K.I.A Hpyen Dap, Tinang A Hpyen Dap, Tinang Nan Tsaw Ra Makawp Maga Ra, Tinang Nan Shangang Shakang Ra

by Kachin Channel on 10:29 AM in jinghpaw mung shiga, mung masa, MYU SHA LAM, Shiga

Labau hku bai yu ga nga yang anhte Kachin ngu ai Wunpawng myu sha ni gaw hpyen majan hkrai gasat nna nga pra hkrat wa ai hpe mu lu ai, hpyen majan hte Wunpawng gaw galoi mung rau ginrun nga ra ga ai. Lai wa sai 300 B.C daram kaw nna Wunpaw sha ni hpyen majan gasat nga ai gaw dai ni A.D 2015 du hkra rai nga ga ai, ya mung majan gaw naw gasat ra nga ga ai, Wunpawng sha ni hte majan gaw naw ginrun ra nga ga ai. "Myanmar" ngu ai ndai mungdan hta annau ni 1961 ning kaw na she rawt malan hpang ai rai tim Wunpawng sha ni hte gasat ai majan she grau laja nga ai. Karai Kasang gaw ndai Mungdan hpe anhte Kachin Wunpawng ni a lata de ap da sai re majaw annau ni a lit gaw ndai mungdan hpe hkye shalawt na lit rai nga ai.....

Ya mung Rawt Malan hpung ni yawng a ningbaw gaw annu ni sha rai nga ai.....htawm hpang du na ten hta mung ndai mungdan a ningbaw gaw anhte Kachin Wunpawng ni sha rai wa na re, rai ra chyalu re.....rai mung rai taw nga sai hku re......Dai majaw ya gaw ladaw langai mi naw lai di ra nga ga ai, kade nna yang nhtoi htoi wa sana re, Wunpawng Amyu sha ni yawng galaw ra na lit gaw....Karai Kasang ap da ai lit rai nga ai ndai mungdan hpe hkye hkrang shalawt na lit hpe yawng gun hpai ra nga ga ai......dai majaw ya yang amyu sha Rawt Malan lam hta lam amyu myu hku nna shang lawm nga sai zawn, K.I.A hpyen dap de mung lawan ai hku hpyen shang na grai ahkyak nga sai....

K.IA Hpyen dap gaw anhte Kachin Wunpawng ni yawng a hpyen dap re....tinang nan madu ai hpyen dap re, tinang na re, masha ni kaw na hkoi shap da ai hpyen dap nre, ndai hpyen dap hpe tinang nan tsaw ra ra ai, shangang shakang ra nga ai. Dai majaw K.I.A Shanglawt hpyen dap de Myit Su Salang nnga, Ramma nnga lawan dik ai hku hpyen shang nna tinang a hpyen dap hpe n'gun kaba wa hkra galaw ra nga ga ai.....dai majaw asak aprat naw ram ai ramma ni yawng K.I.A hpyen dap de shang saga ngu saw lajin dat ai law.......

Myu Tsaw Kasa