 |
| Photo:FB |
 |
| Photo:FB |
10/1/2017 ya shani KIA Dap Dung (3) ginra, Sadung Ginwang, Nga Gyang de myen hpyen ni htim gasat shadut sa wa ai majaw Zai Awng Mungga Zup na hpyen yen mung masha ni gaw yahte sha kahtap yen da ai shara kaw na Miwa hkran de shana yuptung ten hta hprawng rap mat wa ai lam na chye lu ai. Miwa hkran e du nga ai hpyen yen ni hpe Miwa Asuya Jarit sin dap hte, Mare sin hpyen hpung ni kawn 11/1/2017 ya jahpawt lagaw lata hte brawng rai sa gawt shachyut ai majaw hpyen yen ni yawng dai hpawt jau tinang Jinghpaw mung hkran de bai rap wa sai lam shiga na chye lu ai.
Hpyen yen ni hpe sa gawt ai Miwa Asuya masha nkau gaw hpyen yen ni hpe maidang htawng ya, gwi wa gawt ai zawn sa gawt ma ai lam na chye lu ai. Miwa hkran Lamyang kahtawng hte Muwun kahtawng hkan na anhte Wunpawng myu sha nkau mung hpyen yen sa gawt ai kaw shang lawm ai re lam na chye lu ai.
Ya na zawn matsan jam jau tsinyam, myit htum myit chyum hkrum nga ai hpyen yen ni hpe bai gawt nhtang ai lam gaw mungkan Rapdaw UN kawn jahkrat da ai hpyen yen ahkaw ahkang tara hpe mung tawt lai sha n'ga, Shinggyim ahkaw ahkang hpe mung tawt lai aibm lam re. Ya na zawn Myit n'su lakawn lanawn myit n'rawng ai Miwa Asuya a arawn alai hpe yawng jawm ninghkap sa wa ga law.
.jpg)
