Panlung ga sadi hte maren Myen hte rau shanglawt rau la na matu myit hkrum da sai
.Inglik asuya ni kaw nna myen mung hpe shanglawt jaw kau na lamang byin pru wa sai.Dai majaw Myen mung gaw Jinghpaw, Sam, Hkang hte Myen rau shanglawt Awmdawm hpe 1948 ning January shata praw 4 ya shani Inglik kaw nna shanglawt lu la sai.
Dai zawn Myen mung shanglawt lu ai hpang Jinghpaw mungdaw ngu ai hpe dai daw na matu mung lamang bai byin wa sai re majaw, myit hkrum da ai ga sadi lamang hte maren Jinghpaw mung hpe masat galaw ai lam hpe 1948 January praw 10 ya shani lamu ga jarit hpe hkrak sha masat la nna Jinghpaw mungdaw hpe dai daw la sai.Ndai Nhtoi hpe Jinghpaw mungdaw nhtoi ngu masat da sai re.
Sam mung maga lawm nga ai Jinghpaw lamu ga ni hpe mung Sam mung kata kaw laksan Kachin Sub-state ngu nna Jinghpaw mungdaw kasha langai hpe laksan dawdan masat da sai. Dai shaloi Jinghpaw mungdaw lamu ga jarit gaw, Kata ginwang hku Sinna maga de India mung jarit du hkra moi shawng de Jinghpaw ni up sha lai wa ai lamu ga yawng hpe shalawm da ai re. Ya Sagaing division ngu myen asuya kaw nna Jinghpaw mung sinna dingdung daw de ajut shalawm da ai lamu ga ni yawng gaw Jinghpaw mung hkrai rai nga ai law..
Jinghpaw Mungdaw hte Mungdaw Nhtoi byin pru wa hkra lam magup sumhpa hku nna shakut shaja lai wa sai KANU KAWA ni yawng hte Chyeju dum ging ai ni yawng hpe Chyeju dum ga ai law...
景颇光音·JAN NSEN】制作团队
总策划：岳扎丫
首席责编：李金慧
本期编辑：戈多
内容提供：Yupmang Tsaw Tsaw
本期校对：岳扎丫
.jpg)
