Myitkyina Mare kaba kaw dai ni 15.07.2016 (Bat manga ya) ya jahpawt manap maga marang kaba htu ai majaw shara shagu hka lim ai lam chye lu ai.Mali hka nu kaba ai majaw lim ai gaw n re ai .Marang hka a majaw dai hku byin ai rai nga ai.
Shatapru kaw Simsa Lawk,Nau Ra Lawk,Mung Cying lawk hte Aye Myar Thar Yar,Yuzana Mali Yang lawk hkan nta grup grup marang hka lim nna lai wa lai sa yak nga ai hpe mu lu ai.
Dai hta n ga,Wan leng lam hkan mung marang hka lim ai majaw malu masha num si nam saw ni htaw ai Kung Tsi wan leng n mai lai mat ai majaw dai ni jang nan manu kachyi mi tsaw mat ai lam chye lu ai.
N dai hpe yu yang hpang de grau grau jam jau n hkrum sha hkra anhte Myitkyina kaw n daw hka ni lwi yawng mat na matu n daw hka lam ni hpe seng ang ai ni kaw na tau hkrau shajin masing tawn da nna ta tut atsawm galaw ra nga sai hpe mu lu ai.
Ya ten Myitkyina kaw nga ai mare masha ni n dai zawn hkam sha ra ai majaw seng ang ai Mare Uphkang du ni hpe mara shagun nga ma ai.Dai hta n-ga Myit Sone Hka Dam hpe bai matut galaw na mahku masing ni nga lam hpe mung ja ja ninghkap n-gun madun ra sai re nga nna mare masha ni tsun jahta ma ai.
.jpg)
