"Jinghpaw" Ngu Ai Hpe Hpa Majaw N'kam Lang,N'kam Na Mayu Ma Ai Ta ?

Jinghpaw / Photo : G Naw Seng F

Moi lai sai ten hta...

N'dai Jinghpaw Laika hte sha anhte WP ni aq jiwoi jiwa ni chyum laika hti wa sai.

N'dai Jinghpaw laika hku ka da ai chyum laika hti n'na Karai hpe chye wa let, hkye hkrang la ai lam lu la sai.

N'dai Jinghpaw laika hte anhte langai hte langai laika ka htinglet hkat ga sai.

N'dai Jinghpaw laika hti Jinghpaw ga hku Karai mungga hkaw tsun lai wa sai.

N'dai Jinghpaw laika hpe anhte WP ni aq Laika n'nan hku n'na Chyum Laika gale let Karai Kasang aq man kaw e dagam da sai.

Anhte Wun Pawng yawng hkaja sa wa sai Chyum Laika gaw Jinghpaw hku sha naw nga ai re majaw Jinghpaw ga/ Laika n'chye tim chye hkra di n'na hti hkaja/shaga ai lam anhte Wun Pawng Jiwoi Jiwa ni galaw lai wa sai.

Ya daini tinang Amyu lakung hku laika ni lu wa yang, n'dai laika hpe n'kam lang sai,n'dai Jinghpaw ga hpe n'kam shaga sai nga yang gaw grai n'htap htuk na re ngu mu n'ngai.

Nang ngai myit yu ga.Anhte Jiwa ni n'dai laika, n'dai ga hpe jai lang ga sai kun.

Matsing;( Moi nat dumsa sa yang ma ru, zai wa, lashi amyu mi rai tim,mi Jinghpaw ga n'chye tim, dumsa sa yang Jinghpaw ga sha shaga wa ai da.Mau hpa wa.Dai majaw anhte WP yawng gaw Jinghpaw kaw na sha bra wa ai ngu kumla rai nga ai.Moi gaw anhte W P ni yawng hpe Jinghpaw ngu sha shaga ma ai da.)

Chyeju kaba sai.

N Pawt : G Naw Seng