုစီမှာ ရှိပါတယ်ဆိုပြီး နိုင်ငံရဲ့ တည်နေရာနဲ့ ငြင်းခုံပါတယ်။ဒါပေမယ့် Finland နိုင်ငံကတော့ ဆန်တာကလော့ ရှိကြောင်း သက်သေအပြနိုင်ဆုံးလို့ ယူဆကြပါတယ်။Finland နိုင်ငံအတွင်းရှိ အာတိတ်မျဉ်းပေါ်က Rovaniemi ရိုဗာနီရဲမီဆိုတဲ့ မြို့မှာ ဆန်တာကလော့ရဲ့ အရုပ်စက်ရုံလေးရှိတယ်လို့ သူတို့က ကြေညာသလို အဲဒီဒေသကို သွားကြည့်မယ်ဆိုရင် ဆန်တာကလော့ကို သင်မြင်ရမှာ ဖြစ်သလို သူ့ရဲ့ သမင်ကြီးတွေ၊ စာတိုက်ရုံးနဲ့ အရုပ်ထုတ်လုပ်တဲ့ နေရာလေးတွေကို တွေ့ရမှာ ဖြစ်ပါတယ်။ ဒီတော့ Finland ဒေသရဲ့ ဆန်တာကလော့ရှိကြောင်း လက်တွေ့ ဖော်ပြကြေညာချက်ဟာ သိပ်ခိုင်မာသွားတာပေါ့။

ဆန်တာကလော့က Finland ဒေသမှာ ရှိကြောင်း ဘယ်လောက် အထိ သက်သေပြလို့ရသလဲဆိုရင် သူဟာ ဆောင်းရာသီမှ မဟုတ်၊ နွေရာသီနဲ့ တစ်နှစ်တာလုံးမှာ တွေ့နိုင်တယ်ဆိုတာ သတိထားမိမှာ ဖြစ်ပါတယ်။

နိဂုံးချုပ်ရရင် ဆန်တာကလော့ဟာ ဘယ်နေရာမှာပဲ ဖြစ်ဖြစ် သူငယ်တော် ယေဇူး မမွေးလာမီ တစ်ညမှာ ကမ္ဘာအဝှမ်းက ကလေးငယ်တွေဆီ သွားရောက်ပြီး လက်ဆောင်ပေးအပ်နိုင်မှာ ဖြစ်ပါတယ်။

ဒီတော့ ခရစ္စမတ်မှာ ဘုရားသခင်ဆီက ဘိရှော့ စိန့်နီကိုးလပ် တဖြစ်လဲ ဆန်တာကလော့ဆီက လက်ဆောင်မွန်ရရှိအောင် ကျွန်တော်တို့ စိတ်နှလုံးသားကို ပြင်ဆင်ပြီး အကောင်းဆုံး ဘဝသက်တာနဲ့ နေထိုင်ကျင့်ကြံကြပါစို့လား။

TranslatedBy- Lawrence Jangma Mung Song

11,Dec,2017