 |
| Mai Ja Yang / Photo: kachin today |
Mai Ja Yang Buga Sasana Boarder kaw na jawngma marai (149) kaw COVID-19 ana jep mu lu ai lam, Sinpraw Ginwang Ginjaw COVID-19 ana zinli makawp ninghkap komiti kaw na chye lu ai.
Ana jep mu ai jahpan gaw Boarder jawngma ni a laksan jahpan rai nna, Swab jep da dingyang naw rai nga ai majaw Positive jahpan jat wa na masa naw nga ai lam maram chye lu ai.
Ya aten Mai Ja Yang muklum kata COVID-19 Positive byin nna tsi gawn lajang hkam la nga ai masha marai (835) nga ai hta, Positive kaw nna Negative gale ai marai (173) gaw Negative gawn lajang dabang hta hkamja lam masam maram hkam la nga dingyang re.
Mai Ja Yang kata COVID-19 positive masha ni hpe G Center ngu masat da ai Federal Law Acadmy jawng wang, Mai Ja Yang College jawng wang, RC Boarder, Father Boader hte Law Jawng makau na gawn lajang dabang ni hta masha garan nhtawm tsi gawn lajang ya nga dingyang re hpe mung chye lu ai.
COVID-19 ana jep mu ai Tinang Uphkang ginra Ginjaw Ginra Ginwang Ginjaw, Sinpraw Ginwang Ginjaw, Dingdung Ginwang Ginjaw, Putao Ginwang, Sinpraw Dingdung Ginwang Ginjaw, Law Hkawng Ginwang shara ni hta mung ya aten hkawm sa hkawm wa ahkang pat hkum da ding yang re hpe chye lu ai.
.jpg)
No comments:
Post a Comment
N dai post hpe hti ya ai majaw chye ju kaba sai.Ning mu ka da ga.Download link mat taw ai rai yang comment ka da ya rit.Link nnan bai jaw na re.