 |
| Mai Ja Yang hpe kawng n tsa kaw na mu yang / Photo: Irrawaddy |
Sinpraw Ginwang Ginjaw, Mai Ja Yang muklum kata COVID-19 ana jep ai lam dingyang galaw nga ai hta July (20)ya shani the July (21)ya shani COVID-19 ana kap hkrum ai masha marai (168) bai jep mu jat ai lam Sinpraw Ginwang Ginjaw COVID-19 Ana Zinli Makawp Ninghkap Komiti kaw na chye lu ai.
July (20)ya shani Ana jep ai shaloi Mai Ja Yang Institude Of Education jawng na jawngma ni, jawng sara/ saranum ni hte Federal Law Academy jawngma ni kaw na Yawng marai (96) hpe ana mu jep ai re lam chye lu ai.
July (21)ya shani ana jep mu ai gaw marai (72) rai nna, MIED jawng kaw na jawngma marai (69) hte Mai Ja Yang lawk (4) kaw na mungshawa marai (3) re lam na chye lu ai.
Mai Ja Yang muklum kata COVID-19 ana jep mu lu ai masha jahpan marai (551) nga ai hta marai (58) gaw Positve kaw nna Negative rai sai majaw Laksan shara tawn nna gawn lajang nga ai hte ya aten Positve marai (493) hpe mung tsi gawn lajang nga dingyang re hpe chye lu ai.
Mai Ja Yang muklum kata COVID-19 ana jep mu lu ai masha jahpan marai (551) nga ai hta marai (58) gaw Positve kaw nna Negative rai sai
Muklum kata nga ai mungshawa yawng hpe July praw (9) ya shani kaw nna Swab jep ai lam galaw nga ai re, ana jep mu lu ai shara ni hpe lockdown galaw nna muklum kata nga ai mungshawa yawng hpe ana jep ai lam galaw ai hta ya aten numdaw lahkawng lang ngu na bai kahtap jep nga sai re hpe chye lu ai.
COVID-19 ana zinli gaw hkrang nsam galai ai hte lawan dik ai hku chyam bra wa nga ai majaw Ginjaw Ginra Ginwang Ginjaw, Sinpraw Ginwang Ginjaw hta Ya hkyak hkyak byin hkrum nga ai COVID-19 Third Wave aten hta masha hpawng chyawm ai lam, Hpaji Jawng yawng hte nawku makam masham hpawng chyawm lamang ni yawng hpe pat hkum da ai re.
Tinang Uphkang ginra Dingdung Ginwang Ginjaw, Sinpraw Dingdung Ginwang Ginjaw ni, Law Hkawng Ginwang shara ni hta mung ya aten hkawm sa hkawm wa ahkang pat da ai lam nga ai.
COVID-19 ana zinli makawp ninghkap tara ni hpe masha marai hkum shagu hkan nang hkan sa makawp maga lu na matu Ginjaw COVID-19 Ana Zinli Makawp Ninghkap Komiti kaw nna mung dingyang sadi jaw ndau nga ai hpe chye lu ai.
.jpg)
No comments:
Post a Comment
N dai post hpe hti ya ai majaw chye ju kaba sai.Ning mu ka da ga.Download link mat taw ai rai yang comment ka da ya rit.Link nnan bai jaw na re.