"NLung Nnan Sha Poi" Byin Wa Ai Labau

"NLung Nnan Sha Poi" Byin wa ai labau

Wunpawng myusha ni a poi kaba lamang langai rai nga ai N-lung N-nan sha poi gaw, lai wa sai shaning 10000 BC(8000) lahta kaw nna ya daini du hkra galaw nga ai re.

Hpa majaw poi ndai byin pru wa ai i Nga yang... anhte myusha ni gaw " Yagyi-Mam" hpe shawng nnan sha ga ai. Raitim n hkru sha ai sha n-ga, shaning shagu "hku hku" lai wa sai.

Hpa majaw hku hku i nga yang Yagyi hpe law law sharun gaji mi sha lu ai majaw nhkru sha ai re.

Dai hpang N-gu si(htu nra ai n-gu si hpun)hpe bai sha lai wa sai; dai shaloi mung "hku hku" ai.

Hpa majaw hku hku i nga yang Man nli la nmai ai hpun re, shara htawt hkrai mung nmai shi tu ai shara kaw sha nga ai majaw re.

Hku nau hku ai majaw hkru kat wa lu na matu, shu la lu ai nsi naisi man ni hpe shawng nnan Karai Kasang kaw ap nawng chyeju dum chyeju shakawn let sha hpang wa ai.

Dai hpang ya dai ni anhte sha nga ai "N-gu Mam hpun" hpe bai lu tam let hkru hkru kat kat lu sha wa ai gaw ya dai ni na ten du hkra re.

Ya daini anhte amyu ni sha nga ai Man hpun hpe gaw Nam kaw na lu gap la ai Ura a ma-u hpe tsan nna nta shawng kaw gabai da ai kaw ten na yang dai Ura ma-u kaw nna Mam hpun tu wa ai hta shi asi ni mayat maya gumja gumhpra kaba wa ai, de hpang asi sha yu yang sha mai ai kaw nna daini anhte sha nga ai Mam n-gu hpun hpe lu wa ai re.

Karai kasang shamam ya ai Nsi, Naisi, NaiMam hpe chyeju shakawn #mahkawn_sha_ai (kabu gara rau jawmlu/sha ai) lamang hpe "NLung Nnan Sha" ngu tsun shamying ai kaw nna "Nlung Nnan sha poi" byin wa ai re.

Moi de gaw gahtawng shi(10) ram hpe shara mi mahkawng rai, gahti galai mare hpe masat rai shaning shagu "Nlung Nnan Sha Poi" galaw ai re.Dai ni na anhte a prat hta ndai "Nlung Nnan Sha Poi" hpe masat masa n-galaw ai sha n-ga shamat kau ai de du wa nga sai.

Anhte Wunpawng myusha ni a Poi kaba gaw " Nlung Nnan Sha Poi" sha nga ai re majaw dai ning 2018 November 13,14,15,16 ya kaw nna tara shang mungkan hta ndau masat sai poi hpe awng dang hkra Wunpawng myusha yawng shang lawm ga ngu hkungga let ga saw dat n-ngai.

WHG