သတင်းအစုံဖတ်နိုင်ရန် Wunzup News Blog သို့သွားပါ👇👇

Ad 300x250

Breaking

Showing posts with label matsing hpa. Show all posts
Showing posts with label matsing hpa. Show all posts

21 August, 2018

10:01 PM

ဂ်ဴးလူမ်ိဳးတို႔၏ ထင္ရွားေသာစကားပံုမ်ား



၁။ ေရညစ္တစ္စက္ေၾကာင့္ ေရၾကည္တစ္ခြက္ ညစ္ပတ္သြားတတ္တယ္။ ေရၾကည္တစ္စက္ေၾကာင့္ ေရညစ္တစ္ခြက္ ဘယ္ေတာ့မွ ၾကည္လင္လာမွာ မဟုုတ္ပါဘူး။
၂။ ဘယ္သူ႔မွ ခုုိးယူမသြားႏိုုင္တဲ့ အရာသံုုးမ်ဳိး ရိွတယ္။
ဗိုက္ထဲကိုု ၀င္ၿပီးတဲ့ အစာ၊ စိတ္အတြင္းထဲက အိမ္မက္နဲ႔ ဦးေႏွာက္ထဲအထိ ဖတ္မွတ္ထားတဲ့ စာေကာင္းေပမြန္မ်ား ျဖစ္ပါတယ္။
၃။ ျမင္းေတြဟာ ေပ်ာ့ေျပာင္းတဲ့ လမ္းေပၚမွာ ခြာလိပ္သြားတတ္သလို။ လူေတြဟာလည္း ခ်ဳိျမေသာစကားသံမ်ားၾကားမွာ ႏွစ္မြန္းသြားတတ္တယ္။
၄။ လူ႕ ဘ၀ခရီးမွာ ကံဆိုုးျခင္းနဲ႔ ကံေကာင္းျခင္းဆိုုတာ သဲသဲကြဲကြဲ မခြဲထားပါဘူး။ ကံဆိုုးျခင္းကေန ရုုန္းထြက္ႏိုုင္ရင္ ကံေကာင္းျခင္းျဖစ္ၿပီး၊ ကံေကာင္းျခင္းအေပၚ ဇိမ္ခံေနရင္ ကံဆိုုးျခင္း ျဖစ္လာတတ္သည္။
၅။ တကယ္လိုု႔ သင္စာမဖတ္ခဲ့ဘူး ဆုုိရင္ မိုုင္ေပါင္း တစ္ေသာင္း ခရီးထြက္ရင္လည္း စာပိုု႔လုုလင္ တဦးအျဖစ္သာ ရွိေနမည္။
၆။ သင့္ရဲ႕ အိမ္နီးနားခ်င္း မနက္ ( ၂ )နာရီအထိ စႏၵာယားတီးေနရင္လည္း စိတ္မဆိုုးပါနဲ႔၊ သူ႔ကိုု မနက္ ( ၄ )နာရီမွာႏူိးၿပီး ၊ နားေထာင္လိုု႔ အရမ္းေကာင္းေၾကာင္း ေျပာျပလိုုက္ပါ။
ရ။ သင္ ေစာင့္ေမ်ွာ္သူျဖစ္ေနမယ္ဆိုုရင္ ေျပာင္းလဲမူ တစ္ခုုသာ ျဖစ္ေပၚျပီး အဲဒါက သင္အိုုသြားျခင္းပါပဲ။
၈။ သူငယ္ခ်င္းအစစ္ဆိုုတာ ေျပာမကုုန္တဲ့ စကားေတြ ရိွေနတာမဟုုတ္ပဲ။ ေျပာစရာမရိွတဲ့ အခ်ိန္ကိုလည္း ေအာင့္သက္သက္ မခံစားရျခင္းပါ။
၉ ။ အခ်ိန္ဟာ စိတ္အနာကိုု ကုုစားနိုုင္တဲ့ သမားေတာ္ႀကီးျဖစ္ေပမယ့္ ျပႆနာကိုု ေျဖရွင္းေပးႏိုုင္တဲ့ ဆရာႀကီးေတာ့ မဟုုတ္ပါဘူး ။
၁၀။ ႀကိဳးစားၿပီးမွ ေနာင္တရ ရင္ ရ ပါေစ၊ မႀကိဳးစားပဲ လႊဲသြားတဲ့ ေနာင္တမ်ဳိးေတာ့ မျဖစ္ပါေစနဲ႔။

Credit


0
Written By Ka ai ten No comments:
Seng ang ai ga baw , ,

14 August, 2018

6:10 PM

"Wa Si Hka hta, Majoi Joi Wa" Ngu ai Ga Malai Byin Wa Ai Lam

Mangshi Manau Poi hta Htunghking malu masha sha taw ai sumla /Photo : FB


Shawng de, mare langai mi hta dingla langai gaw nrim rim wa ai ten e..htingbu htingwan de wam hkawm chyai ai da. Dai zawn wam hkawm ai shaloi; wa hkyi kabye hkrup ai da. Wa hkyi kabye hkrup nna kashawt ai hte rau, nga hkyi sumpum hpe mung kabye magra hkrup sai da. Shaloi shi gaw, shi chyu chyu grai pawt nna, wa kasha kabye sai law ngu, marawn jahtau ai da.

Hpang shani rai yang, ang sha-à rai dai shara kaw wa kasha langai si taw ai da. Dai hpe wa kasha madu ni gaw mana de marawn jahtau ai dingla wa kabye sat ai re ngu myit la nna, dai dingla hpe shawa sha ma ai da.( kaja wa nga yang, dai wa chyasi gaw dingla hpe manawn ai wa e sa tawn da ai re da).

✏ Aten ahkying hta hkan nna ga shaga chye ra ai, tinang a pawt mayu ai myit hta n mai machyu ai, tinang hpe manawn ai ni, tinang a hpyen ni gaw galoi mung tinang hte yep re, tinang mi n rai tim, ga shaga shut ai a nhkan e, hka wa ra wa ai ✏

Wa hkyi kabye ai hpe wa kasha kabye sai ngu tsun shut ai sha pyi, hka wa ra ai. Ndai hta grau ahkyak ai lam ni hta gaw grau nna sadi maja let tsun shaga ra ai. Dai majaw, moi na ni gaw, "wa hkyi kabye na lu, wa si hka hta tai na lu" nga nna tsun shadum hkat ma ai...

Ndai ga malai hte lachyum bung nga ai ga malai ni gaw;...
✉ Ga baw ja shaw, ga hta ja da.
✉ Ga tsun ga law, bau dum bau waw.
✉ Udi hta sha ai gaw Uhka, ninggung katut ai gaw Ngai. nga ai ga malai ni rai nga ai law....

 Shapawng Yawng Jinghpaw ga malai laika buk, laika man 120


 Npawt : Visit
0
Written By Ka ai ten No comments:
Seng ang ai ga baw , , ,

08 August, 2018

11:20 PM

Chyum Laika Kaw Na Anhte hte Nau n hkau ai, Ga Si Ni a Lachyum N-kau ni

Chyum laika kaw na Anhte hte nau n hkau ai, ga si ni a lachyum nkau mi
1. Nai mam chyakai ( NN 1:11 ) = Nli tum rawng ai hte tu makru chye ai ni yawng...........,,,,,,,,,
2. Agaw jaw wu ai (NN 3:6)= Shagwi ai hte asawng ai, n sha, sha hkra jaw lu jaw sha ai..(Ma Naw hpe n-gun nga u ga, n-gu ntsin agaw jaw mu).
3. Tseng di ap ya nu ai ( NN 23:18) = Up hkang hparan lu na ahkaw ahkang ap ya ai. Bungli ni yawng Ngai hpe Tseng di ap ya na Ngai ra sharawng nngai...
4. At ( Pru 1:7 ) = Hpring At nga ma ai... N-gun lapyin rawng ai hte hprim tup, hpring dem law htam mayat maya ai..
Kawa wa hpang langai mi hta kawa 10 tu ai.Bai rawt jat makru ai gaw, 20,30, rai nna tu wa yang, kawa makru At ti tu nga ai rai..,,.Dai wahpang hta kawa makru At nga ai.
5. Nhtut ( Pru 5:4) = Nta htut sai...Aten ladaw ahkying aten htum nna dingsa wa ai majaw, hten run ai. Labu palawng htut sai galai ra sai..
Nhtut = Daw hka garan mat na ten du tim, myit masin noi nang shangun ai..
6. Laba du ( Pru 15:3) = Chyahtum chyai ning-gun rawng ai wa. Masha hta jan jan ning-gun lapyin rawng ai wa.
7. Hkau mi hte hkau mi ( Pru 17:1) = Wuhpung mi hte wuhpung mi = hpung mi hte hpung mi.
8. Sake manawn ( Esaia 1:23. 5:22 hte Hpaji ningli 7:7) = Sake manawn ngu ai gaw.." mayun kumhpa " hpe tsun ai rai mali ai...
9. Htingwang ( Shawlomon a mahkawn ga 3:2).
Mare htingwang - Mare grup grup, mare grup yin...
10. Shulami Num ( Shawlomon a mahkawn ga 6:13 ) = N kaja ai num.
✖ Mungding ga, Laika buk, Hkawp Pungwa ✖





❀ Manam Shan Lum ❀
0
Written By Ka ai ten No comments:
Seng ang ai ga baw , ,

11 July, 2016

6:34 PM

Mung Kan Masha Jahpan mabyin masa [World Population Day]



1987 ning July 11 ya shani Mungkan masha jahpan wan manga (5,000,000) hpring ai shani rai nga ai.UN shi ga dap kaw nna dai shani hpe ‘Five Billion Day” ngu n dau da sai.Dai hpang lahkawng ning na ai hpang July 11 ya shani hpe “Mungkan Masha Jahpan Nhtoi (World Population Day) “ ngu nna shaning shagu masat tawn da na hku bai n dau da mat sai.

Mungkan ga n tsa kaw shani gaw masha ni shangai jat wa ai.Dai the maren shani shagu manghkang amyu myu hte masha si nga ma ai.Moi chyaloi n hkoi na Kaji Kawoi prat kaw nna dai ni dai na du hkra anhte shinggyim masha ni tinang Amyu,tinang hkum galu kaba rawt jat wa na matu shakut nga ga ai.Hpang na ni mung dai hku sha a shakut nga na rai nga ai.


Ya dai ning 2016 ning hta Mungkan Masha Jahpan gaw wan pawng hkying sanit mali tsa jan  (7,404,976,783) law wa sai hku  re.Dai ram law ai shinggyim masha ni shani shagu lu na sha na,nga shara ni hpe lit la galaw ya ra ai Mungkan ga a matu anhte ni galoi mung jin jin rai nga na a hkyak nga sai.Mungkan masha ni yawng ngwi pyaw simsa let shaning pan law law rau nga lu na matu Mungkan ga shingra maka hte seng ai manghkang ni hpe a tsawm madu myit hte makawp maga sa wa ga ngu n-gun jaw dat ai law.



Written By Ka ai ten
Seng ang ai ga baw ,

10 July, 2016

The Beauty Of Mathematics,What is the most important thing in life to achive ? and the Love of God.
Written By Ka ai ten
Seng ang ai ga baw ,

17 October, 2015

2:22 PM

Asak 20 ning jan Ramma ni aten arang bang ging ai lam 11






Asak 20 ning jan aten gaw n dum shami lai mat wa chye ai. Dai majaw 20-30 lapran galaw ging ai magam bungli ni hpe galaw lu na matu grai ahkyak ai hku re.


Ndai asak 20 ning jan laman nang hpa ni galaw sai rai? Asak kaba wa ai shaloi na matu ja gumhpraw lam, myit masa kung hpan lam, hpaji machye machyang lam ni hpe hkyen da lu sai kun?

 Ndai ga san ni hpe htai lu na matu lawu kaw asak 20 ning jan ramma ni galaw ging ai lam 11 hpe tang madun dat ga ai.



 Hkridun (Network) gaw gap ra ai


Hku hkau ging ai manaw manang ni hte hku hkau da lu yang, nang gaw ahkaw ahkang ni, awng dang lam ni hpe hku hkau da lu ai hte bung nga ai. Dai hta n-ga, manang kaja lu da yang, tinang na lam ni, tinang na shawng lam ni hpe atsawm sha bawng ban na masha lu da ai re.
 Tinang na prat hpe awng dang ai de woi sa lu ai manang ni hpe hku hkau da na, hkridun galaw da lu na matu grai ahkyak ai. Hpa majaw nga yang asak 20 ning jan aten na dai ni na aten hpe nang jai lang nna htawm hpang na prat hpe gaw gap la ra ai majaw re.


 Laika law law hti ra ai

Laika hti ai daram akyu rawng ai kaga n nga ai. Nang mai lu laika yawng hpe hti ra na re. Shiga ni, sumroi ni, sumrai ni, magam bungli hte seng ai machye machyang ni, gumhpraw hte seng ai laika ni, hpaga lam hte seng ai laika ni… kaning zawn re ai laika raitim hti u!
 Nang na makau kaw nga ai masha ni na lam hpe grau chye na lu na matu laika hti ra na re. Nang na lam, nang na makau grup yin kaw nga ai masha ni na lam, mungkan na lam hpe nang grau chye yang awng dang lam de na hkum nang lam la na matu grau loi na re.
 Laika hti ai lam gaw nang na myit hte bawnu hpe jahpaw jahprang ya na re. Nang na  prat hta jai lang mai na ningmu ni hpe laika ka sara/saranum ni jaw ya lu ai. Bai nna mungkan shara shagu kaw na ningmu ni hpe lu la mai ai.




 Tinang na hkum hkrang hpe makawp maga ra ai




Shana yup hkyen yang man myit na hte hkum hkrang shamu shamawt lam galaw ai lam ni gaw nang galoi mung galaw yang she galaw na re. Ndai ni hpe galoi mung galaw ging nga ai.
 Asak 20 ning jan kaw na hkam ja lam sadi ai rai yang, asak kaba wa ai ten tinang asak kaji ai kaw na tinang na hkum hkrang hpe makawp maga ai majaw kabu na re.
   Hpa magam bungli galaw ai raitim, hkum hkrang bungli galaw ra na re. Ndai hkum hkrang hpe nnan galai la n mai ai. Ndai hkum hkrang kaw sha aten htum du hkra nga ra na re majaw lu ai sha ai lam, nga sat nga sa lam hte hkum hkrang shamu shamawt lam hpe hkan nang hkan sa ai gaw mai kaja ai lam rai nga ai.


 Aten hte gumhpraw hpe hpaji kaw arang bang ra ai.

Hpaji gaw manu daw daw n mai ai ru di ru hpang langai rai nna ndai hpe lu da yang myit malai na lam hpa mung nga na n rai li ai.

 Tinang lu ai gumhpraw kade n law tim, dai gumhpraw hpe tinang galaw na magam bungli kaw mai jai lang ai hpaji machye machyang kaw arang bang ai gaw kaja ai lam re. Tinang na myit masin dam lada wa na matu hpaji machye machyang gaw galaw ya lu ai.
 Hpaji machye machyang law law hpe galaw chyam yu nna tinang myit shang sha dik ai lam hpe tam la chye ra ai. Dai hpang tinang myit shang sha ai dai lam hpe gumhpraw tam ai magam bungli hku na galai shai la ra ai. Lama na dai machye machyang hte seng nna hpaji naw sharin la ra yang mung kung kyang ai du hkra sharin la ra ai.


 Kung kyang ai lam (skills) nnan hpe hkaja la ra ai

Tinang myit shang sha ai hpe hkaja la ai gaw mai kaja ai lam re. Raitim, tinang myit shang sha ai lam hta dawn jan nna kaga kung kyang ai lam nnan ni hpe mung tam sawk sagawn let grai kung kyang hkra sharin hkaja la ra ai. Ndai hpe asak 20 jan laman sha galaw na aten lu na rai li ai.


 Lachyum rawng ai kanawn mazum lam hpe gaw gap ra ai.





Lu shalai, sha shalai, wam dam shalai ai manang ni hte aten shama na malai tinang hpe kaja ai n’gun, kaja ai ningmu hte kaja ai machye machyang garan ya lu ai masha ni hte akyu rawng ai kanawn mazum lam hpe gaw gap la ra ai.
  Asak kaba wa ai hte maren nang na kanawn mazum lam mung kung wa ra ai. Dai rai yang she, shawng lam pandung ni hpe lu hkra galaw hkawm sa ai shaloi tinang hpe dingbai ding na n jaw ai sha karum ning tum lu la na rai li ai.


 Mu mu mai mai sha ra ai.

Lu sha seng kaja kaw na lu sha hpe sha na matu tsun ai n re. Tinang sha na lu sha hpe aten jaw hkyen lajang chye nna hkam ja lam hte htuk manu ai lu sha shadu ai ladat ni hpe hkaja la ra ai.
 Tsa chyaru, hka yawm hte lam makau hkan dut ai malu masha ni, yangyi gangau muk ni hte katsi lu hpa (cold drinks) ni hpe man man lu sha ai kaw na koi gam ra ai.
 Ndai hku galaw lu ai rai yang htawm hpang aten na nang gaw ya aten na nang hpe chyeju dum na re.


 Gumhpraw hpe hparan chye na matu hkaja la ra ai

Shara mi kaw dung let nang gumhpraw kade daram jai nga ai. Dai gumhpraw gara kaw na lu ai. Kade daram lu mahkawng nga ai. Shang gumhpraw hte jai gumhpraw hkrak rai nga ai kun? Ra ahkyak yang jai na gumhpraw lu mahkawng da sai kun ngu ai hpe myit sawn yu u.
 Dai ni kaw na nang na gumhpraw hpe nang lu lajang ai rai yang, htawm hpang hta nang asak kaba wa ai aten, shing n rai machyi ai aten, shing n rai ma ni hpe jawng de sa ai aten, shing n rai machyi ai Kanu Kawa hpe tsi rung sa ai aten ni kaw nang na gumhpraw nang hpe hkye mawoi lam madun la na re.
 N kaja ai hpaga galaw ai lam hpe koi gam u (teng man nna aten na na mai galaw ai magam bungli n rai yang koi gam u.)


 Hkrun lam hkawm ra ai.

Asak 20 ning jan aten gaw sharawng shara myit rawng ai aten rai nhtawm magam bungli kaba galaw na matu n’gun labyin rawng ai aten re. Dai majaw tinang n du ga ai shara ni de hkawm sa nna n bung ai htung hking n’nan ni, mungdaw mungdan n’nan ni, hte challenge n’nan ni hpe chyam yu ging ai. Ndai zawn hkrun lam hkawm nna lu wa ai mahkrum madup hte ningmu ni hpe htawm hpang de mai jai lang yang hkrun lam hkawm ai kaw na nta de mai la wa ai.


 Tinang tsawra ai masha ni hte matut mahkai ra ai.

Tinang tsawra ai kahpu kanau, Kanu, Kawa, manang ni na shangai n’htoi hpe matsing hkra galaw yang kaja ai. Tinang tsawra ai masha ni ra sharawng ai lam, n ra sharawng ai lam ni hpe chye hkra galaw da ra ai. Shanhte hpe tsawra myit chye madun ra ai.
 Lani mi tinang ra wa aten hta tinang na makau kaw tsap ya na ni gaw shanhte sha rai wa na re. Dai majaw tinang nan mung n’gun dat let tsawra myit madun let, kanawn mazum lam hpe gaw de la ra ai.


 Tinang na prat hta hpa lu mayu ai ngu ai lam hpe chye hkra galaw ra ai.

Asak 20 jan aten hta tinang na makau grup yin kaw masha ni yu kaba ai lam, masha ni kaja ai ngu mu ai lam hta n dum shami yau lawm mat chye ai. Ramma law malawng aten la let tinang na prat hta hpa hpe lu la mayu ai ngu ai hpe sawn sumru dinglun yu na malap chye ma ai.

 Dai ni na aten gaw tinang nga ai mare kahtawng kata, mungdaw mungdan kata hte mungkan kaw hpa byin nga ai hpe chye na ahkyak ai zawn tinang na bawnu kaw tinang hpe hpe ra sharawng nga ai hpe chye na matu mung ahkyak ai hku re.

 Ndai zawn tinang ra sharawng ai lam hpe chye wa na matu tinang hkrai dung let aten jaw sumru yu ra ai. Tinang hkum tinang ga san law law san la ra ai.

  Ndai zawn tinang ra sharawng ai lam hpe chye hkra galaw nna ndai hpe lu hkra gara hku galaw na ngu ai mahkyen hpe atsawm hkyen lajang ra na re.


 Ref: Business Insider

 John Htingnan
14 Oct 2015
Written By Ka ai ten
Seng ang ai ga baw , ,