ကချင်ပြည်နယ်၊ မြစ်ကြီးနားမြို့မှ စည်ပင်သာယာဈေးတွင် တို့ဆေးသုံး၍ လုယက်မှုများရှိကြောင်း မျက်မြင်ကိုယ်တွေ့သိခဲ့ရသူ တစ်ယောက်ကပြောပါတယ်။

ဒါဟာ တစ်ကယ်ဖြစ်ခဲ့တာဖြစ်ကြောင်းတစ်ခြားသူများလည်း ထောက်ခံခဲ့ပြီး မျှဝေသူပေါင်း တစ်ထောင်ကျော်ရှိသည်ကို တွေ့ရသည်။

၂၀၂၁ ဩဂုတ်လ ၂ရက်နေ့မနက်ပိုင်း ၈ နာရီ ခန့်တွင် မြစ်ကြီးနားစျေး(၂)တွင် ကုန်စုံရောင်းနေသူ ဆိုင်ပိုင်ရှင်အား တို့ဆေးဖြင့် ပိုက်ဆံ ၁ သိန်းကျော်ခန့် လိမ်ယူသွားကြောင်း၊ ထို့နည်းတူစွာ စျေးဝယ်သူ အစ်မတစ်ယောက်အား အချိန် ၉ နာရီကျော်တွင် (နင့်ယောက္ခမနဲ့ သိတယ်ဆိုပြီး) တို့ဆေးဖြင့် ရွှေတစ်ကျပ်သားနှင့် ငွေသားများ လိမ်လည်ယူသွားကြောင်း ၊ စျေးဝယ်သူ အစ်မသည် တို့ဆေးပြယ်လာသောအခါ ထိုနေရာတွင် ချုံးပွဲချငိုနေခဲ့ ကြောင်းသိရသည်။

နိုင်ငံရေးအခြေအနေမကောင်းခြင်းနှင့် ကိုဗစ်-၁၉ တတိယလိုင်း လျင်မြန်စွာ ကူးစက်ပြန့်နှံ့နေသောကြောင့် သွားလာရန်ခက်ခဲကာ စီးပွားရေးမပြေလည်၍ ငွေကြေးအခက်အခဲများရှိလာရာ မြို့ပေါ်တွင် ခိုးယူလုယက်မှုများ မကြာခဏဖြစ်ပွားနေသောကြောင့် သတိထားရန် လိုအပ်လာပြီ ဖြစ်ကြောင်း ဒေသခံများ ပြောဆိုနေကြသည်။

Source : The Maung