Ndai laika gaw Jinghpaw Wunpawng Myu sha ni a shawnglam gam maka, asak hkrung na masa hpe dam lada ai hku nna, Mungdan kaba rai nga ai India, Miwa hte American ni a mung masa hka leng kaba kaw na Kachin ni asak hkrung lawt lam,Galu kaba wa na lam ni hpe sharin ai mai ai laika re.
Grau nna gaw anhte Myen Mung Dingdung maga na nga sat nga sa lam ni hte kaga lam ni hpe madung da nna ka da ai laika rai nga ai.Laika n dai galaw shapraw ai hte seng nna Sara Dan Seng Lawn gaw "Jinghpaw ni mungdan hkan a lam ni hpe grau myit shang sha,myit lawm wa hkra,dai hta n-ga Jinghpaw Mungdan a lam hpe kaga lam nnan hku mu mada,hkan hkaja la lu nna,machye machyang nnan ni jat wa na matu hte Mungdan langai a lam hpe Asuya ni sha mai galaw ai n re tinang na Mungdaw hta Mungdaw hku nna mai galaw ai lam ni hpe tang madun da ai lam re" nga nna tsun ai.
Dai laika ka shapraw ai shaloi mayak lam ni hpe mung"ngai tsun mayu ai lam hpe dantawk htawk madun na jinghpaw laika si ni tam yak ai lam,n kau ga si ni gaw jinghpaw hku nnga ai ,nga tim mung ngai n chye ai mung lawm,Dictionary mung tsawm mara lang ra mat ai,ga si nnan ni hpe mung ni htep dik htum laika hti ai ni chye na na matu jinghpaw ga hte gara hku ka na ngu ga si tam ai lam hta yak hkak ai lam nga ai"nga nna tsun lai wa ai.
Sara Dan Seng Lawn hku nna, n dai laika byin pru wa na matu Shata 8 ram aten la galaw shapraw ai lam re hpe chye lu ai.
N dai laika hpe Humanity Institute (kachinland Research Center) kaw nna langai mi Ks-6000 hte dut shabra ya na re lam chye lu ai.
Dai majaw W. P ramma ni ,Nu Wa ni yawng n dai laika hpe hti hkaja let n gun jaw la ga law
Ref:
The Kachin Time
LA Kumhtat fb.
.jpg)
