Tsaban 21 Panglung Zuphpawng A Matu Tau Hkyen Shajin Komiti Ni Zuphpawng Galaw

Tsaban 21 Panglung zuphpawng tau hkyen shajin Komiti zuphpawng hta Myen Mung a hpaji jaw Slg. Daw Awng San Suu Kyi shi hkum nan du dung lawm nhtawm Nay Pyi Daw kaw July (3) ya shani kaw nna hpawng hpang nga sai lam sagawn chye lu ai.

Zuphpawng tau hkyen shajin Komiti kaw nna Mungdan kata nga ai laknak lang wuhpung ni hte bawngban jahkrup da lu sai lam ni hpe tang madun nhtawm Daw  Awng San Suu  Kyi kaw nna ra nga ai lam ni hpe jahkum shatsup hpaji jaw ai lam nga ai. Zuphpawng gaw nhtoi (4) ya daram na na re lam hpe mung chye lu ai.

Daw Awng San Suu Kyi hte NCA lekmat garai nhtu ai wuhpung wuhpawng ni a ningbaw ni ndai shata laman Tsaban 21 Panglung zuhpawng hte seng nna hkrumzup na rai nhtawm, Zuphpawng madung hpe gaw du wa na August shata hpang jahtum na bat hta galaw lu na matu shajin nga ai lam shiga dap ni law law hta tang madun da ai hpe mu lu ai.

By:
http://kachinnet.net/archives/4890