 |
| Photo - http://kachin.kachinnews.com/ |
Sumprabum ginwang, Mali Hka a sinna hkran hta daju
ai, Wunpawng Mungdan Shanglawt Hpyendap (KIA) Dapba 1 npu Dung 7 a Mali Yang
post hta Myen asuya pawng hpawm dap hte dai hpawt daw kaw nna laja lana gasat
poi byin nga ai lam chye lu ai.
Myen hpyendap maga Myitkyina kaw nna jet bungli 2 mung sa
gap garum ai lam, chye lu ai.
Dai hpawt hkying 9 daram hta, Myen hpyendap maga
shawng Mali Yang post hpe laknak kaba gap ai kaw nna laja lana gasat poi byin
ai re lam, Wunpawng Mungdan Shanglawt Hpung (KIO), Ningtau Ninggawn Amu Madu,
Salang Kaba Labang Doi Pyi Sa, Kachinnews de tsun shateng ai.
Bai nna, Mali Yang lawu KIA Dapba 1 npu Dung 22 a
Lawt Kawng post hpe mung Myen dap ni gaw dai hpawt daw kalang dat gap ai lam,
matut chye lu ai.
Mali Yang post de htu gasat ai Myen dap hta--- Putau
daju Hk.L.Y Masat 46, 137, 138 hte Tanggu Dang (Ahdang) pyitusit hpung,
Myitkyina daju Hk.L.Y Masat 29 hte 37 sha n ga Ywa Htawng (Sagai) daju Dapnu
(Tat-ma) Masat 33 npu dapdung ni lawm ai lam, KIA shiga lawk tsun ai re.
Myen gaw Mali Hka a sinna hkran de KIA hpe n nga
shangun mayu ai majaw, ya na zawn Mali Hka a sinna hkran de nga ai tinang KIA
post lahkawng hpe majan baw gasat wa ai rai na re nga, Slg.Kb Doi Pyi Sa maram
tsun ai.
Ref : http://kachin.kachinnews.com/shiga/shiga/2676-mali-yang-kaw-laja-lana-gasat-poi-byin,-myen-jet-nbungli-2-sa-gap.html
.jpg)
