 |
| Laiza Mare (Photo: The Irrawaddy) |
Laiza muklum kata hkali ana byin hkrum ai masha gaw shawoi shaning na hta grau law jat wa ai hta hkali ana byin hkrum ai masha laban bat mi hta marai (10) jan byin hkrum nga ai rai nna ndai shadang gaw lai wa sai shaning na hta htam lahkawng jan law jat wa ai lam Muklum hkamja rung kaw na chye lu ai.
Ya aten Covid-19 ana zinli mung makawp ninghkap ra ai ten re sha n ga, Hkali ana hpe mung makawp ninghkap ra ai ten rai nga ai hte maren, Mungshawa ni hku nna mung tinang hkum dinghkrai hkamja lam hkan nna Ji grawng n kawa hkrum hkra sadi na ra ai nga nna mung Muklum hkamja rung lit nga Srw ni tsun hpaji jaw da ai lam nga ai.
“Hkamja lam ngu ai gaw woi awn ai ni kade mi woi awn tim, tinang dinghkrai hkan sa lam nnga yang gaw ana zinli ninghkap lu na lam nnga ai re majaw nang ngai yawng hta lit nga ai ngu hkamla hkan sa na matu tsun mayu ai”
Hkali ana makawp ninghkap ai lam hpe tinang uphkang ginra mare buga shagu hta ningmu jahpaw hkaw tsun ai lam, Tsi Tsing Sut garan ai lam, Tsi gat ai lam ni galaw nga ding yang re hpe chye lu ai.
Dai ning gaw lai wa sai shaning na hta hkali byin shadang bai law jat wa ai lam nga ai re majaw Hkali ana makawp maga ai lam hpe Muklum kata nga ai mungshawa ni yawng hkan nang hkan sa na hpe Laiza Muklum hkamja rung kawn tsun hpaji jaw ai lam nga ai re.
Muklum kata hkali ana makawp ninghkap lu na matu Tsi gat ai lam hpe lanam shang wa ten hta kalang gat ai lam galaw ai rai nna, Hkali ana kap hkrum masha law jat ai majaw July (10)jan ya kaw nna Muklum kata numdaw lahkawng lang ngu na Ji grawng tsi gat ai lam hpe mung galaw nga ai re.
.jpg)
No comments:
Post a Comment
N dai post hpe hti ya ai majaw chye ju kaba sai.Ning mu ka da ga.Download link mat taw ai rai yang comment ka da ya rit.Link nnan bai jaw na re.