Wunpawng Htunghking Hpung Ginjaw kaw nna 2018 ning Nlung Nnan sha poi woi galaw na

Wunpawng Htunghking Hpung Ginjaw kawn, N-Lung N-Nan sha poi shabyin shatai hpaw ai lam

Jinghpaw Wunpawng myusha ni a masat masa poi lamang langai rai nga ai N-lung N-nan sha poi gaw, lai wa sai shaning 10000 BC(8000) lahta kaw nna ya daini du hkra galaw nga ai re.

Hpa majaw poi ndai byin pru wa ai i
Nga yang... anhte myusha ni gaw " Yagyi-Mam" hpe shawng nnan sha ga ai. Raitim n hkru sha ai sha n-ga, shaning shagu "hku hku" lai wa sai
Dai hpang N-gu si(htu nra ai n-gu si hpun)hpe bai sha lai wa sai; dai shaloi mung "hku hku" ai.

Hku nau hku ai majaw hkru kat wa lu na matu, shu la lu ai nsi naisi mam ni hpe shawng nnan Karai Kasang kaw ap nawng chyeju dum chyeju shakawn let sha hpang wa ai.
Dai hpang ya dai ni anhte sha nga ai "N-gu Mam hpun" hpe bai lu tam let hkru hkru kat kat lu sha wa ai gaw ya dai ni na ten du hkra re.
Karai kasang shamam ya ai Nsi, Naisi, NaiMam hpe chyeju shakawn
#mahkawn_sha_ai (kabu gara rau jawmlu/sha ai) lamang hpe "NLung Nnan Sha Poi" ngu tsun shamying ai re.
2018 ning hta mung Wunpawng sha ni hpe Karai Kasang jaw da ai tsawm htap ai Htunghking Nlung Nnan sha poi hpe galaw na ga ai.
__________________

Poi mahkyen

2018 ning November shata
13 ya shani manam zup na.
14 ya shani gaw Wunpawng myusha ni yawng tinang shu la lu ai nsi naisi naimam ni hpe Karai Kasang kaw hkungga ap kyu hpyi hpawng galaw na. Wunpawng myusha ni yawng "Nlung Nan Sha Poi Manau" nau nau na.
15 ya shani gaw du sa ai ni yawng Nlung Nnan hpe rau jawm lu jawm sha ngut ai hpang Manau nau na.
16 ya shani gaw ma nam bra na re.

Mungkan hta anhte amyu sha ni a tara shang " N-lung N-nan sha poi" hpe masat ai poi kaba langai mung re majaw Wunpawng myu sha ni yawng sa du, shang lawm, Garum lawm, Sha-ang sha-tsam wa ai lamang shagu hta mung kabu gara rai shanglawm gunhpai lawm ga ngu hkungga let saw lajin dat ga ai.

Wunpawng Htunghking Hpung Ginjaw