Nang Hpe Asak Kadun Shangun Ya Lu Ai N kaja ai Akyang 6 (Asak n kaba shi yang jau jau si mat shangun lu ai akyang 6)

Masha Langai hpe a sak n ram shi yang jau jau si mat shangun lu ai ai lam ni hpe Tsi hpaji ninghkring ni hte Hpungtang hpaji ninghkring ni  sawk sagawn tang madun da ai hpe bai garan kachyan ya dat ai.


Shwng de  hpaji ninghkring ni sawksagawn yu ai shaloi Tsa chyaru lu ai,Malu masha hpe shadawn sharam n chye sha ai,lagaw lata hkum hkrang shamu shamawt ai lam n galaw ai hte Malut hka yawm lu ai lam ni gaw masha a sak hpe kadun kau ya lu ai lam ni re hpe tsun madun da ngut sai rai nga ai.

Ya n dai hpaji ninghkring ni hku nna lam lahkawng hpe bai mu jat ma ai.Dai gaw dung ai ten law ai majaw hte yup ai aten n law ai hte nau yup shalai ai a majaw mung masha a sak hpe kadun shangun lu ai nga nna tang madun da  ma ai.

N tsa de htawk madun ai n kaja ai akyang ni yawng hpe galaw chye ai masha langai gaw hkam ja lam hpe hkan sa galaw ai masha wa hte shingdaw yu jang 6 ning laman si na matu tsa lam shadang htam 5 grau law ai nga nna PlOS Medicine tsi hpaji Journal kaw ka madun da ma ai.

Lani mi hta hkring hkum kru hta lai nna dung ai lam,hkum hkrang shamu shamawt ai lam nau n galaw ai,hkying hkum jahku hta jan nna yup chye ai lam ni gaw masha asak hpe si shangun lu ai atsam rawng nga ai.Aten law law dung ai lam hte nau yup shalai ai lam lahkawng yan hpe galaw ai ni gaw,tsa chyaru hte malut hka yawm law law lu ai masha ni hte maren asak n kaba shi yang si mat na lam grau law ai hpe chye lu ai.Dai hta n-ga,shani tup tup rung bungli galaw let dung taw ai akyu hpe shana de maga sha Gym sa gasup ai hte n dang shaprai kau ya lu nga ai nga nna dai hpaji ninghkring ni hkan sagawn yu ai hta tang madun da ma ai.

Australia Mungdan ,Sydney Dakasu  kaw na sawk  sagawn hpaji ninghkring ni woi awn hkaja  yu ai shaloi a sak 45 ning lahta na masha marai sen lahkawng mun masun shang lawm nna kru ning tup hkan sagawn yu ai re hpe chye lu ai.

Laiwa sai n dai shaning nnan daw hta mung Cambrige Dakasu kaw na sawk sagawn sara kaba ni tsun ai hta lani mi hkying hkum matsat hta jan nna galoi mung yup chye ai ni gaw kaga masha ni hta salum ana byin na lam grau law nna num ni hta grau byin chye ai majaw grai sadi ra ai nga nna tsun da ma ai.

Shinggyim masha hpe si shangun lu ai lam 3 hta na numbat masum gaw tinang hkum hkrang hkam ja lam hpe hkra ai n kaja ai akyang ni a majaw re ai lam chye lu ai.

Ref : Dailymail