Hkristan
ningbaw/la a atsam hpe shi hpa baw galaw lu ai ngu ai hte n shadawn ai sha, shi
woi awn ai masha ni ganing re ai atsam ningja ni rawng wa ai, kaning re ai
magam bungli ni hpe awng dang hkra lu galaw ai ngu ai hte she shadawn ai re.
A. Ningba/la ni a ru di lit lamang (Basic
roles of leaders)
(1)
Shingran pra pra nga ra ai
(2) tinang woi awn ai hku hpung masha ni hpe tinang
a shingran hpe myitmu/hkut hte hkan nang na matu, n-gun atsam jaw lu ra ai
(3)
shingran hta hkan nna ahkyak dik manu madung
(core values) ni hpe masat nna, hpung a lamang shagu dai core values hpe
dep hkap lu hkra woi ra ai.
(4) Shingran hta hkan nna dai shingran awng dang
hkra woi awn na ningbaw ni,arung arai ni, gumhpaw ni, aten ni hpe shi hte shi hkrak hkrak shara jaw jai
lang lu hkra woi awn ra ai (n nga jang ladat shaw shalat la ra ai)
(5) K.K jaw
ai shingran hta hkan nna, htap htuk ai aten masa hpe maram yu let galai shai ra
ai lam ni hpe woi galai shai chye ra ai
(6) Shawng de byin pru wa mai ai lam ni
hpe tau chye mu ai hte masa htuk hkra chye hparan chye ra ai
(7) Hpung masha ni
yawng hpung a shingran hta shang lawm lu hkra garum ai, n gun atsam jaw ai,
sharin jahpat ai, lam ni woi galaw ra ai.
(8) kaji htum ai wa (sh) mayam zawn
daw jau ra ai
(9) Hpajau hpala wa zawn galaw gun hpai ra ai
(10) sagu rem wa
zawn woi awn makawp maga bau rem ra ai.
B.Hkristan Ningbaw/la A Ahkyak Dik Maka Kum La Ni
1.Shawng lam shingran nga ai: (a) K.K jaw
ai (b) wenyi lam hte seng ai (c) tup hkrak asan apra re ai (d) shadawn shadang
masat mai ai (e) grau kam sham myit lu la shangun ai shingran lu la da ra ai.
2, Shingran dik tup wa hkra
galaw gun hpai amyu ai myit rawng ai: (a) myit daw dan ai (b) ap nawng ai (c) awng
dang hkra galaw na myit jahkut ai lam nga ra ai. 3. Tinang hkum myit sharawt n-gun la chye ai: Kadai myit sharawt n-gun jaw ai lam nnga tim, K.K kaw na shingran re ai majaw kam sham myit hte myit rawt/n-gun lu ai lam nga ra ai.
4. Tinang hkum tinang rit kawp tara tawn nna asak hkrung ai: Kadai shadut ai n re ai sha, K.K shatsam magam awng dang na matu rit kawp hte hkrak rai daw jau ai. (a) akyu hpyi ai (b) nawku daw jau ai (c) aten manu shadan ai (d) nse nsa lam koi ai (e) shada kanawn mazum lam shagreng ai lam ni hpe aten jaw manu shadan ra ai.
5. Ding yang re ai masa jai lang ai: (a) palu pale n re ai (b) ya myu mi jahkring rai jang myu mi n re ai (c) sadi dung ai. (d) Theological trend ngang ra ai.
6. Htau li htau la myit rawng ai: (a) kyang lai len (b) myit sawn ai (c) tsun shaga ai (d) galaw gun hpai ai lam ni greng ra zeng ra ai.
7. Shagrit shanem ai hte sharin achyin hkam la mayu ai myit rawng ai.
8. Hpaji beng-ya hpe tsaw ra ai. Knowledge nga ra ai hte dai hpe K.K
sharawng awng ai hku chye jai lang ra ai.
9. myit jasat, hkum hkrang, wenyi hte kanawn mazup lam ni rap rap ra ra
galu kaba wa ra ai. 10. K.K hte mung masha ni hte mung kanawn mzum lam kung hpan wa ra ai.
11. mani pyaw hpa woi galaw chye ai
12. makit mahkai/matut mahkai lam kaja hkra chye gaw gap ai
13. kaga wa tsun ai hpe madat ya chye ai
14. tsun shaga ai lam hta hkrak ai
15.
Shingkang ka-up lu ai
16. Ning shawng tai ai, rai tim yawng hte pu pu le le kanawn ai . 17. Ningbaw/la atsam grau grau jat wa hkra shakut ai.((a) expressing
your leadership authority strength (b) leaders must initiate and maintain
action (c) understanding the chain of authority:you must stay under authority
of God)
18. Shut shai mat
ai lam ni kaw nna sharin la chye ai
19. Lam shagu hta K.K a arawng sadang she re
lam hpe hkam la ai hte shakawn shagrau chye ra ai.
C. Ningbaw/la atsam jat wa shangun ai lam yan
masa masum.
1. Myit masa/manaw jaw ra ai (Right attitudes): (a)Shi a
mungdan hte dinghpring ai lam shawng tam ra ai (Mt 6:33).{Yehowa hte shi a
n-gun atsam hpe tam san mu; shi a myi man hpe tut nawng e hkan tam mu (Sh.k
105:4)}.(b) Kaja ai hku chye myit la ai myit manaw (Positive attitude):K.K a
lam mai kaja nga ai; byin wa ai masa yawng hpe positive hte challenge hku chye
hta la ai; hpaji jaw ai lam ni hte kaga wa a ntsa mai kaja ai myit hte hkap la
chye ai. (c) galung ai mahkri shawn nga ai lam (integrity):wenyi lam, kyang
shingni, myit masa dingman lam, galaw gun hpai ai lam ni gaw hpilo/theo masa
langai sha hpe madi madun nga ra ai. (d) Ap nawng ai madang tsaw ra ai (High
commitment): Submit totally to Jesus, his ministry and church.(e) shakut
sharang ai hkam sharang ai (persistency): Gunglau ai, ahpayk shatan ai, jahten
ai, hki ba lit li hkrum ai lam ni hpe tawt lai lu ra ai (tsadan nga ai/limited
body hte nga ai majaw re)(f) shakut shaja ai (diligence): K.K gaw bungli galaw
ai K.K re. Dai ni mung galaw nga ai (Jn 5:17).Tsaw ra ai hte sharawng awng ai
hte shakut shaja gun hpai ra ai.
2. Atsam ningja jat wa ra ai (professional
capacity):K.K a hpung shingkang hte hkrung nga ai wa gaw atsam ningja jat wa
ra ai (a) Akyu hpyi & Chyum laika hti hka ja ai & Chyoi pra ai Wenyi a
lam madun ai hpe tam ai (b) K.K masa lam yan ni hpe hkaja ai (c) Yesu a sasana/nawku
hpung a lam hkaja ai (d) mungkan a lam hte machye machyang jat wa hkra hkaja nna,
Karai masa hte mahkri jahsawn la chye ai.
3. Woi awn ai atsam jat wa hkra shaman ai
(leading ability): (a) Yesu hte magam gun ningbaw ningla ni a
kasi hkan ai hte kaga ni hpe kasi tai let woi awn lu hkra shakut ai (Choose
mentors for yourself and become a mentor for others) (b)Tangdu ai hku tsun
shaga, hkaw tsun, matsun madun lu hkra shakut ai (speak successfully) (c) tara
rap ra ai lam hpe madun nga lu hkra shakut ra ai (show fairness): up hkang lam,
hparan hpareng lam, kanawn mazum lam ni hta rap ra hkra shakut ra ai (d)rang
rip/ jahpoi ahpyak ai lam hpe myit n hkang ai sha n mai tai ai ( Don't respond
to critics emotionally): myit n su ai wa pawt kahtet yang, alawan dan nga ai;
hpaji rawng ai wa chyawm gaw, kaya kahpa ip da nga ai. (e) Tinang hkum tinang
ap nawng daw jau ai myit rawng wa hkra myit sharawt ya chye ai lam kung kyang
wa ra ai ((motivate memebers to dedicate themselves)(f) masa shen yu ai hte Zai
ladat hpaji rawng ra ai (have a sense of balance):Yesu sape ni hpe htet ai ga
hta "lapu zawn hpaji rawng nna, hkrudu zawn myit shngdi nga mu (Mt
10:16" ngu ai re). (g) zeng ai, lawan ai, ram ai, tsawm ai (Be Smart) hku
chye woi awn ra ai.
Ga Hpungdim
Wagyi wakam hkyeng sai ni tsun chye ai ga
gaw, "Nau shawng n chye yang nau chyat chyat ai, dumsa n chye yang abaw
sin ai da". Chyurum W.P sha ni hta wenyi kawa hku woi awn ningshawng lu ai
ningbaw ningla ni lawan paw pru wa ai hte, wungli lu wundan pru ai amyu tai wa
hkra woi awn lu mu ga. To God Be The Glory!
Rev. Dr. Lahpai Awng Li
MIT, Insein, Yangon.
19
June, 2016.
http://kachinonlineministry.blogspot.com/2016/06/view-hkristan-nigbawx2fla-lai-kasi-on.html
.jpg)
