Netherlands Mungdan kaw nga ai Jinghpaw Myusha Ni Brussels kaw N-Gun sa Madun

 

19,January, 2015 ya shani, Myen Hkring Mang Rung nga ai, Belgium mungdan Brussels mare kaba kaw nga ai Myen Hkring Mang Rung Netherlands mungdan hta shanu nga ai Wunpawng myu sha ni kawn n-gun madun lata sharawt hpyi shawn ai lam hpe galaw la lu sai lam na chye lu ai. Ndai lamang hta Mon, Rakhai, Sam, Kayin hpu nau ni hte NLD ni mung sa du shang lawm ai, yawng rai yang marai (51) tup re. lam hpe mung matut chye lu ai.

19 january, shata hta roi rip sat hkrum ai, KBC a hpaji sasana Sarama yan a manghkang hpe ya na Thein Sein asuya kawn teng teng man man lawan ladan sawk sagawn nhtawm, seng ang ai ni hpe ahkyak la ya na matu madung yaw shada let sa hpyi shawn ai re lam. 19 nov 2014, Laiza KIO hpyen du jawng hpe sinat kaba hte gap bun ai majaw, jawng ma 23 tup hkrat sum mat ai hpe mung lawan mahtai jaw hparan ya na matu.

Hpyen yen ni hpe mara kata rim zing-ri sat, htawng bang ai lam ni tsep kawp n galaw na matu hte, hpyen yen ni hpe garum jaw ai malu masha, arung arai ni hpe gashun mya la, lagu la ai ni n-galaw na, bai nna hpyen yen ni hpe garum la nga ai u-hpu u-hpawng ni hpe pat shingdang ai lam, dingbai ding-na jaw ai lam ni tsep kawp n galaw na matu. Mare masha ni hpe bawm tam jak, kaduk shingna hku nna jai lang ai lam ni tsep kawp n galaw na matu.

Dai ni byin nga ai majan mang hkang yawng gaw mung masa a majaw byin ai lam hkrai re majaw, mung masa lam hpe myit hpraw san seng ai hte woi hparan na matu.
UNFC hte NCCT kawn woi awn galaw sa ai lam ni yawng hpe anhte Netherlands du wunpawng myu sha ni yawng tsep kawp madi shadaw ai lam tang madun ai.

Dai majaw anhte Kachin state, kachin sub-state hte kaga ethnic state hkan shara la, du jat ding yang rai nga ai Myen dap yawng hpe tsep kawp lawan dawp kau ya na matu.

Dai ni byin tai nga ai Myen munghpawm mungdan gaw anhte bum nga masha ni rai nga ai Kachin, Shan hte Chin myu sha ni myit hkrum lata masat htu ai Panglong ga sadi kawn hpang wa ai re majaw, Panglong ga sadi hpe manu shadan, rap ra ai tara hte jet ai munghpawm mungdan hpe chyawm gaw gap sa wa lu na matu ni hpe hpyi shawn lai wa sai relam shiga na chye lu ai..

Shana ai,

Slg. Mwihpu Bawk San

Ningbaw KCNL (Kachin Community the Netherlands)

Shiga,

         Lachid Kachin