Nan hte anhte Myen Asuya hpe ninghkap mayu ai lam gaw tsep kawp mara nnga ai.Dai gaw galaw ging ai lam langai rai nga ai.Myen Mungdan kaw nga nga ai anhte a myu baw sang (ethnic) ni hpe n ju ai ni sha mara mu nna ninghkap ai lam rai nga ai.Kaja nan hpaji chye ,labau chye ai,Mungdan a lam chye ai ni gaw mara n mu ai sha grau grau pi n gun jaw nga ai.
Hpa majaw nga yang Pyin Lon myit hkrum ga shaka laika kaw nan anhte Mung Daw masum (Shann,Kachin,Shin State) ni gaw a ten ladaw n lata ai sha tinang ra sharawng ai ten hta tinang mungdaw tinang uphkang na matu mai garan ai ahkaw ahkang lawm nga ai.Ngam nga ai Mungdaw (Kayar,Karin,Mon,Rakhaing State) ni gaw Pyin Lon ga shaka kaw n lawm ai.
Moi English ni up hkang wa ai shaloi anhte Jinghpaw ,Hkang hte Sam mung ni gaw English ni uphkang ai n pu kaw n lawm nga ai.San San re nga ai mung daw ni rai nga ai.English ni pru mat wa na shaloi anhte Mungdaw (Bum hte Layang ) ni hte Myen Mung ting jawm gum hpawn,pawng hkawm na i ,garan na i ngu ai Pin Lon Ga Shaka la ai lam byin pru wa ai rai nga ai.Dai majaw sha Myen Mung shang lawt lu wa ai lam re.
Dai majaw lani mi hta anhte Jinghpaw Mungdaw hpe anhte Jinghpaw ni nan uphkang na ahkaw ahkang dai hpe lu hkra marai hkum din dek hpaji lam,sasana lam ,Mungdan lam ni hta ta tut shakut shaja sa wa ga ngu n gun jaw dat ga ai.
.jpg)
